ଫରେନ ଡାକ୍ତରଙ୍କ ଦୃଢୋକ୍ତି । ପୁଣି ଆସିପାରେ ଏକ ଭୟଙ୍କର ମହାମାରୀ ଯେଉଁଥିରେ କୋଟି କୋଟି ଲୋକଙ୍କର ଚାଲିଯାଇପାରେ ପ୍ରାଣ!
କନକ ବ୍ୟୁରୋ : ଆଜିଠୁ ପ୍ରାୟ ଅନେକ ବର୍ଷ ତଳେ ଏକ ମହାମାରୀ ଦେଖାଯାଇଥିଲା । ତେବେ ଏହି ରୋଗ ଦୁନିଆର ପ୍ରାୟ ୫ କୋଟି ଲୋକଙ୍କୁ ଗ୍ରାସ କରିଥିଲା । କେବଳ ଏତିକି ନୁହେଁ ଏହି ମହାମାରୀରେ ଅନେକ ଲୋକ ପ୍ରାଣ ମଧ୍ୟ ହରାଇଥିଲେ । ତେବେ ସେହି ରୋଗ ବିଷୟରେ ଜଣେ ଡାକ୍ତର ଯେଉଁ କଥା କହିଛନ୍ତି ତାହା ସମସ୍ତଙ୍କୁ ଚକିତ କରିଛି । ମିଳିଥିବା ସୂଚନା ଅନୁସାରେ ବ୍ରିଟେନର ଏକ ଡାକ୍ତର ଦାବି କରିଛନ୍ତି ଯେ, ପୂର୍ବରୁ ଦେଖାଯାଇଥିବା ମହାମାରୀରେ ସାରା ପୃଥିବୀରେ ଯେପରି ଭାବରେ ଅନେକ ଲୋକ ପ୍ରାଣ ହରାଇଥିଲେ ତାହା ପୁଣି ଥରେ ଫେରିବ ଓ ଲୋକମାନେ ସେହି ରୋଗରେ ହିଁ ପ୍ରାଣ ହରାଇବେ ବୋଲି ଡାକ୍ତର ଫାରୀ ଅହମ୍ମଦ ସୂଚନା ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ତେବେ ଗଣମାଧ୍ୟମ ସେହି ଡାକ୍ତରଙ୍କୁ ଏକ ପ୍ରଶ୍ନ ପଚାରିଥିଲା ଯେ, ସେହି ସମୟରେ ଯେଉଁ ରୋଗ ମହାମାରୀରକ ରୂପ ନେଇଥିଲା ତାହା କେଉଁ କାରଣରୁ ହୋଇଥିଲା ଓ ସେହି ରୋଗ ପୁଣି ଥରେ ଫେରିବ ବୋଲି କି ପ୍ରଶ୍ନ କରାଯାଇଥିଲା । ସେହି ପ୍ରଶ୍ନ ଉତ୍ତରରେ ଡାକ୍ତର ଜଣକ କହିଥିଲେ ଆପଣ ଯଦି ଭାବୁଛନ୍ତି କି ଆପଣଙ୍କ ପାଖରେ ନୂଆ ମେଡିସିନ ଅଛି ଓ ଭ୍ୟାକ୍ସିନ ରହିଛି ତେବେ ତାହା ଥାଇ ପାରେ । ହେଲେ ରୋଗରୁ କେହି ମୁକ୍ତି ହେଇ ପାରିବେ ନାହିଁ ବୋଲି ଡାକ୍ତର ଜଣକ ଯୁକ୍ତି କରିଥିଲେ । ଏହି ଡାକ୍ତରଙ୍କୁ ଅନ୍ୟ ଜଣେ ଡାକ୍ତର ସମର୍ଥନ କରିଥିବା ମଧ୍ୟ ଜଣାପଡିଛି । ଏହାସହ ସେ କହିଛନ୍ତି ଯେତେ ଡେରିରେ ଆମେ ମାନେ ଭାବିବା କି ସେହି ରୋଗ କଣ? କିପରି ହେଉଛି ? ସେହି ସମୟ ବେଳକୁ ଅନେକ ଲୋକଙ୍କୁ ଏହି ମାରାତ୍ମକ ରୋଗ ଗ୍ରାସ କରିସାରିବଣି । ତେଣୁ ଆମମାନଙ୍କୁ ଯଥେଷ୍ଟ ସାବଧାନ ହେବା ପାଇଁ ପଡିବ ବୋଲି ସେ କହିଛନ୍ତି । ତେବେ ଏପରି ରୋଗ ପ୍ରଥମେ ଆମେରିକାର ଜଣେ ସୈନ୍ୟଙ୍କ ନିକଟରେ ଦେଖାଯାଇଥିଲା ।
ଏହାପରେ ଆମେରିକା ସହ ଫ୍ରାନ୍ସ, ଜର୍ମାନୀ ଓ ବ୍ରିଟେନକୁ ବ୍ୟାପିଥିଲା । ତେବେ ସ୍ପେନରେ ଏହା ଅନେକ ଲୋକମାନଙ୍କ ପ୍ରାଣ ନେଇଥିବା ସୂଚନା ମିଳିଛି । ସେହି ସମୟରେ ପାଖାପାଖି ୫ କୋଟି ଲୋକଙ୍କ ମୃତ୍ୟୁ ହୋଇଥିଲା ଏହି ମହାମାରୀ ରୋଗରେ । ତେବେ ଏହି ରୋଗ ପଛରେ ଏକ ଭାଇରସ ଥିବା ଜଣାପଡିଛି । ଏହି ଭାଇରସ ବହୁକମ ସମୟରେ ଅନେକ ଲୋକମାନଙ୍କ ପ୍ରାଣ ନେଇଥିଲା । ତେଣୁ ଏପରି ରୋଗଠାରୁ ଦୂରେଇ ରହିବା ପାଇଁ ଡାକ୍ତରମାନେ ପରାମର୍ଶ ଦେଇଥିବା ଜଣାପଡିଛି ।