କ୍ୟାନସର କରାଉଛି ଜନସନ ବେବି ପାଉଡର । ବର୍ଷକ ମଧ୍ୟରେ କଂପାନୀ ବିରୋଧରେ ଆସିଲାଣି ୬ହଜାରରୁ ଅଧିକ ଅଭିଯୋଗ । ତୁରନ୍ତ କରନ୍ତୁ ଯାଂଚ, କାଳେ ଆପଣଙ୍କ ଶିଶୁ ହୋଇନି ତ ଏହାର ଶିକାର
ସମଗ୍ର ବିଶ୍ୱରେ ତଥା ବେବି କେୟାର ମାର୍କେଟରେ ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିଛି ଜନସନ ଆଣ୍ଡ ଜନସନ ବେବି କଂପାନୀ । ଯାହାର ପ୍ରଡକ୍ଟକୁ ନା ହିଁ କେବଳ କୋମଳମତି ଶିଶୁଙ୍କଠାରେ ବ୍ୟବହାର କରାଯାଉଛି ବରଂ ବଡ ଲୋକମାନେ ମଧ୍ୟ ବ୍ୟବହାର କରୁଛନ୍ତି । ହେଲେ ବର୍ଷ ବର୍ଷ ଧରି ବିଶ୍ୱ ବଜାରରେ ନାମ ଅର୍ଜନ କରିଥିବା ଏହି ପ୍ରଭାବଶୀଳୀ କଂପାନୀ ତଥା ଜନସନ ଆଣ୍ଡ ଜନସନ ବେବି କଂପାନୀ ନାଁରେ ବି ରହିଛି ସାଂଘାତିକ ଅଭିଯୋଗ ।
Kanak News is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁସାରେ, ନିକଟରେ ଏକ ନିମ୍ନ ଅଦାଲତରେ କଂପାନୀ ବିରୋଧରେ ୨୪୦ କୋଟିର ଜରିମାନା ଲାଗୁ କରାଯାଇଥିଲା । ଯାହାକୁ ବର୍ତ୍ତମାନ ଆମେରିକୀ କୋର୍ଟ ତିନି ଗୁଣା ବୃଦ୍ଧି କରି ତଥା ୭୬୦ କୋଟି ଟଙ୍କା କରିଦେଇଛି । ସୂଚନା ମୁତାବକ, ନ୍ୟୁଜର୍ସିର ଜଣେ ୪୬ ବର୍ଷୀୟ ଇନଭେଷ୍ଟମେଂଟ ୱାର୍କର ଷ୍ଟିଫନ ଲୈଜି ଏବଂ ତାଙ୍କ ପତ୍ନୀ କେଣ୍ଡ୍ରା କଂପାନୀ ବିରୋଧରେ ଅଭିଯୋଗ ଆଣିଛନ୍ତି ଯେ, କଂପାନୀର ପ୍ରଡକ୍ଟ ବ୍ୟବହାର କରିବା ଦ୍ୱାରା ତାଙ୍କୁ ମେସୋଥେଲିଓମା ହୋଇଛି ବୋଲି । ଏଥିସହିତ କଂପାନୀକୁ ଏଥିପାଇଁ ତାଙ୍କୁ କ୍ଷତିପୂରଣ ଦେବାକୁ ମଧ୍ୟ ନିଜର ଅଭିଯୋଗ ପତ୍ରରେ ଉଲ୍ଲେଖ କରିଛନ୍ତି । ଦଂପତିଙ୍କ କହିବା କଥା ହେଲାକି, କଂପାନୀର ପାଉଡରରେ Asbestos ରହିଥିବା କାରଣରୁ ତାଙ୍କୁ ମେସୋଥେଲିଓମା ହୋଇଛି । ଲୈଜି ଆହୁରୀ ମଧ୍ୟ କହିଛନ୍ତି କି, କଂପାନୀକୁ ଏସଂପର୍କରେ ଜଣାଥିଲେ ସୁଦ୍ଧା କଂପାନୀ ତରଫରୁ ନିଜର ପ୍ରଡକ୍ଟ ଉପରେ କୌଣସି ଚେତାବନୀ ଦିଆଯାଇନି ।
ଏଠାରେ ଆମେ କହି ରଖୁଛୁ କି, ମେସୋଥେଲିଓମା ଏକ ପ୍ରକାରର କ୍ୟାନସନ ରୋଗ । ଯାହା ବୃକକ, ପଂଜରା, ପେଟ, ହୃଦୟ ଏବଂ ଶରୀରର ଅନ୍ୟାନ୍ୟ ଅଙ୍ଗପ୍ରତ୍ୟେଙ୍ଗଗୁଡିକ ଉପରେ ପ୍ରଭାବ ପକାଇଥାଏ । କଂପାନୀର ୧୨୦ ବର୍ଷର ଇତିହାସରେ ବେବି ପାଉଡରରେ Asbestos ମିଶିଥିବା କାରଣରୁ ମେସୋଥେଲିଓମା ହେବାର ଏହା ପ୍ରଥମ ଘଟଣା । ଲୈଜି କହିଛନ୍ତି କି, ସେ ୩୦ ବର୍ଷ ହେଲା କଂପାନୀର ବେବି ପାଉଡର ବ୍ୟବହାର କରିଆସୁଛନ୍ତି । ଯେଉ କାରଣରୁ ସେ ଏହି ରୋଗର ଶିକାର ହୋଇଛନ୍ତି । ଅନ୍ୟପଟେ, ଲୈଜିଙ୍କ ଅଭିଯୋଗକୁ ଖଣ୍ଡନ କରିଛି କଂପାନୀ । କଂପାନୀ ନିଜର ସଫେଇ ଦେଇ କହିଛିକି, ଲୈଜି ଯେଉଁ ଘରେ ରହୁଛନ୍ତି ,ସେଠାରେ Asbestos ବ୍ୟବହାର କରାଯାଇଛି । ଏପରିକି ସେ ଯେଉଁ ସ୍କୁଲରେ ପାଠପଢିଥିଲେ ସେଠାରେ ମଧ୍ୟ Asbestos ରହିଥିଲା ।
ମାତ୍ର ଏହା ସତ୍ୱେ ବି କୋର୍ଟ କଂପାନୀର ସମସ୍ତ ଦସ୍ତାବିଜକୁ ଭିର୍ତ୍ତିହୀନ କରି ପୂର୍ବ ନିର୍ଧାରିତ ଜରିମାନାକୁ ଆହୁରୀ ତିନିଗୁଣା ବଢାଇଦେଇଛନ୍ତି । ଯେଉଁଥିରେ ୭୦ ପ୍ରତିଶତ ଟଙ୍କା ଜନସନ ଆଣ୍ଡ ଜନସନ କଂପାନୀ ଦେବାକୁ ଥିବା ବେଳେ ବାକି ୩୦ ପ୍ରତିଶତ ଟଙ୍କା ପାଉଡର ସପ୍ଲାଏ କରୁଥିବା କଂପାନୀ ଦେବାକୁ ନିର୍ଦ୍ଦେଶ ଦେଇଛନ୍ତି ।