କେହି ହେବେନି ଶିକ୍ଷାରୁ ବଞ୍ଚିତ । ସ୍କୁଲ ଯିବାକୁ ୩୫ ଜଣ ଝିଅଙ୍କୁ ସାଇକେଲ ଦେବେ ସୋନୁ ସୁଦ । ଚାଲିଚାଲି ୧୫ କିଲୋମିଟର ଜଙ୍ଗଲ ରାସ୍ତାରେ ଝିଅମାନେ ଯାଉଛନ୍ତି ସ୍କୁଲ
କନକ ବ୍ୟୁରୋ : ଦେଶର ଭବିଷ୍ୟତକୁ ସଜାଡିବାରେ ଲାଗିଛନ୍ତି ବଲିଉଡ ଅଭିନେତା ସୋନୁ ସୁଦ । ନେତା ମନ୍ତ୍ରୀ ଯେଉଁ କାମ ପାରୁନାହାନ୍ତି ତାକୁ କରି ଦେଖାଉଛନ୍ତି ସୋନୁ । ଶିକ୍ଷା ହେଉ ଅବା ସ୍ୱାସ୍ଥ୍ୟ ଲୋକଙ୍କୁ ସବୁ ପ୍ରକାର ସୁବିଧା ଦେଉଛନ୍ତି ଏହି ଅଭିନେତା । ଏବେ ଦେଶର ଉନ୍ନତି ଓ ଗରିବଙ୍କ ସାହାଯ୍ୟ ପାଇଁ ଆଉ ଏକ ପାଦ ଆଗେଇଛନ୍ତି ସୋନୁ ସୁଦ । ଏବେ ସେ ଉତ୍ତର ପ୍ରଦେଶର ମିର୍ଜାପୁର ଓ ସୋନଭଦ୍ରା ଜିଲ୍ଲାର କିଛି ଝିଅଙ୍କୁ ଦେବେ ସାଇକେଲ ।
Kanak News is now on WhatsApp
Join and get latest news updates delivered to you via WhatsApp
ସ୍କୁଲ ଯିବାକୁ ଅସୁବିଧାର ସମ୍ୁଖୀନ ହେଉଥିବା ଏହି ଗାଁର ଗରିବ ପିଲାଙ୍କ ପାଇଁ ଏବେ ଛିଡା ହୋଇଛନ୍ତି ହୃଦୟର ହିରୋ । ଏହି ଗାଁରେ ପଞ୍ଚମ କ୍ଲାସ ପରେ ଝିଅମାନେ ସ୍କୁଲ ଯିବା ଛାଡି ଦେଉଛନ୍ତି । ଏହାର କାରଣ ହେଉଛି ସେମାନଙ୍କୁ ସ୍କୁଲ ଯିବାକୁ ୧୫ କିଲୋମିଟର ଜଙ୍ଗଲ ରାସ୍ତାରେ ଚାଲିକି ଯିବାକୁ ପଡୁଛି । ସେହି ଅଞ୍ଚଳ ନକ୍ସଲ ପ୍ରବଣ ହୋଇଥିବାରୁ ଅଭିବାଭକମାନେ ପିଲାଙ୍କୁ ସ୍କୁଲ ଛାଡିବାକୁ ରାଜି ହୁଅନ୍ତି ନାହିଁ ।
ଏନେଇ ସନ୍ତୋଷ ଚୌହାନ ନାମକ ଜଣେ ଟ୍ୱିଟର ୟୁଜର ସୋନୁଙ୍କ ଦୃଷ୍ଟି ଆକର୍ଷଣ କରିଥିଲେ । ସେ ଟ୍ୱିଟ କରି ଲେଖିଥିଲେ, ଏହି ଗାଁରେ ୩୫ ଜଣ ଝିଅ ଅଛନ୍ତି, ଯେଉଁମାନଙ୍କୁ ସ୍କୁଲ ଯିବାକୁ ୧୫ କିଲୋମିଟର ଜଙ୍ଗଲ ରାସ୍ତା ଦେଇ ଯିବାକୁ ପଡେ । ଏହି ରସ୍ତା ବିପଦପୂର୍ଣ୍ଣ ଥିବାରୁ ଅବିଭାବକମାନେ ପିଲାଙ୍କୁ ଛାଡିବାକୁ ରାଜି ହୋଇନଥାନ୍ତି । ଆପଣ ଯଦି ଏହି ପିଲାଙ୍କୁ ସାଇକେଲ ଯୋଗେଇ ଦିଅନ୍ତେ ତେବେ ଏମାନଙ୍କ ଭବିଷ୍ୟତ ବଦଳିଯାଆନ୍ତା ।
ଏହାର ଉତ୍ତର ଦେଇ ସୋନୁ ସୁଦ ଲେଖିଛନ୍ତି, ଗାଁର ସବୁ ଝିଅଙ୍କ ପାଖରେ ସାଇକେଲ ପହଞ୍ଚିବ, ସବୁ ଝିଅ ପାଠ ପାଢିବେ । ତାଙ୍କ ପରିବାର ଲୋକଙ୍କୁ କହିଦିଅ ସାଇକେଲ ପହଞ୍ଚୁଛି, ଚା ରେଡ୍ଡି କରି ରଖିଥିବେ ।
ସୋନୁ ସୁଦଙ୍କ ଏଭଳି କାମ ତାଙ୍କୁ ପୁଣି ଗରିବଙ୍କ ମଧ୍ୟରେ ଭଗବାନର ସ୍ଥାନ ଦେଇଛି । ଲୋକଙ୍କୁ ସାହାଯ୍ୟ କରିବାକୁ ଯାଇ ସେ ଦେଶରେ ସେବାରେ ମଧ୍ୟ ନିଜ ଯୋଗଦାନ ଦେଉଛନ୍ତି । ଦେଶରେ ଚିକିତ୍ସା ଓ ଶିକ୍ଷାରୁ ବଞ୍ଚିତ ଲୋକଙ୍କୁ ସେ ସାହାଯ୍ୟର ହାତ ବଢାଉଛନ୍ତି । ତାଙ୍କର ଏଭଳି କାମ ଏବେ ତାଙ୍କୁ ଗରିବଙ୍କ ଭଗବାନ ଭାବେ ପରିଚୟ ଦେଇଛି ।