କରୋନା କଟକଣା ଭିତରେ ସୋନିଆଙ୍କ ବଡ ଘୋଷଣା । ଘରକୁ ଫେରୁଥିବା ପ୍ରତ୍ୟେକ ଗରିବ ଓ ପ୍ରବାସୀ ଶ୍ରମିକଙ୍କ ରେଳ ଯାତ୍ରାର ପୂରା ଖର୍ଚ୍ଚ ବହନ କରିବ କଂଗ୍ରେସ
କନକ ବ୍ୟୁରୋ: ଦେଶରେ କରୋନା ମହାମାରୀ ସଂକଟ ଭିତରେ କଂଗ୍ରେସର ବଡ ଘୋଷଣା । ତାଲାବନ୍ଦ କଟକଣା ଯୋଗୁଁ ଦେଶର ବିଭିନ୍ନ ପ୍ରାନ୍ତରେ ଫସି ରହିଥିବା ଶ୍ରମିକଙ୍କୁ ଘରକୁ ଫେରିବା ପାଇଁ ସେମାନଙ୍କୁ ଟିକେଟ ଖର୍ଚ୍ଚ ଦେବାକୁ ଘୋଷଣା କରିଛନ୍ତି ସୋନିଆ ଗାନ୍ଧୀ । ଏନେଇ ଟ୍ୱିଟ୍ କରି ସୂଚନା ଦେଇଛନ୍ତି ଖୋଦ୍ ଦଳର ସଭାପତି ତଥା କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧି । ତେବେ ଟ୍ୱିଟରେ ସେ ଲେଖିଛନ୍ତି ଭାରତୀୟ ଜାତୀୟ କଂଗ୍ରେସ ନିଷ୍ପତ୍ତି ନେଇଛି ଯେ ରାଜ୍ୟ କଂଗ୍ରେସ କମିଟିର ପ୍ରତ୍ୟେକ ୟୁନିଟ୍ ପ୍ରତ୍ୟେକ ଅଭାବୀ ଶ୍ରମିକ ଏବଂ ପ୍ରବାସୀ ଶ୍ରମିକଙ୍କ ଘରକୁ ଫେରିବା ପାଇଁ ରେଳ ଟିକେଟ ଖର୍ଚ୍ଚ କଂଗ୍ରେସ ବହନ କରିବ ଏବଂ ଏ ଦିଗରେ ଆବଶ୍ୟକୀୟ ପଦକ୍ଷେପ ନେବାକୁ ନିଷ୍ପତି ନେବ ।
Kanak News is now on WhatsApp
Join and get latest news updates delivered to you via WhatsApp
Statement Of Congress President Smt. Sonia Gandhi
The Indian National Congress has
taken a decision that every Pradesh
Congress Committee shall bear the cost for the rail travel of every needy worker and migrant labourer and shall take necessary steps in this regard pic.twitter.com/kxruKa0xgI— Congress (@INCIndia) May 4, 2020
ସୋନିଆ ଗାନ୍ଧୀ କହିଛନ୍ତି, ‘ଶ୍ରମିକ ଏବଂ ଶ୍ରମିକମାନେ ଦେଶର ମେରୁଦଣ୍ଡ। ସେମାନଙ୍କର କଠିନ ପରିଶ୍ରମ ଏବଂ ବଳିଦାନ ହେଉଛି ରାଷ୍ଟ୍ର ନିର୍ମାଣର ମୂଳଦୁଆ ଜ୍ଝ କେବଳ ଚାରି ଘଣ୍ଟା ନୋଟିସରେ ତାଲାବନ୍ଦ ଯୋଗୁଁ ଲକ୍ଷ ଲକ୍ଷ ଶ୍ରମିକ ଘରକୁ ଫେରିବାରେ ବଞ୍ଚିତ ହୋଇଥିଲେ। ୧୯୪୭ ର ବିଭାଜନ ପରେ ଦେଶ ପ୍ରଥମ ଥର ପାଇଁ ଏକ ଆଶ୍ଚର୍ୟ୍ୟଜନକ ଦୃଶ୍ୟ ଦେଖିଲା ଯେ ହଜାର ହଜାର ଶ୍ରମିକ ଶହ ଶହ କିଲୋମିଟର ଚାଲି ଘରକୁ ଫେରିବାକୁ ବାଧ୍ୟ ହୋଇଥିଲେ। ସବୁ ବାଧାବିଘ୍ନକୁ ବେଖାତିର କରି କେବଳ ନିଜ ଭିଟାମାଟିକୁ ଫେରିବାକୁ ଶହ ଶହ ମାଇଲ କୋସ ହସି ହସି ଅତିକ୍ରମ କରିଚାଲିଛନ୍ତି ଏହି ଶ୍ରମିକ । ପ୍ରତ୍ୟେକ ମନ ସେମାନଙ୍କର ଯନ୍ତ୍ରଣା ବିଷୟରେ ଚିନ୍ତା କରି ଥରି ଉଠିଲା ଏବଂ ତା’ପରେ ପ୍ରତ୍ୟେକ ଭାରତୀୟ ତାଙ୍କର ନିଷ୍ଠା ଏବଂ ନିଷ୍ଠାକୁ ପ୍ରଶଂସା କଲେ । କିନ୍ତୁ ଦେଶ ଏବଂ ସରକାରଙ୍କ କର୍ତ୍ତବ୍ୟ କ’ଣ? ଆଜି ବି ଲକ୍ଷ ଲକ୍ଷ ଶ୍ରମିକ ଓ ଶ୍ରମିକ ଦେଶର ବିଭିନ୍ନ କୋଣରୁ ଘରକୁ ଫେରିବାକୁ ଚାହୁଛନ୍ତି । କିନ୍ତୁ ଘରକୁ ଫେରିବାକୁ ସେମାନଙ୍କ ପାଖରେ ଟଙ୍କା ନାହିଁ ।
ହେଲେ ଦୁର୍ଭାଗ୍ୟର ବିଷୟ ହେଲା କି, ଶ୍ରମିକମାନଙ୍କର ଏଭଳି ଦୁର୍ଦ୍ଦଶାରେ ବି ଘରକୁ ଫେରାଇବା ପାଇଁ ସେମାନଙ୍କଠାରୁ ଯାତ୍ରା ଭଡା ଉଭୟ ସରକାର ଏବଂ ରେଳ ମନ୍ତ୍ରାଳୟ ଆଦାୟ କରୁଛନ୍ତି ବୋଲି କେନ୍ଦ୍ର ସରକାରଙ୍କୁ କଡା ଭାଷାରେ ସମାଲୋଚନା କରିଛନ୍ତି କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧି । ତେବେ ଏଭଳି ପରିସ୍ଥିତିରେ ବାହାରେ ଫଶି ଘରକୁ ଆସିପାରୁନଥିବା ଶ୍ରମିକଙ୍କ ରେଳ ଭଡା ବହନ କରିବାକୁ ଘୋଷଣା କରିଛନ୍ତି ସୋନିଆ ଗାନ୍ଧି ।