ଅସୁସ୍ଥତା କାରଣ ଦର୍ଶାଇ ପୁଣି ଇଡିରେ ହାଜର ହେବାକୁ ସମୟ ମାଗିଲେ ସୋନିଆ ଗାନ୍ଧୀ
କନକ ବ୍ୟୁରୋ : କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧୀ ୨୩ ତାରିଖରେ ଇଡିରେ ହାଜର ହେବାର ଥିଲା । ହେଲେ ଅସୁସ୍ଥତା କାରଣ ଦର୍ଶାଇ ଏହି ତାରିଖକୁ ଆଉ କିଛିଦିନ ପାଇଁ ଘୁଞ୍ଚାଇ ଦେବାକୁ ସେ ସେ ଇଡି ନିକଟକୁ ଏକ ଆବେଦନ ପତ୍ର ପଠାଇଛନ୍ତି । କଂଗ୍ରେସ ମହାସଚିବ ଜୟରାମ ରମେଶ ଏନେଇ ଟ୍ୱିଟ୍ ଯୋଗେ ସୂଚନା ଦେଇଛନ୍ତି । ସେ ତାଙ୍କ ଟ୍ୱିଟରରେ ଲେଖିଛନ୍ତି କି, କୋଭିଡ ଓ ହୃତପିଣ୍ଡରେ ସଂକ୍ରମଣ କାରଣରୁ ସୋନିଆ ଗାନ୍ଧୀ ମେଡିକାଲରେ ଆଡମିଶନ ହୋଇଥିଲେ ଓ ଡାକ୍ତର ତାଙ୍କୁ କିଛିଦିନ ବିଶ୍ରାମ ନେବାକୁ ପରାମର୍ଶ ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏହି କାରଣରୁ ସୋନିଆ ଗାନ୍ଧୀ ଆଜି ଇଡି ନିକଟକୁ ଏକ ଚିଠିଲେଖି ତାଙ୍କ ହାଜର ହେବା ତାରିଖକୁ ଆଉ କିଛି ସପ୍ତାହ ଘୁଞ୍ଚାଇ ଦେବାକୁ ନିବେଦନ କରିଛନ୍ତି । କହିରଖୁ କି କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧୀଙ୍କୁ ନ୍ୟାସନାଲ ହେରାଲ୍ଡ ମାମଲାରେ ଜେରା କରିବାକୁ ଇଡି ନୋଟିସ କରିଥିଲା । ଏହି ନୋଟିସ ମୁତାବକ ଆସନ୍ତା କାଲି (ଜୁନ-୨୩)ରେ ହାଜର ହେବାକୁ ଇଡି ନିର୍ଦ୍ଦେଶ ଦେଇଥିଲା । ହେଲେ ଅଚାନକ ସୋନିଆ ଗାନ୍ଧୀ କରୋନା ସଂକ୍ରମିତ ହେବା କାରଣରୁ ଦିଲ୍ଲୀର ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଥିଲା । ସେ ସୋମବାର ଦିନ ମେଡିକାଲରୁ ଡିସଚାର୍ଜ ହୋଇଛନ୍ତି ।
“Since she’s been strictly advised rest at home following her hospitalisation on account of Covid & lung infection, Congress Pres Sonia Gandhi has written to ED today seeking postponement of her appearance there by a few weeks till she’s recovered completely, Jairam Ramesh tweets pic.twitter.com/u76yG1W9GR
— ANI (@ANI) June 22, 2022
ସୂଚନା ଥାଉକି ସମାନ ମାମଲାରେ ଇଡି ରାହୁଲ ଗାନ୍ଧୀଙ୍କୁ ୫୦ ଘଂଟା ଧରି ଜେରା କରିସାରିଲାଣି । ଏହି କ୍ରମରେ ଅର୍ଥ ହେରଫେର ନେଇ ତାଙ୍କର ବୟାନ ରେକର୍ଡ କରାଯାଇଛି । ସେପଟେ ଇଡିର ଏଭଳି କାର୍ଯ୍ୟକୁ ବିରୋଧ କରି କଂଗ୍ରେସ ସତ୍ୟାଗ୍ରହ ଚଳାଇଛି ।