ଆତଙ୍କବାଦୀଙ୍କ ଆଡ୍ଡାସ୍ଥଳୀରେ ବୋମା ବର୍ଷା କରୁଥିଲା ଯୁଦ୍ଧ ବିମାନ । ସେତେବେଳେ ଜନ୍ମ ନେଲା ପୁତ୍ର ସନ୍ତାନ, ନାଁ ରଖିଦେଲେ ମିରାଜ୍

୧୪ ଫେବୃୟାରୀରେ ହୋଇଥିବା ଆତଙ୍କବାଦୀ ଆକ୍ରମଣ ପରେ ମଙ୍ଗଳବାର ଦିନ ପାକିସ୍ତାନର ବାଲାକୋଟରେ ଜୈଶର ଠିକଣାକୁ ଭାରତୀୟ ବାୟୁସେନା ଧ୍ୱଂସ ବିଧ୍ୱଂସ କରିଥିବାରୁ ପୁରା ଦେଶରେ ଖୁସିର ମାହୋଲ ଅଛି । ଅନେକ ସ୍ଥାନରେ ଲୋକମାନେ ଖୁସିରେ ମିଠା ବାଣ୍ଟୁଛନ୍ତି । ଏମିତିରେ ରାଜସ୍ଥାନର ଏକ ସୈନିକ ପରିବାରରେ ଜନ୍ମ ହୋଇଥିବା ଶିଶୁର ନାଁ ‘ମିରାଜ’ ସିଂହ ରାଠୋଡ ରଖାଯାଇଛି ।

ମିରାଜର ଜନ୍ମ ନାଗୌର ଜିଲ୍ଲା ଡାବଡା ଗାଁରେ ହୋଇଛି । ଗାଁର ମହାବୀର ସିଂହଙ୍କ ପତ୍ନୀଙ୍କୁ ପ୍ରସବ ଯନ୍ତ୍ରଣା ହେବା ପରେ ହସପିଟାଲରେ ଭର୍ତ୍ତି କରାଯାଇଥିଲା । ଯେଉଁଠି ସେ ଏକ ପୁତ୍ର ସନ୍ତାନକୁ ଜନ୍ମ ଦେଲେ । ଠିକ୍ ଏହି ସମୟରେ ଭାରତୀୟ ବାୟୁସେନାର ଯୁଦ୍ଧ ବିମାନ ପାକିସ୍ତାନରେ ଆତଙ୍କବାଦୀଙ୍କ ଆଡ୍ଡାସ୍ଥଳୀରେ ବୋମା ବର୍ଷା କରୁଥିଲା । ଏହି ଆକ୍ରମଣରେ ଭାରତୀୟ ବାୟୁସେନାର ଯୁଦ୍ଧ ବିମାନ ମିରାଜ୍-୨୦୦୦ର ମୁଖ୍ୟ ଭୂମିକା ରହିଛି । ସେଥିପାଇଁ ପରିବାର ନବଜାତର ନାଁ ମିରାଜ ରଖିଦେଲେ ।

ନବଜାତ ଶିଶୁ ମିରାଜଙ୍କ ବଡବାପା ଭୁପେନ୍ଦ୍ର ସିଂହ ବାୟୁସେନାରେ କାର୍ଯ୍ୟରତ ଅଛନ୍ତି । ସେ ନୈନିତାଲ ବାୟୁସେନା ଷ୍ଟେସନରେ ମୁତୟନ ଅଛନ୍ତି । ସେଇଠି ମିରାଜଙ୍କ ଆଉ ଜଣେ ବଡବାପା ଏସଏସ ରାଠୋଡ ମଧ୍ୟ ଭାରତୀୟ ସେନାରୁ ସେବାନିବୃତ୍ତ ଯବାନ । ସେନା ସହିତ ଜଡିତ ଥିବାରୁ ପରିବାର ବାଲାକୋଟ୍ ଆକ୍ରମଣରେ ସାମିଲ ଯୁଦ୍ଧ ବିମାନ ନାଁରେ ନବଜାତ ଶିଶୁର ନାଁ ରଖି ନିଜର ଖୁସି ଜାହିର କରିଛନ୍ତି ।