ରୁଟିଦାନ କରି ଚର୍ଚ୍ଚାରେ ଅହମ୍ମଦାବାଦ୍ ସୋସାଇଟି ସଦସ୍ୟ : ପ୍ରତିଦିନ ୬୦୦ ରୁ ଅଧିକ ଭୋକିଲାଙ୍କ ପେଟକୁ ଖାଦ୍ୟ ଯୋଗାଉଛନ୍ତି ୧୨ ପରିବାର ।
ଆମେ କୌଣସି ବିବାହ ,ବ୍ରତ, ଉତ୍ସବକୁ ଗଲେ ବଳକା ଥିବା ଖାଦ୍ୟ ଫୋପାଡା ଯାଉଥିବା ଦୃଶ୍ୟ ଦେଖୁ । ବେଳେବେଳେ ଘରେ ମଧ୍ୟ ଅଧିକ ଖାଦ୍ୟ ହୋଇ ବଳକି ଯାଇଥିଲେ ତାହା ଫୋପଡା ଯାଏ ଯାହା ଖାଦ୍ୟ ପ୍ରତି ସମାଜର କେତେ ଆଦର ତାହା ଦର୍ଶାଏ ! ଏହି ସମାଜରେ ଏଭଳି କିଛି ଲୋକ ଅଛନ୍ତି ଯିଏ ଓଳିଏ ଖାଇଲେ ଆର ଓଳିକୁ ଉପବାସରେ ରୁହନ୍ତି । ଏଭଳି ସ୍ଥଳେ ଖାଦ୍ୟ ଫୋପାଡିବା ପରିବର୍ତ୍ତେ ଯଦି ଭୋକିଲା ଲୋକକୁ ଅନ୍ନଦାନ କରିବେ ତେବେ କ’ଣ ଆତ୍ମତୃପ୍ତି ହେବନି କି! 
Kanak News is now on WhatsApp
Join and get latest news updates delivered to you via WhatsApp
ଆଜିକାଲିର ଯୁବପିଢୀ ଏବଂ କିଛି ସମାଜସେବୀ ଅନ୍ନଦାନ କରି ମାନବିକତାକୁ ବଜାୟ ରଖିଛନ୍ତି । ଗୁଜୁରାଟ ଅହମ୍ମଦାବାଦର ଏହି ଉଦାହରଣଟି ହିଁ ଦେଖନ୍ତୁ । କିଛି ଲୋକଙ୍କ ମହତ୍ ପ୍ରୟାସ ଯୋଗୁଁ ଆଜି କିଛି ଭୋକିଲା ଲୋକଙ୍କୁ ଖାଲି ପେଟରେ ଶୋଇବାକୁ ପଡୁନାହିଁ । ଅହମ୍ମଦାବାଦର ନରନପୁରା ଠାରେ ୧୨ରୁ ଉଦ୍ଧ୍ୱର୍ ସୋସାଇଟି ଲୋକ ଏକାଠି ହୋଇ ଭୋକିଲା ଲୋକଙ୍କୁ ଖାଦ୍ୟ ଯୋଗାଇବା ପାଇଁ ନିଷ୍ପତ୍ତି ନେଲେ । ପ୍ରତିଘରୁ ଆସିଲା ୨ ରୁ ୩ ଟି ରୁଟି । ଦେଖୁ ଦେଖୁ ରୁଟି ସଂଖ୍ୟା ପାଖାପାଖି ୪ ହଜାରରେ ପହଞ୍ôଚଗଲା । ଆଉ ୬୦୦ ଅସହାୟ ଲୋକଙ୍କ ପାଖକୁ ମାଗଣାରେ ପହଞ୍ଚାଗଲା ଏହି ରୁଟି ।
ଚଳିତବର୍ଷ ନବରାତ୍ରୀର ପବିତ୍ର ଅବସରରେ ଆରମ୍ଭ ହୋଇଥିବା ଏହି କାମକୁ ଏଯାଏଁ ସୋସାଇଟି ସଦସ୍ୟ ଜାରି ରଖିଛନ୍ତି । ଗୁଜୁରାଟ ନବରାତ୍ରୀ କହିଲେ ଗରବା ଏବଂ ଡାଣ୍ଡିଆର ଆସର । କିନ୍ତୁ ଚଳିତଥର ଜଣେ ବୃଦ୍ଧା ଏଭଳି ମହତ୍ କାମ କରି ସମାଜସେବା କରିବା ପାଇଁ ସୋସାଇଟି ସଦସ୍ୟଙ୍କୁ ପରାମର୍ଶ ଦେଇଥିଲେ ଯାହା ସେମାନେ ପାଳନ କରିଛନ୍ତି । ସୋସାଇଟିର ଏକ ନିର୍ଦ୍ଧିଷ୍ଟ ସ୍ଥାନରେ ପ୍ରତିଦିନ ୧ ଟାଏ ବେଳେ ରୁଟି ରଖିଦିଆଯାଏ । ଲୀଲାବାଇ ଟ୍ରଷ୍ଟର ମାଲିକ ଦିଲ୍ଲୀପ ଏହି ରୁଟିକୁ ଅସହାୟ ଲୋକଙ୍କ ପାଖକୁ ନେଇଯାନ୍ତି । ସେ କୁହନ୍ତି , ସୋସାଇଟି ସଦସ୍ୟ ରୁଟି ଦିଅନ୍ତି ଏବଂ ୬୦୦ ଜଣ ଲୋକଙ୍କ ପାଇଁ ଗୁଜୁରାଟୀ ଡାଲମା ପ୍ରସ୍ତୁତ ହୋଇଥାଏ । ଯାହାକୁ ଅସହାୟଙ୍କ ମଧ୍ୟରେ ବଣ୍ଟନ କରାଯାଏ ।