ଚର୍ଚ୍ଚାରେ ରାହୁଲ ଗାନ୍ଧୀଙ୍କ ବୟାନ, ଯେକୌଣସି ଦଳକୁ ଜିତାଇ ପାରିବେ ସୋସିଆଲ ମିଡିଆ କମ୍ପାନୀ।
କନକ ବ୍ୟୁରୋ: ଗୁଜରାଟ ବିଧାନସଭା ନିର୍ବାଚନକୁ ଆଉ ଅଳ୍ପ କିଛି ଦିନ ବାକି ରହିଥିବା ବେଳେ କଂଗ୍ରେସ ନେତା ରାହୁଲ ଗାନ୍ଧୀଙ୍କ ବୟାନ ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ଭାରତରେ ଯେକୌଣସି ଦଳକୁ ସୋସିଆଲ ମିଡିଆ କମ୍ପାନୀ ଜିତାଇ ପାରିବେ । ଯଦି ଇଭିଏମ ସୁରକ୍ଷିତ ଥାଏ , ତେବେ ଫେସବୁକ, ଟୁଇଟର ଭଳି ବଡ ବଡ ସାମାଜିକ ଗଣମାଧ୍ୟମ କମ୍ପାନୀ ଯେକୌଣସି ରାଜନୈତିକ ଦଳକୁ ଜିତାଇଦେବେ ବୋଲି କହିଛନ୍ତି କଂଗ୍ରେସର ପୂର୍ବତନ ଅଧ୍ୟକ୍ଷ । ରାହୁଲଙ୍କ ଏଭଳି ବୟାନକୁ ନେଇ ଏବେ ଚର୍ଚ୍ଚା ଜୋରଧରିଛି ।
Kanak News is now on WhatsApp
Join and get latest news updates delivered to you via WhatsApp
କାହାର ନା ନନେଇ ରାହୁଲ କହିଛନ୍ତି, ସମାଜରେ ଅଶାନ୍ତି ସୃଷ୍ଟି କରିବା ଉଦେଶ୍ୟରେ ସାମ୍ପ୍ରଦାୟିକତା ହିଂସାକୁ ସ୍ୱତନ୍ତ୍ର ଅସ୍ତ୍ର ଭାବେ ବ୍ୟବାହାର କରାଯାଉଛି । ଏହା ପଛରେ ଏକ ବିଚାରଧାରା ଏବଂ ତାଙ୍କ ନେତା ରହିଥିବା କହିଛନ୍ତି ଏହି କଂଗ୍ରେସ ସାଂସଦ । ରାହୁଲ ଗାନ୍ଧୀଙ୍କ ଏଭଳି ବୟାନକୁ ନେଇ ରାଜନୀତି ଆରମ୍ଭ ହୋଇଯାଇଛି । ବିଜେପି ନେତା ମନୋଜ ତିୱାରୀ କହିଛନ୍ତି, ଯଦି ସୋସିଆଲ ମିଡିଆ ଦ୍ୱାରା ନିର୍ବାଚନ ଜିତି ହୁଅନ୍ତା, ତେବେ କଂଗ୍ରେସ କେବେଠୁ ସରକାରରେ ଥାଆନ୍ତା ।
ଗୁଜରାଟ ବିଧାନସଭା ନିର୍ବାଚନ ଡିସେମ୍ବର ପ୍ରଥମ ସପ୍ତାହରେ ହେବାର ଥିବା ବେଳେ ଡିସେମ୍ବର ୮ ତାରିଖରେ ହିମାଚଳ ସହ ଗୁଜରାଟ ବିଧାନସଭା ଫଳାଫଳ ପ୍ରକାଶ ପାଇବ । ଏହି ଦୁଇଟି ରାଜ୍ୟର ଭୋଟରଙ୍କ ମୁଡ ୨୦୨୪ ସାଧାରଣ ନିର୍ବାଚନରେ ବଡ ଭୂମିକା ନିଭାଇବ ।