କଣ୍ଢେଇ ସାଜୁଛି କି ହତ୍ୟାକାରୀ ? ହଲିଉଡ କାହାଣୀର ବାସ୍ତବତାକୁ ନେଇ ଚର୍ଚ୍ଚା
ଆପଣ ହଲିଉଡ ସିନେମା “କଂଜୟୁରିଂ” ନିଶ୍ଚୟ ଦେଖିଥିବେ । ଏହି ସିନେମାରେ ଅନାବେଲ ନାମକ ଏକ କଣ୍ଢେଇକୁ ପୂରା ସିନେମାଟି ନିର୍ମାଣ କରାଯାଇଛି । ଯେଉଁଥିରେ ଏକ ଦୁଷ୍ଟ ଅତୃପ୍ତ ଆତ୍ମା ପସି ଲୋକଙ୍କୁ ଅତି ନିର୍ମମ ଭାବରେ ହତ୍ୟା କରୁଥିଲା । ଆପଣ ଜାଣି ଆଶ୍ଚର୍ଯ୍ୟ ହେବେ କି ଏହି ସିନେମାଟି ଏକ ବାସ୍ତବିକ କାହାଣୀ ଉପରେ ଆଧାରିତ । ପ୍ରକୃତରେ ଅନାବେଲ ନାମକ ଏକ କଣ୍ଡେଇ ସତରେ ଅଛି ଏବଂ ଶୁଣିବାକୁ ମିଳିଛି କି ଏଥିରେ ଏକ ଦୁଷ୍ଟ ଆତ୍ମାର ଶାୟା ରହିଛି ।
Kanak News is now on WhatsApp
Join and get latest news updates delivered to you via WhatsApp
ଘଟଣାଟି ହେଉଛି ୧୯୭୦ ବେଳର, ଯେତେବେଳେ ନର୍ସିଂ ପାଠ ପଢୁଥିବା ଡୋନା ନାମକ ଜଣେ ମହିଳାଙ୍କୁ ତାଙ୍କ ମାଆ ଏକ କଣ୍ଢେଇ ଉପହାର କରିଥିଲେ । କଣ୍ଢେଇ ଦେଖିବାକୁ ଖୁବ ସୁନ୍ଦର ଓ ଆକର୍ଷଣୀୟ ଥିଲା । ମାଆଙ୍କ ପାଖରୁ ମିଳିଥିବା ଏହି ଉପହାରଟିକୁ ଡୋନା ନିଜ ରୁମରେ ସଜାଇ ରଖିଥିଲେ । ଆଉ ସେହି ରୁମରେ ସେ ନିଜର ଜଣେ ବନ୍ଧୁଙ୍କ ସହିତ ରହୁଥିଲେ । ତେବେ ଏହି କଣ୍ଢେଇଟିକୁ ନିଜ ରୁମର ରଖିବା ଦିନଠାରୁ ଉଭୟ ଡୋନା ଏବଂ ତାଙ୍କ ବନ୍ଧୁଙ୍କ ସହିତ ପ୍ରତିଦିନ କିଛି ଅଜବ ଦୁର୍ଘଟଣା ଘଟିବାରେ ଲାଗିଥିଲା ।
ଆଶ୍ଚର୍ଯ୍ୟର କଥା ହେଲା କି, ଡୋନା ନିଜ ରୁମରେ ରଖିଥିବା ଏହି କଣ୍ଢେଇଟି ଘରେ କେହି ନଥିବା ବେଳେ ଆପଣା ଛାଏଁ ଜାଗା ପରିବର୍ତ୍ତନ କରିଦେଉଥିଲା । କେତେବେଳେ କଣ୍ଢେଇଙ୍କି ଡୋନାଙ୍କ ବେଡ ଉପରେ ତ ଆଉ କେତେବେଳେ ଚଟାଣ ଉପରେ ପଡିଥିବାର ଦେଖିବାକୁ ମିଳୁଥିଲା । ବଡ କଥା ଘରେ କେହି ଉପସ୍ଥିତ ନଥିବା ସମୟରେ ହିଁ ଏହି ସବୁଘଟଣା ଘଟୁଥିଲା । ଏହାପରେ ଉଭୟଙ୍କୁ ଏକ ରକ୍ତ ଭଜା ଚିଠି ମିଳେ, ଯେଉଁଥିରେ ଲେଖାଯାଇଥାଏ କି, ହେଲ୍ପ ମି । ଚିଠିଟିକୁ ପଢିବା ପରେ ଉଭୟ ଡୋନା ଓ ତାଙ୍କର ସାଥୀ ଡରି ଯାଇଥିଲେ । ଯେତେବଳେ କଣ୍ଢେଇଟିର ବ୍ୟବହାର ସୀମା ଟପି ଯାଇଥିଲା ସେତେବେଳେ ଡୋନାଙ୍କ ମାଆ ଜଣେ ଗୁଣିଆକୁ ଡାକିଥିଲେ । ଏହାପରେ ଗୁଣିଆ ଜାଣିବାକୁ ପାଇଥିଲା କି ଏହି କଣ୍ଢେଇ ମଧ୍ୟରେ ଏକ ଦୁଷ୍ଟ ଆତ୍ମା ବାସ କରୁଛି, ଯାହାର ନାଁ ଅନାବେଲ ଏବଂ ଯିଏ ବହୁତ ଶକ୍ତିଶାଳୀ ଆତ୍ମା ଥିଲା । ଏହାପରେ ସେମାନେ ଏହି କଣ୍ଢେଇଟିକୁ ଏକ କାଚଘରେ ବନ୍ଦୀ କରିଦେଇଥିଲେ ।ଯାହାକି ଏବେବି ରହିଥିବା ଦାବି କରାଯାଉଛି ।