ବିଭିନ୍ନ ଦେଶରେ କଟକଣା କୋହଳ ହେଉଥିବାରୁ ସତର୍କ କରାଇଲା ବିଶ୍ୱ ସ୍ୱାସ୍ଥ୍ୟ ସଂଗଠନ । ମୁଖ୍ୟ ବୈଜ୍ଞାନିକ ସୌମ୍ୟା ସ୍ୱାମୀନାଥନ କହିଲେ, କମିନାହିଁ କରୋନା, ଗୋଟିଏ ଦିନରେ ବିଶ୍ୱରେ ୫ ଲକ୍ଷ ନୂଆ ମାମଲା ।
- କମିନାହିଁ ମହାମାରୀ
- ଡବ୍ଲୁଏଚ୍ଓ ମୁଖ୍ୟ ବୈଜ୍ଞାନିକଙ୍କ ଚେତାବନୀ
- ୨୪ ଘଣ୍ଟାରେ ବିଶ୍ୱରେ ୫ ଲକ୍ଷ ନୂଆ ମାମଲା
- ୯,୩୦୦ ଜଣଙ୍କ ଜୀବନ ନେଇଛି କରୋନା
Kanak News is now on WhatsApp
Join and get latest news updates delivered to you via WhatsApp
ଗତ ୨୪ ଘଣ୍ଟାର ସୂଚନା ନେଇ ବିଶ୍ୱ ସ୍ୱାସ୍ଥ୍ୟ ସଙ୍ଗଠନର ମୁଖ୍ୟ ବୈଜ୍ଞାନିକ ଡକ୍ଟର ସୌମ୍ୟା ସ୍ୱାମୀନାଥନ ସତର୍କ କରାଇଛନ୍ତି । ସେ କହିଛନ୍ତି, ବିଶ୍ୱର ଅନେକ ଅଞ୍ଚଳରେ ଡେଲ୍ଟା ଭାଇରସ୍ ଯୋଗୁଁ ସଂକ୍ରମଣ ବଢିଚାଲିଛି । ତେବେ ନଜର ପକାନ୍ତୁ ସ୍ୱାମୀନାଥନଙ୍କ ବିଶ୍ଲେଷଣ ଉପରେ ।
- କିଛି ଦେଶରେ ଟିକାକରଣ ଯୋଗୁଁ କମ୍ ରୋଗୀ ହସ୍ପିଟାଲ ଯାଉଛନ୍ତି
- ବିଶ୍ୱର ବୃହତ୍ତର ଭାଗରେ ଟିକାକରଣ ନୈରାଶ୍ୟଜନକ
- ବିଶ୍ୱ ସ୍ୱାସ୍ଥ୍ୟ ସଂଗଠନର ୬ ଅଂଚଳ ମଧ୍ୟରୁ ୫ଟିରେ ସ୍ଥିତି ସଂଗୀନ
- ଅକ୍ସିଜେନ୍ ଅଭାବ, ହସ୍ପିଟାଲ ବେଡ୍ ଅଭାବ ଯୋଗୁଁ ମୃତ୍ୟୁ ସଂଖ୍ୟା ବଢୁଛି
- ଆଫ୍ରିକାରେ ୪୦ ପ୍ରତିଶତ ଅଧିକ ମୃତ୍ୟୁ ହେଉଛି
- ଡେଲ୍ଟା ଭୂତାଣୁ ଯୋଗୁଁ ଦୃତ ସଂକ୍ରମଣ ହେଉଛି
- କଟକଣା କୋହଳ ହେବାରୁ ସଂକ୍ରମଣ ବଢୁଛି
କରୋନା ମହାମାରୀକୁ ନେଇ ଡକ୍ଟର ସୌମ୍ୟା ସ୍ୱାମିନାଥନ୍ ସତର୍କବାଣୀ ଶୁଣାଇ ଥିବା ବେଳେ ମହାରାଷ୍ଟ୍ର ଓ କେରଳରେ କରୋନା ସ୍ଥିତିି ଚିନ୍ତା ବଢ଼ାଉଛି । କିଛି ଦିନ ଧରି ସଂକ୍ରମଣ କମୁଥିବା ବେଳେ ଏବେ ଏହି ଦୁଇ ରାଜ୍ୟରେ ସ୍ଥିତି ବିଗିବାରେ ଲାଗିଛି । ଶୀର୍ଷରେ ପହଁଚିବା ପରେ ପ୍ରଥମ ଲହରରେ ଯେପରି ଦୃତ ଗତିରେ ସଂକ୍ରମଣ ହ୍ରାସ ପାଇଥିଲା, ଦ୍ୱିତୀୟ ଲହରରେ ସେପରି ପରିଲଖିତ ହେଉନାହିଁ ।
ମହାମାରୀ କମିନଥିବାରୁ ବିଭିନ୍ନ ଦେଶରେ କଟକଣା କୋହଳ ହେଉଥିବାରୁ ଚିନ୍ତାବ୍ୟକ୍ତ କରିଛି ବିଶ୍ୱ ସ୍ୱାସ୍ଥ୍ୟ ସଂଗଠନ । ଜୁଲାଇ ୧୯ ତାରିଖରୁ ଇଂଲଣ୍ଡରେ ମାସ୍କ ପିନ୍ଧିବା ବାଧ୍ୟତାମୂଳକ ହେବନାହିଁ । ଆମେରିକା ମଧ୍ୟ ଅନେକ କଟକଣାକୁ କୋହଳ କରିଦେଇଛି । ତେବେ ଏହି ଦେଶଗୁଡିକୁ ସତର୍କ ରହିବାକୁ ପରାମର୍ଶ ଦେଇଛି ଡବ୍ଲୁଏଚଓ ।