ବଦଳିଲେ ଦିଲ୍ଲୀ ପୁଲିସ କମିଶନର: ଅମୂଲ୍ୟ ପଟ୍ଟନାୟକଙ୍କ ସ୍ଥାନ ନେଲେ ଏସଏନ ଶ୍ରୀବାସ୍ତବ; ଆସନ୍ତାକାଲି ବିଧିବଦ୍ଧ ଭାବେ ଦାୟିତ୍ୱ ନେବେ ଶ୍ରୀବାସ୍ତବ
କନକ ବ୍ୟୁରୋ: ବଦଳିଲେ ଦିଲ୍ଲୀ ପୁଲିସ କମିଶନର । ତେବେ ଅମୂଲ୍ୟ ପଟ୍ଟନାୟକଙ୍କ ସ୍ଥାନରେ ଏବେ ଏସଏନ ଶ୍ରୀବାସ୍ତବଙ୍କୁ ଦିଆଗଲା ଦିଲ୍ଲୀ ପୁଲିସ କମିଶନରର ଦାୟିତ୍ୱ । ଏନେଇ ଗୃହ ମନ୍ତ୍ରାଳୟ ପକ୍ଷରୁ ସବୁଜ ସଂକେତ ମିଳିବା ପରେ ଘୋଷଣା କରିଛନ୍ତି ଦିଲ୍ଲୀ ଉପରାଜ୍ୟପାଳ ଅନିଲ ବୈଜଲ । ତେବେ ଆସନ୍ତାକାଲି ଦିଲ୍ଲୀର ନୂଆ ପୁଲିସ କମିଶନର ଭାବେ ଦାୟିତ୍ୱ ଗ୍ରହଣ କରିବେ ଏସଏନ ଶ୍ରୀବାସ୍ତବ ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ଦିଲ୍ଲୀର ବର୍ତ୍ତମାନ ଦାୟିତ୍ୱରେ ଥିବା ପୁଲିସ କମିଶନର ଅମୂଲ୍ୟ ପଟ୍ଟନାୟକଙ୍କ କାର୍ଯ୍ୟକାଳ ଆସନ୍ତା ୨୯ ତାରିଖରେ ସରୁଛିି । AGMUT ୧୯୮୫ ବ୍ୟାଚର ଆଇପିଏସ ଅଧିକାରୀ ଏସଏନ ଶ୍ରୀବାସ୍ତବଙ୍କୁ ବର୍ତ୍ତମାନ ସିଆରପିଏଫ(ଟ୍ରେନିଂ) ଜମ୍ମୁ-କାଶ୍ମୀରରେ ପୋଷ୍ଟିଂ କରାଯାଇଥିଲା । ତେବେ ଦିଲ୍ଲୀ ହିଂସାକୁ ନଜରରେ ରଖି ତାଙ୍କୁ ବର୍ତ୍ତମାନ ଦିଲ୍ଲୀର ସ୍ପେଶାଲ କମିଶନର ଭାବେ ନିଯୁକ୍ତ କରାଯାଇଛି ।
ଶ୍ରୀବାସ୍ତବଙ୍କୁ ଦିଲ୍ଲୀର ସବୁଠାରୁ ଭୟଙ୍କର ଅଧିକାରୀଙ୍କ ମଧ୍ୟରେ ଗଣାଯାଏ । ଏହା ପୂର୍ବରୁ ବି ଶ୍ରୀବାସ୍ତବ ଦିଲ୍ଲୀ ପୁଲିସର ସ୍ୱତନ୍ତ୍ର ସେଲରେ ରହିସାରିଛନ୍ତି । ତେବେ ସ୍ପେଶାଲ ସେଲରେ ଥିବାବେଳେ ଶ୍ରୀବାସ୍ତବ ଦିଲ୍ଲୀର ଆଇପିଏଲ ମ୍ୟାଚରେ ଫିକ୍ସିଂର ଖୁଲାସ କରିଥିଲେ । ସେ ସମୟରେ ଶ୍ରୀବାସ୍ତବ ଦିଲ୍ଲୀ ପୁଲିସର ସ୍ପେଶାଲ ସେଲରେ ପୁଲିସର ସ୍ୱତନ୍ତ୍ର ଅ କମିଶନରଙ୍କ ଦାୟିତ୍ୱ ତୁଲାଉଥିଲେ।