ଆଉ କେହି ରହିବେନି ବେରୋଜଗାର । ବେକାରୀଙ୍କୁ ଚାକିରି ଦେବେ ସୋନୁ ସୁଦ । ଲକ୍ଷେ ଲୋକଙ୍କୁ ଚାକିରି ଦେବାକୁ ସୋନୁଙ୍କ ନୂଆ ଅଭିଯାନ
କନକ ବ୍ୟୁରୋ : ସୋନୁ ସୁଦ୍ କେବଳ ଗୋଟିଏ ନାଁ ନୁହେଁ… ଗରିବ ଓ ଅସହାୟ ଲୋକଙ୍କ ପାଇଁ ଜେଣେ ସାକ୍ଷାତ ଦେବତା । ଅସୁବିଧାରେ ପଡି ଥରେ ଡାକିଦେଲେ ଭଗବାନ ଓ… କଲାଭଳି ସୋନୁ ବି ଅନେକ ଅସହାୟଙ୍କ ଦୁଃଖ ବୁଝିଛନ୍ତି । ସେଥି ପାଇଁ ସୋନୁଙ୍କୁ କିଏ ଗରିବଙ୍କ ମସିହା କୁହନ୍ତି ତ, ଆଉ କିଏ ସୋନୁଙ୍କୁ ସଂକଟରେ ପଡିଥିବା ଲୋକଙ୍କ ସଂକଟମୋଚନ ବୋଲି କୁହନ୍ତି । ଏବେ ସୋନୁ ଆଉ ଏକ ନୂଆ ଅଭିଯାନ ଆରମ୍ଭ କରିଛନ୍ତି । ଏକ ଲକ୍ଷ ବେରୋଜଗାର ଲୋକଙ୍କୁ ରୋଜଗାର ଦେବାକୁ ପଣ କରିଛନ୍ତି । ତେବେ ଆସନ୍ତୁ ଜାଣିବା ସୋନୁଙ୍କ ଏହି ପ୍ଲାନ୍ ବିସୟରେ ।
Kanak News is now on WhatsApp
Join and get latest news updates delivered to you via WhatsApp
ସୋନୁ ତାଙ୍କ ଟ୍ୱିଟର ପେଜରେ ଟ୍ୱିଟ୍ କରି ଲେଖିଛନ୍ତି, ନୂଆ ବର୍ଷ… ନୂଆ ଆଶା… ନୂଆ ଚାକିରିର ଅବସର… ଆଉ ଏହି ଅବସରକୁ ଆପଣଙ୍କ ପାଖରେ ପହଞ୍ଚାଇବି ମୁଁ… ଆଉ କେହି ରହିବେନି ବେରୋଜଗାର । ରୋଜଗାରର ରାହା ଦେଖାଇବ ‘ଗୁଡ-ୱାର୍କର’ । ଆଜି ହିଁ ‘ଗୁଡ-ୱାର୍କର’ ଆପଲିକେଶନକୁ ଡାଉନଲୋଡ କରନ୍ତୁ ଆଉ ଆପଣଙ୍କ ଭବିଷ୍ୟତ ଉଜ୍ଜଳ କରନ୍ତୁ । ଟ୍ୱିଟ୍ ମାଧ୍ୟମରେ ସୋନୁ ଏକ ଲକ୍ଷ ଲୋକଙ୍କୁ ଚାକିରି ଦେବାର ଘୋଷଣା କରିବା ସହ ଆଗକୁ ୧୦ କୋଟି ଲୋକଙ୍କୁ ରୋଜଗାରକ୍ଷମ କରିବା ପାଇଁ ଯୋଜନା ରଖିଛନ୍ତି । ସୋନୁ ସୁଦଙ୍କ ଏହି ଘୋଷଣା ପରେ ଅନେକ ଲୋକଙ୍କ ମଧ୍ୟରେ ଏକପ୍ରକାର ଉତ୍ସାହ ଖେଳିଯାଇଛି ।
ତେବେ ସୋନୁଙ୍କ ଏହି ଯୋଜନାରେ ପୂର୍ବରୁ ୧ଲକ୍ଷ ୨୦ହଜାର ୫୨ଜଣ ଲୋକ ଚାକିରି ପାଇସାଥିବା ବେଳେ ଏବେ ଆଉ ୧ଲକ୍ଷ ଲୋକଙ୍କୁ ଏହି ଯୋଜନା ମାଧ୍ୟମରେ ରୋଜଗାର ଦେବାର ପ୍ରତିଶ୍ରୁତି ଦେଇଛନ୍ତି । ଦେଶରେ ଲକଡାଉନ୍ ପାଇଁ ଯେତେବେ ଲୋକମାନେ ହନ୍ତସନ୍ତ ହେଉଥିଲେ, ସେତେବେଳେ ରିଲ ଲାଇଫର ହିରୋ ଗରିବ ଆଉ ଅସହାୟଙ୍କୁ ସାହା ହୋଇ ବନିଯାଇଥିଲେ ରିୟଲ ଲାଇଫ୍ ହିରୋ । ସେବେଠାରୁ ସୋନୁ ସମସ୍ତଙ୍କ ପାଇଁ ସଂକଟ ମୋଚନ ସାଜିଛନ୍ତି । ଘର ନଥିବା ଲୋକଙ୍କୁ ଘର କରେଇ ଦେଇଛନ୍ତି । ବିଲରେ ଖଟୁଥିବା ଗରିବ ଚାଷୀଙ୍କୁ ଟ୍ରାକ୍ଟର କିଣି ଦେଇଛନ୍ତି । ନିକଟରେ ଉତ୍ତରପ୍ରଦେଶର ଏକ ଗାଁରେ ନଳକୂପ ବସାଇ ବହୁ ଦିନର ଜଳ ସଂକଟକୁ ଦୂର କରି, ପୂରା ଗାଁ ଲୋକଙ୍କ ମୁହଁରେ ହସ ଫୁଟାଇଛନ୍ତି । ଆଉ ଏବେ ସୋନୁଙ୍କ ବେରୋଜଗାରିଙ୍କୁ ରୋଜଗାର ଦେବା ଯୋଜନା କେତେ ଦୂର ସଫଳ ହେଉଛି ଏବଂ କେତେ ଲୋକ ଏହାଦ୍ୱାରା ଉପକୃତ ହେଉଛନ୍ତି ତା’ଉପରେ ରହିବ ସମସ୍ତଙ୍କ ନଜର