‘ପୁଷ୍ପା’ ଏବଂ ‘ଜେଲର’ ପରେ ଏବେ  ‘ରଙ୍ଗା’

‘ପୁଷ୍ପା’ ଏବଂ ‘ଜେଲର’ ପରେ ଏବେ ପରଦକୁ ଆସୁଛି  ‘ରଙ୍ଗା’

ସାରା ଭାରତରେ ଧୀରେଧୀରେ ଲୋକମାନେ ସାଉଥ ଫିଲ୍ମକୁ ପସନ୍ଦ କରୁଛନ୍ତି ।  କେବଳ ଦକ୍ଷିଣ ଭାରତୀୟ ନୁହଁନ୍ତି ସମଗ୍ର ଭାରତ ସେମାନଙ୍କ ଚଳଚ୍ଚିତ୍ରକୁ ଅପେକ୍ଷା କରିଥାଏ । 'ପୁଷ୍ପା', 'ଆରଆରଆର' ଏବଂ 'ଜେଲର'ର ଚମତ୍କାର ସଫଳତା ପରେ ଏବେ ନିଜର ଦମ ଦେଖେଇବାକୁ ପରଦାକୁ ଆସିବାକୁ ଯାଉଛି କଉ ଆସୁଛି 'ନା ସାମି ରଙ୍ଗା' ।  ଏହି ଚଳଚ୍ଚିତ୍ରରେ 63 ବର୍ଷ ବୟସ୍କ ମେଗାଷ୍ଟାର ନାଗାର୍ଜୁନା ଆକ୍କିନେନି ତାଙ୍କର ଦମଦାର ଅଭିନୟ ଦେଖେଇବାକୁ ପୁଣି  ପ୍ରସ୍ତୁତ ହେଉଛନ୍ତି ।

ନାଗାର୍ଜୁନ ଆକ୍କିନେନିଙ୍କ ନୂଆ ଚଳଚ୍ଚିତ୍ର 'ନା ସାମି ରଙ୍ଗା' ତାଙ୍କର 63 ତମ ଜନ୍ମଦିନ ଅବସରରେ ଘୋଷଣା କରାଯାଇଛି। ଲୋକପ୍ରିୟ କୋରିଓଗ୍ରାଫର ବିଜୟ ବିନି ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେବାକୁ ଯାଉଛନ୍ତି । ଏହି ଚଳଚ୍ଚିତ୍ର ମାଧ୍ୟମରେ ସେ ତାଙ୍କର ନିର୍ଦ୍ଦେଶକ କ୍ୟାରିୟର ଆରମ୍ଭ କରୁଛନ୍ତି ।  ଏଥିସହିତ ଏମଏମ କିରବାନୀ ଏହି ଫିଲ୍ମ ପାଇଁ ସଂଗୀତ ଦେଇଛନ୍ତି ।

'ନା ସାମି ରଙ୍ଗା' ଜାନୁଆରୀ 2024 ରେ 'ଗୁଣ୍ଟୁର କରମ୍' ସହିତ ମୁକ୍ତିଲାଭ କରିବ

ଏହି ଚଳଚ୍ଚିତ୍ର ଆସନ୍ତା ବର୍ଷ ମକର ସଂକ୍ରାନ୍ତି ଅବସରରେ ପ୍ରେକ୍ଷାଳୟରେ ମୁକ୍ତିଲାଭ କରିବ ଏବଂ ଏହା ସହିତ ରିଲିଜ ହେବାକୁ ଯାଉଛି ମହେଶ ବାବୁଙ୍କ 'ଗୁଣ୍ଟୁର କରାମ' । ଏହି ଦୁଇ ଚଳଚ୍ଚିତ୍ର ମଧ୍ୟରେ କଡ଼ା ମୁକାବିଲା ହେବାର ସମ୍ଭାବନା ରହିଛି ।  ସାଉଥ ଚଳଚ୍ଚିତ୍ର ରିଲିଜ୍ ପାଇଁ ମକର ସଂକ୍ରାନ୍ତି ହେଉଛି ସବୁଠାରୁ ଭଲ ସିଜନ  ଏବଂ ନାଗାର୍ଜୁନଙ୍କର ମଧ୍ୟ ଏହା ପ୍ରିୟ ସିଜିନ ।

ରଙ୍ଗାର ଟିଜର୍ ରିଲିଜ

ରିଲିଜ ହେଇଥିବା ଏକ ଦୃଶ୍ୟରେ ପ୍ରଥମ ଲୁକରେ ନାଗାର୍ଜୁନ ପୁଣିଥରେ ଲମ୍ବା କେଶ ଏବଂ ଦାଢି ସହିତ ବେଶ ଆକର୍ଷଣୀୟ ଲାଗୁଛନ୍ତି । ଏହି ଟିଜର୍ ରେ ନିର୍ମାତା 'ନା ସାମି ରଙ୍ଗା'ର ଦୁନିଆ ଦେଖାଇଛନ୍ତି । କେବଳ ଗୋଟିଏ ମାତ୍ର ଦୃଶ୍ୟରେ ଏହା ଦର୍ଶକମାନଙ୍କୁ ବହୁତ ପ୍ରଭାବିତ କରିଛି ।   ଏହି ଟିଜର୍ ର ବ୍ୟାକଗ୍ରାଉଣ୍ଡ ମ୍ୟୁଜିକ ମଧ୍ୟ ଖୁବ ପ୍ରଭାବଶାଳୀ ହେଇଛି ।

ନାଗାର୍ଜୁନଙ୍କ କ୍ୟାରିୟରର 99 ତମ ଚଳଚ୍ଚିତ୍ର

ଏହି ଚଳଚ୍ଚିତ୍ରର ଲେଖକ ହେଉଛନ୍ତି ପ୍ରସନ୍ନ କୁମାର ବେଜୱାଡା ଯିଏ ବ୍ଲକବଷ୍ଟର ଚଳଚ୍ଚିତ୍ର ଦେଇଛନ୍ତି ।  ସେ ଏହି ଫିଲ୍ମର ସଂଳାପ ମଧ୍ୟ ଲେଖିଛନ୍ତି। ସାଉଥ ସୁପରଷ୍ଟାର ନାଗାର୍ଜୁନ ଆକ୍କିନେନି ତାଙ୍କ ଜନ୍ମଦିନ ଅବସରରେ ତାଙ୍କର ଆଗାମୀ ଚଳଚ୍ଚିତ୍ର ଘୋଷଣା କରି ପ୍ରଶଂସକଙ୍କ ମଧ୍ୟରେ ଉତ୍ସାହ ବଢାଇଦେଇଛନ୍ତି । ଏହା ତାଙ୍କ କ୍ୟାରିୟରର 99 ତମ ଚଳଚ୍ଚିତ୍ର ହେବ ।