ଚାଷୀଙ୍କ ଗୋଡକୁ କାମୁଡି ଫସିଗଲା ସାପ ! ଜାଣନ୍ତୁ ତା’ପରେ କଣ ହେଲା । ଦେଶ ବିଦେଶସ୍ପେଶାଲ୍ ରିପୋର୍ଟ By Mukesh Sahu On Jun 9, 2018 - 4:44 PM image courtesy - www.jagran.com 105 Share ସାଧାରଣତଃ ସାପ ନାଁ ଶୁଣିଲେ ଆମ ମନରେ ଭୟ ସୃଷ୍ଟି ହୋଇଥାଏ । ତେବେ ଯଦି ସାପ କାମୁଡିବା ପରେ କେହି ତାକୁ ଗୋଡରେ ଗୋଡେଇ ହସ୍ପିଟାଲ ପର୍ଯ୍ୟନ୍ତ ଚାଲିଯାଏ, ତେବେ ଆପଣ କଣ କହିବେ । ଏମିତି ଏକ ଘଟଣା ବିହାରର ମଧେପୁରାରେ ଦେଖିବାକୁ ମିଳିଛି । ଏ ସମ୍ବନ୍ଧୀୟ ଏକ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । Kanak News is now on WhatsApp Join and get latest news updates delivered to you via WhatsApp Join Now ତେବେ ସାପୁଆ କେଳା ସାପକୁ ଧରି ଖେଳାଉଥିବା ଦୃଶ୍ୟ ଆପଣ ଅନେକ ଥର ଦେଖିଛନ୍ତି କିନ୍ତୁ ଏଠାରେ ଏକ ଅଲଗା ପ୍ରକାର ଦୃଶ୍ୟ ଦେଖିବାକୁ ମିଳିଛି । ସାପଟି ଜଣେ ଚାଷୀଙ୍କ ଗୋଡକୁ କାମୁଡିବା ପରେ ତାଙ୍କ ଗୋଡରେ ହିଁ ଫସିଯାଇଥିଲା । ଚାଷୀ ଜଣଙ୍କ ହସ୍ପିଟାଲରେ ପହଞ୍ଚିବା ପର୍ଯ୍ୟନ୍ତ ଏପରିକି ନିଜ ଚିକିତ୍ସା କରାଇବା ପର୍ଯ୍ୟନ୍ତ ସାପଟି ଗୋଡରେ ଫସି ରହିଥିଲା । ଡାକ୍ତରଙ୍କ କହିବା ଅନୁଯାୟୀ, ଚାଷୀଙ୍କ ଚମଡା ଏବଂ ମାଂସରେ ସାପର ଦାନ୍ତ ଫସିଯାଇଥିଲା । ବହୁତ ଚେଷ୍ଟା କରିବା ପରେ ମଧ୍ୟ ସାପଟି ବାହାରି ପାରିନଥିଲା । ପରେ ସାପଟି ଭୟଭୀତ ହୋଇ ଚାଷୀଙ୍କ ଗୋଡରେ ହିଁ ଗୋଡେଇ ଯାଇଥିଲା । ଏହାକୁ ଦେଖିବା ପାଇଁ ଆଖପାଖ ଲୋକଙ୍କ ଭିଡ ଜମିଥିଲା ଏବଂ ସାପକୁ ବାହାର କରାଯିବା ନେଇ ପ୍ରୟାସ ମଧ୍ୟ କରାଯାଇଥିଲା । ତେବେ ହସ୍ପିଟାଲରେ ସାପଟିକୁ ବ୍ୟକ୍ତିଙ୍କ ଗୋଡରୁ ବାହାର କରାଯାଇଥିଲା । ବିଷହୀନ ହୋଇଥିବା କାରଣରୁ ଚାଷୀଙ୍କ ଦେହରେ ସାପ କାମୁଡାର କୌଣସି ପ୍ରଭାବ ଦେଖିବାକୁ ମିଳିନଥିଲା । ସାପଟିକୁ ଗୋଡରୁ ବାହାର କରାଯିବା ପରେ ସେ ଜୀବିତ ଥିଲା ଏହା ପରେ ସାପଟିକୁ ଜଙ୍ଗଲରେ ଛାଡି ଦିଆଯାଇଥିଲା । ଘଟଣାଟି ବିହାରିଗଞ୍ଜ ଥାନା ଅନ୍ତର୍ଗତ ହାତୀୟୋଦ୍ଧା ୱାର୍ଡ ନମ୍ବର୧୨ର ଅଟେ । ଆଜି ସକାଳେ ଜଣେ ଚାଷୀ ତାଙ୍କ କ୍ଷେତରେ କାମ କରୁଥିବା ସମୟରେ ତାଙ୍କ ଗୋଡରେ ଏକ ସାପ କାମୁଡିଥିଲା । ତେବେ ଚାଷୀଜଣଙ୍କ ଭୟଭୀତ ନହୋଇ ହସ୍ପିଟାଲରେ ପହଞ୍ଚିଥିଲେ । 105 Share FacebookTwitterGoogle+WhatsAppTelegramEmailPrint