ଦକ୍ଷିଣ ଆଫ୍ରିକାର ନୂଆ ମ୍ୟୁଟାଣ୍ଟ ବଢାଇଲା ଭୟ : କରୋନା ଟିକାର ସୁରକ୍ଷା ବଳୟ ଭେଦ କରିବାକୁ ସକ୍ଷମ
ଡେଲାଟା ଠାରୁ ଅଧିକ ସଂକ୍ରାମକ ଓ ମାରାତ୍ମକ କହିଲେ ବିଶେଷଜ୍ଞ
କନକ ବ୍ୟୁରୋ : କରୋନାର ଡେଲଟା ଭାରିଆଣ୍ଟର ଭୟ ନ ସରିଥିବାବେଳେ ଏହାର ନୂଆ ଭାରିଆଣ୍ଟ ଭୟ ବଢାଇଲାଣି । ଏହି ସମୟରେ ବିଶ୍ୱରେ ଦକ୍ଷିଣ ଆଫ୍ରିକା ସମେତ ଅନେକ ଦେଶରେ କରୋନା ଭୂତାଣୁର ନୂଆ ରୂପ ଦେଖିବାକୁ ମିଳିଛି । ଭୂତାଣୁର ନୂଆ ରୂପର ନାମ ହେଇଛି ସାର୍ସ ସି.୧.୨ । ଏହା ପୂର୍ବ ଭୂତାଣୁ ଠାରୁ ଅଧିକ ମାରାତ୍ମକ ବୋଲି ବିଶେଷଜ୍ଞ ମତ ଦେଉଛନ୍ତି । କରୋନା ଟିକାର କବଚକୁ ମଧ୍ୟ ଏହା ସହଜରେ ଭେଦି ପାରିବାର କ୍ଷମତା ରଖୁଛି, ଯାହାକି ଚିନ୍ତାର କାରଣ ପାଲଟିଛି ।
Kanak News is now on WhatsApp
Join and get latest news updates delivered to you via WhatsApp
ଦକ୍ଷିଣ ଆଫ୍ରିକାରେ ପ୍ରଥମ ଲହର ସମୟରେ କରୋନା ଭୂତାଣୁର ସି.୧ ଭାରିଆଣ୍ଟ ପ୍ରଭାବ ବିସ୍ତାର କରିଥିବାବେଳେ ଏବେ ନୂଆ ଭାରିଆଣ୍ଟର ସଂକ୍ରମଣ କ୍ଷମତା ପୂର୍ବ ଠାରୁ ୧୦ ଗୁଣ ଅଧିକ । ଗୋଟିଏ ପଟେ ଡେଲଟା ଭୂତାଣୁର ପ୍ରକୋପ ଅନେକ ଦେଶରେ ଏବେ ପର୍ଯ୍ୟନ୍ତ କମିନାହିଁ ଅନ୍ୟପଟେ ଅନେକ ଦେଶରେ ତୃତୀୟ ଲହରକୁ ନେଇ ମଧ୍ୟ ସ୍ୱାସ୍ଥ୍ୟ ବିଶେଷଜ୍ଞ ଚିନ୍ତା ପ୍ରକଟ କଲେଣି । ଏହି ସମୟରେ କରୋନାର ଏହି ନୂଆ ଭାରିଆଣ୍ଟ ଲୋକଙ୍କ ମନରେ ଭୟ ସୃଷ୍ଟି କରିଛି । ତେବେ ଏହା ଉପରେ ଅଧିକ ଅଧ୍ୟୟନ ଚାଲିଥିବା ବିଶେଷଜ୍ଞ ମତ ରଖିଛନ୍ତି ।