ବରା ବିକାଳୀଙ୍କ ଝିଅକୁ ବଡ ସଫଳତା । ମାଟ୍ରିକ ପରୀକ୍ଷାରେ ରଖିଲେ ୫୪୨ ନମ୍ବର, ସଂଘର୍ଷ ଭିତରେ ଡାକ୍ତର ହେବାକୁ ସ୍ୱପ୍ନ ।
କନକ ବ୍ୟୁରୋ : ବରା ବିକାଳୀଙ୍କ ଝିଅଙ୍କ ସଫଳତା । ଚଳିତ ବର୍ଷ ମାଟ୍ରିକ ପରୀକ୍ଷାରେ ୫୪୨ ନମ୍ବର ରଖି ଗର୍ବ ଆଣିଛନ୍ତି ରାଜା ସାହୁଙ୍କ ଝିଅ ତୁପ୍ତିମୟୀ । ଚାଷୀ ପରିବାରରେ ଜନ୍ମଗ୍ରହଣ କରିଥିବା ତୁପ୍ତିମୟୀ ନିଜ ପାଠ ପଢ଼ାରେ କେବେ ହେଲେ ଅବହେଳା କରିନଥାନ୍ତି । ତାଙ୍କର ଦୃଢ଼ ଇଛାଶକ୍ତି ବଳରେ ସେ ଆଜି ସଫଳତା ହାସଲ କରିଛନ୍ତି । ଇଛା ଶକ୍ତି ଥିଲେ ସବୁକିଛି କରିବା ସମ୍ଭବ ବୋଲି ତୁପ୍ତିମୟୀ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ପୁରୀ ଜିଲ୍ଲା ଗୋପ ଅଂଚଳର ଦେବାରାଜ ସାହୁ ବେଗୁନିଆ ଛକରେ ଜଳଖିଆ ଦୋକାନ କରି ଦୁଃଖ କଷ୍ଟେ ପରିବାର ଚଳାଇବା ସହ ଝିଅର ପାଠପଢ଼ା କଥା ମଧ୍ୟ ବୁଝୁଥିଲେ । ପାଠପଢ଼ାରେ କୌଣସି ବି ହେଳା କରି ନଥିଲେ । ବାପାଙ୍କ କଷ୍ଟକୁ ଅନୁଭବ କରି ନିଜ ପାଠପଢ଼ାରେ ସେ ମନ ଲଗାଇଥିଲେ । ଯାହାର ଫଳ ଏବେ ତାଙ୍କୁ ମିଳିଛି । ତୁପ୍ତିମୟୀ ମା ଭୁଆସୁଣି ଉଚ୍ଚ ବିଦ୍ୟାଳୟରେ ପାଠପଢ଼ୁଥିଲେ । ପିଲାଟି ବେଳୁ ପାଠପଢ଼ା ସହ ଖେଳକୁଦରେ ତାଙ୍କର ବେଶ ଆଗ୍ରହ ରହିଛି । ବିଭିନ୍ନ ପ୍ରତିଯୋଗିତାରେ ସେ ପ୍ରଥମ ସ୍ଥାନ ଅଧିକାର ମଧ୍ୟ କରିଛନ୍ତି । ତେବେ ଏହି ସଫଳତାର ପାଇବା ପରେ ସେ ଆଗକୁ ଡାକ୍ତର ହୋଇ ରୋଗୀ ସେବା କରିବେ ବୋଲି ଲକ୍ଷ୍ୟ ରଖିଥିବା କହିଛନ୍ତି ।