କନକ ବ୍ୟୁରୋ: ଶେଷ ସମୟରେ ଟିକେଟ ନେବାକୁ ନିଷ୍ପତ୍ତି ନେଲେ । ଯେତିକି ବି ସମୟ ମିଳିଲା ତା’ ଭିତରେ ଜୋରସୋର ପ୍ରଚାର କଲେ । ଘର ଘର ଯାଇ ଲୋକଙ୍କୁ ଭେଟିଲେ । ଆଉ ଲୋକଙ୍କ ମନ ବି ଜିତିଲେ । ଯାହାର ପରିଣାମ ୪ ତାରିଖରେ ଦେଖିବାକୁ ମିଳିଛି । ଆମେ କହୁଛୁ କଟକ ବାରବାଟୀରୁ ବିଜୟୀ ହୋଇଥିବା ମହମ୍ମଦ ମୋକିମଙ୍କ ଝିଅ ସୋଫିଆ ଫିର୍ଦ୍ଦୋସଙ୍କ କଥା ।
Kanak News is now on WhatsApp
Join and get latest news updates delivered to you via WhatsApp
୨୦୧୯ରେ ନିର୍ବାଚନ ଲଢି ମହମ୍ମଦ ମୋକିମ ୩୮୨୭ ଖଣ୍ଡ ଭୋଟ ବ୍ୟବଧାନରେ ବିଜୟୀ ହୋଇଥିବାବେଳେ ଝିଅ ସୋଫିଆ କିନ୍ତୁ ୮ହଜାରୁ ଅଧିକ ଭୋଟ ବ୍ୟବଧାନରେ ଜିତିଛନ୍ତି । ଏ ନେଇ ପଚାରିବାରୁ କଟକ ବାରବାଟିରୁ ବିଧାୟକା ହୋଇଥିବା ସୋଫିଆ ଫିର୍ଦ୍ଦୋସ କହିଛନ୍ତି, ‘୫ ବର୍ଷରେ କଟକ ପାଇଁ ଯାହା କରିଛନ୍ତି ତା’ର ଆଶୀର୍ବାଦ ମୋତେ ମିଳିଛି । ବାପାଙ୍କ ପରେ ତାଙ୍କୁ ଲୋକେ ପରଖିଲେ, ଏବଂ ବିଶ୍ୱାସ କରି ଜିତାଇଲେ । ତେବେ ବିଜନେସ୍ କ୍ଷେତ୍ରରେ ସେ ଯେପରି ସଫଳ ହୋଇପାରିଛନ୍ତି, ସେହି ସଫଳତା ମଧ୍ୟ ରାଜନୀତିରେ ପାଇବେ ବୋଲି ତାଙ୍କର ବିଶ୍ୱାସ । ବ୍ୟବସାୟରେ ଯେପରି ଲୋକଙ୍କ ସହ ଭଲ ବ୍ୟବହାର କରନ୍ତି, ଏବଂ ସଫଳତା ପାଇଁ ପୁରା ଷ୍ଟ୍ରାଟେଜି କ୍ୟାଲେଣ୍ଡର ବନାନ୍ତି ତାକୁ ରାଜନୀତିରେ ମଧ୍ୟ ଲାଗୁ କରିବେ । ଲୋକଙ୍କ ପାଇଁ ବାରବାଟି ପାଇଁ କାମ କରିବାକୁ ପୁରା ସିଡ୍ୟୁଲ ବନାଇବେ । ଏହାର ରିପୋର୍ଟ କାର୍ଡ ମଧ୍ୟ ଲୋକଙ୍କ ପାଖରେ ପହଞ୍ଚାଇବେ । ଜନତା ଓ ତାଙ୍କ ମଧ୍ୟରେ ସବୁ କିଛି ସ୍ପଷ୍ଟ ରହିବ’ ବୋଲି କହିଛନ୍ତି ସୋଫିଆ ।