ଚାଷୀଙ୍କ ଆନ୍ଦୋଳନକୁ ସମର୍ଥନ କରି କବିତା ସେୟାର କଲେ ବଲିଉଡ ଅଭିନେତ୍ରୀ ସୋନାକ୍ଷୀ ସିହ୍ନା । ସୋସିଆଲ ମିଡିଆରେ ଭିଡିଓ ହେଉଛି ଭାଇରାଲ
କନକ ବ୍ୟୁରୋ : ୭୭ ଦିନ ଧରି ଦେଶରେ ଚାଲିଥିବା କୃଷକ ଆନ୍ଦୋଳନକୁ ଦେଶ ବିଦେଶରୁ ସମର୍ଥନର ସୁଅ ଛୁଟିବାରେ ଲାଗିଛି । କେତେବେଳେ ଖେଳାଳୀ, ରାଜନେତା ଓ କଳାକାର ମାନଙ୍କର ସମର୍ଥନ ଆନ୍ଦୋଳନକୁ ମିଳୁଥିବା ବେଳେ କେତେବେଳେ ବିଦେଶୀ କଳାକାର ଓ ଅନ୍ୟ ବୃତ୍ତିରେ ଥିବା ଲୋକମାନେ ସେମାନଙ୍କର ସମର୍ଥନ ଜଣାଇ ଟ୍ୱିଟ୍ କରୁଛନ୍ତି । ହେଲେ ବଲିଉଡର ଚର୍ଚ୍ଚିତ ନାୟିକା ସୋନାକ୍ଷୀ ସିହ୍ନା ଏକ ନୂଆ ତରିକାରେ କୃଷକ ଆନ୍ଦୋଳନକୁ ସମର୍ଥନ ଜଣାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
View this post on Instagram
ବଲିଉଡର ଏଭର ଗ୍ରୀନ ହିରୋଇନ୍ ସୋନାକ୍ଷୀ ସିହ୍ନା ସବୁବେଳେ ସୋସିଆଲ ମିଡିଆରେ ଖୁବ୍ ଆକ୍ଟିଭ୍ ଥାଆନ୍ତି । ତାଙ୍କର ବିଭିନ୍ନ ପୋଷ୍ଟ ବି ଲୋକମାନଙ୍କୁ ବେସ୍ ପସନ୍ଦ ଆସିଥାଏ । ହେଲେ କିଛିଦିନ ହେବ ଟ୍ୱିଟରକୁ ଅଲବିଦା କହିଥିବା ସୋନାକ୍ଷୀ ଏବେ ଇନଷ୍ଟାଗ୍ରାମରେ ବେସ୍ ଆକ୍ଟିଭ୍ ରହିଛନ୍ତି । ନିକଟରେ କୃଷକ ଆନ୍ଦୋଳନକୁ ସମର୍ଥନ କରି ସୋନାକ୍ଷୀ ସେୟାର କରିଥିବା ଏକ ଭିଡିଓ ଖୁବ୍ ଭାଇରାଲ ହେବାରେ ଲାଗିଛି । ନୂତନ କୃଷି ଆଇନକୁ ବିରୋଧ କରି ଆନ୍ଦୋଳନରେ ବସିଥିବା କୃଷକ ମାନଙ୍କ ଉଦ୍ଦେଶ୍ୟରେ ସେ ଏହି କବିତା ସେୟାର କରିଛନ୍ତି । ଯେଉଁ ଭିଡିଓରେ ଆନ୍ଦୋଳନରତ କୃଷକ ମାନେ ନଜର ଆସୁଥିବା ବେଳେ ବ୍ୟାକଗ୍ରାଉଣ୍ଡରେ ଶୁଭୁଛି ସୋନାକ୍ଷୀଙ୍କ କବିତା । କବିତାର ଶୀର୍ଷକ ରହିଛି ‘ନଜର ମିଲାକେ ଖୁଦ ସେ ପୁଛୋ- କ୍ୟୁଁ’ । ଏହି କବିତାକୁ ପୋଷ୍ଟ କରି ସେ ଲେଖିଛନ୍ତି କି ଏହି କବିତା ସେହିମାନଙ୍କୁ ଉତ୍ସର୍ଗିକୃତ ଯେଉଁମାନେ ସାରା ଦେଶକୁ ଆହାର ଯୋଗାଉଛନ୍ତି । ସୋନାକ୍ଷୀଙ୍କ ଏଭଳି ଭାବେ କୃଷକଙ୍କୁ ସମର୍ଥନ କରିବା ନେଇ ତାଙ୍କୁ ବିଭିନ୍ନ ମହଲରୁ ପ୍ରଶଂସା କରାଯାଇଛି ।