ମହାରାଷ୍ଟ୍ରରେ ମେଣ୍ଟ ସରକାର! ‘ଧନୁ’କୁ ଧରି ‘ହାତ-ଘଣ୍ଟା’ ଗଢ଼ିପାରେ ମହାରାଷ୍ଟ୍ରରେ ସରକାର, ସୋନିଆଙ୍କ ସବୁଜ ସଙ୍କେତ ଦେଇଥିବା ସୂଚନା ।
କନକ ବ୍ୟୁରୋ: ମହାରାଷ୍ଟ୍ରର ମଙ୍ଗ ଧରିବ ମେଣ୍ଟ ସରକାର! ଦୀର୍ଘଦିନର ଛକାପଞ୍ଝାରେ ଅନ୍ତଘଟାଇ ଶିବସେନା ସହ ମେଣ୍ଟ କରି ମହାରାଷ୍ଟ୍ରରେ ନୂତନ ସରକାର ଗଢ଼ିବା ପାଇଁ ସହମତି ଜଣାଇଛନ୍ତି କଂଗ୍ରେସ ଅନ୍ତରୀଣ ଅଧ୍ୟକ୍ଷା ସୋନିଆ ଗାନ୍ଧୀ । ସୂଚନା ମୁତାବକ ନୂତନ ସରକାରର ଚୂଡ଼ାନ୍ତ ରୂପରେଖ ପ୍ରସ୍ତୁତି ପାଇଁ ଶରଦ ପାୱାରଙ୍କ କନ୍ୟା ତଥା ଏନସିପି ନେତ୍ରୀ ସୁପ୍ରିୟା ସୁଲେଙ୍କ ନୂଆଦିଲ୍ଲୀର ୬ ଜନପଥରେ ଉଭୟ କଂଗ୍ରେସ ଓ ଏନସିପିର ବରିଷ୍ଠ ନେତାମାନଙ୍କୁ ନେଇ ଏକ ଗୁରୁତ୍ବପୂର୍ଣ୍ଣ ବୈଠକ ଅନୁଷ୍ଠିତ ହେଉଛି ।
ଅପରାହ୍ନରେ ଶିବସେନା ସହ ମେଣ୍ଟକରି ମହାରାଷ୍ଟ୍ରରେ ନୂତନ ସରକାର ଗଠନ ପାଇଁ ନିଜର ସହମତି ଜଣାଇବା ସହ ନିଜର ବିଧିବଦ୍ଧ
Kanak News is now on WhatsApp
Join and get latest news updates delivered to you via WhatsApp
Congress-NCP meeting underway at Sharad Pawar’s residence in Delhi pic.twitter.com/O7b1A6Z2Nd
— ANI (@ANI) November 20, 2019
ଅନୁମତି ସୋନିଆ ଗାନ୍ଧୀ ପ୍ରଦାନ କଲାପରେ ଏହି ବୈଠକ ବସିଛି । ଆଉ ମହାରାଷ୍ଟ୍ରରେ ଶିବସେନା- କଂଗ୍ରେସ- ଏନସିପି ମେଣ୍ଟ ସରକାରର ସର୍ବନିମ୍ନ ସାଧାରଣ କାର୍ଯ୍ୟକ୍ରମ ଓ ନୂତନ ମନ୍ତ୍ରିମଣ୍ଡଳରେ କ୍ଷମତା ବଣ୍ଟନକୁ ନେଇ ସବିଶେଷ ଆଲୋଚନା କରାଯାଇ ନୂତନ ମନ୍ତ୍ରିମଣ୍ଡଳର ଚୂଡ଼ାନ୍ତ ରୂପରେଖ ପ୍ରସ୍ତୁତ ହେବ ବୋଲି ସୂଚନା ମିଳିଛି ।
ତେବେ ‘ହାତ’-ଘଣ୍ଟା , ‘ଧନୁ’କୁ ଧରି ମହାରାଷ୍ଟ୍ରରେ ସରକାର ଗଢ଼ିବାକୁ ରଣନୀତିକୁ ନେଇ ଏବେ ବିଜେପିର ମୁଣ୍ଡବ୍ୟଥା ବଢ଼ିବାରେ ଲାଗିଛି । କାରଣ ମହାରଷ୍ଟ୍ର ବିଧାନସଭା ନିର୍ବାଚନରେ ମ୍ୟାଜିକ୍ ନମ୍ବର ଛୁଇଁ ନଥିଲେ ବି ବିଜେପି ନିଜର ସାଥୀ ଦଳ ଶିବସେନା ସହ ମିଶି ମହାରାଷ୍ଟ୍ରରେ ସରକାର ଗଢ଼ିବାକୁ ଦାବି କରୁଥିଲା । ହେଲେ ଶିବସେନା ସହ ସମ୍ପର୍କ ଛିନ୍ନ ହେବା ପରେ ଏବେ ବିଜେପି ମହାରାଷ୍ଟ୍ରରେ ରାଜନୈତିକ ରଣାଙ୍ଗନରେ ଏକାକୀ ପଡ଼ିଯାଇଛି ।