କନକ ବ୍ୟୁରୋ: କେନ୍ଦ୍ର ସଂଖ୍ୟାଲଘୁ ମନ୍ତ୍ରାଳୟର ମନ୍ତ୍ରୀ ହେଲେ କେନ୍ଦ୍ରୀୟ ମହିଳା ଓ ଶିଶୁ ବିକାଶ ମନ୍ତ୍ରୀ ସ୍ମୃତି ଇରାନୀ । ତାଙ୍କ ସହିତ ବେସାମରିକ ବିମାନ ଚଳାଚଳ ବିଭାଗର ମନ୍ତ୍ରୀ ଜ୍ୟୋତିରାଦିତ୍ୟ ସିନ୍ଧିଆଙ୍କୁ କେନ୍ଦ୍ର ଇସ୍ପାତ ମନ୍ତ୍ରାଳୟର ମନ୍ତ୍ରୀ ପଦ ପ୍ରଦାନ କରାଯାଇଛି । ମୋଦୀ କ୍ୟାବିନେଟରୁ ମୁଖତାର ଆବାସ ନକଭୀ ଓ ଆରସିପି ସିଂହ ବିଦାୟ ନେବା ପରେ ଏହି ଦୁଇ ମନ୍ତ୍ରୀଙ୍କ ଏହି ଦୁଇ ମନ୍ତ୍ରାଳୟର ଦାୟିତ୍ୱ ପ୍ରଦାନ କରାଯାଇଛି ।
President of India, as advised by PM, accepts the resignations of Mukhtar Abbas Naqvi and Ram Chandra Prasad Singh from Union Council of Ministers, with immediate effect. Smriti Irani to be assigned Ministry of Minority Affairs charge, in addition to her existing portfolio. (1/2)
— ANI (@ANI) July 6, 2022
ସ୍ମୃତି ଇରାନୀ କଂଗ୍ରେସ ନେତା ରାହୁଲ ଗାନ୍ଧୀଙ୍କୁ ହରେଇ ଆମେଥୀରୁ ଲୋକସଭାକୁ ନିର୍ବାଚିତ ହୋଇଛନ୍ତି । ସେହିପରି ଜ୍ୟୋତିରାଦିତ୍ୟ ସିନ୍ଧିଆ କଂଗ୍ରେସକୁ ବାଏ ବାଏ କହି ବିଜେପିରେ ସାମିଲ ହେବା ସହିତ ମଧ୍ୟପ୍ରଦେଶରେ ରାଜ୍ୟସଭାକୁ ନିର୍ବାଚିତ ହୋଇଛନ୍ତି । ଆଉ ମୋଦୀ କ୍ୟାବିନେଟରେ ଏହି ଦୁଇ ନେତାଙ୍କୁ ମନ୍ତ୍ରୀପଦ ମଧ୍ୟ ମିଳିଥିଲା । ହେଲେ ଆଜି କ୍ୟାବିନେଟରୁ ଦୁଇ ବଡ ନେତା ଇସ୍ତଫା ଦେବା ସହିତ ଏହି ଦୁଇ ନେତାଙ୍କୁ ପୁଣି ଦୁଇଟି ମନ୍ତ୍ରାଳୟର ଦାୟିତ୍ୱ ଦିଆଯାଇଛି ।
Jyotiraditya Scindia to be assigned Ministry of Steel charge, in addition to his existing portfolio. (2/2)
— ANI (@ANI) July 6, 2022
ପୂର୍ବରୁ ସଂଖ୍ୟାଲଘୁ ମନ୍ତ୍ରାଳୟର ମନ୍ତ୍ରୀ ପଦରେ ଥିବା ମୁଖତାର ଆବାସ ନକଭୀ ଆଜି ମୋଦୀ କ୍ୟାବିନେଟରୁ ଇସ୍ତଫା ଦେଇଥିଲେ । ପ୍ରଧାନମନ୍ତ୍ରୀ ମୋଦୀଙ୍କୁ ଭେଟି ସେ ନିଜର ଇସ୍ତଫା ଦେଇଥିଲେ । ଏହା ପୂର୍ବରୁ ସେ ଆଜି କ୍ୟାବିନେଟ୍ ବୈଠକରେ ସାମିଲ ହୋଇଥିଲେ । ଯେଉଁଠି ମୋଦୀ ତାଙ୍କର ଖୁବ୍ ପ୍ରଶଂସା କରିଥିଲେ । ସେହିପରି ଇସ୍ପାତ ବିଭାଗର ମନ୍ତ୍ରୀ ଥିବା ଆରସିପି ସିଂହ ମଧ୍ୟ କ୍ୟାବିନେଟରୁ ବିଦାୟ ନେଇଛନ୍ତି ।