୨୬ ଡିସେମ୍ବର ୨୦୧୯ର ଅନ୍ତିମ ସୂର୍ଯ୍ୟପରାଗ ପ୍ରକ୍ରିୟା ଆରମ୍ଭ ହୋଇସାରିଛି । ଏହା ହେଉଛି ଚଳିତ ବର୍ଷର ଶେଷ ସୂର୍ଯ୍ୟପରାଗ । ଏହି ବର୍ଷର ପ୍ରଥମ ସୂର୍ଯ୍ୟପରାଗ ୬ ଜାନୁଆରୀରେ ହୋଇଥିଲା । ଦ୍ୱିତୀୟ ସୂର୍ଯ୍ୟପରାଗ ୨ ଜୁଲାଇରେ ଲାଗିଥିଲା । ଆଜି ହୋଇଥିବା ସୂର୍ଯ୍ୟପରାଗରେ ତିନି ଘଣ୍ଟା ଧରି ଜାରି ରହିବ ଛାଇ ଆଲୁଅର ଖେଳ । ସୂର୍ଯ୍ୟଙ୍କୁ ଘୋଡାଇ ରଖିବ ଚନ୍ଦ୍ର । ସବୁଠାରୁ ଗୁରୁତ୍ୱପର୍ଣ୍ଣ କଥା ହେଉଛି ଓଡିଶାରେ ଏହା ଆଂଶିକ ଭାବେ ଦେଖାଯିବ ।

Advertisment

କିନ୍ତୁ ଦକ୍ଷିଣଭାରତୀୟ ରାଜ୍ୟ ଯେପରିକି ତାମିଲନାଡୁ , କର୍ଣ୍ଣାଟକ, ଓ କେରଳରେ ଏହା ସମ୍ପୂର୍ଣ୍ଣ ଭାବେ ଦେଖାଯିବ । ଦକ୍ଷିମ ଭାରତର ମଦୁରାଇ , ଖୋଜିକୋଡ, କୋଅମ୍ବାଟୁର ଆଦି ସହରରେ ଏହା ସବୁଠୁ ଭଲଭାବେ ଦେଖାଯିବ । ଭାରତ ଛଡା ଏହା ଶ୍ରୀଲଙ୍କା , ସାଉଦିଆରବ, କାତାର, ମାଲେସିଆ, ୟୁଏଇ, ଇଣ୍ଡୋନେସିଆ, ସିଙ୍ଗାପୁର ଆଦି ଦେଶରେ ଦେଖାଯିବ । ଏହି ସୂର୍ଯ୍ୟପରାଗ ସକାଳ ୮ଟା ୧୭ରୁ ଆରମ୍ବ ହୋଇ ୧୧ ଟା ୨୮ରେ ଛାଡିବ । ଓଡିଶାରେ ଏହା ସକାଳ ୯ ଟା ୪୬ମିନିଟରେ ସବୁଠାରୁ ଭଲଭାବେ ଦେଖାଯିବ ।