କନକ ବ୍ୟୁରୋ : ଆମେରିକାର ଅରବପତି ଜର୍ଜ ସୋରୋସଙ୍କ ବୟାନକୁ ନେଇ ଭାରତରେ ଝଡ ସୃଷ୍ଟି ହୋଇଛି । ଏହା ଉପରେ କେନ୍ଦ୍ରମନ୍ତ୍ରୀ ସ୍ମୃତି ଇରାନୀ ଜବାବ ରଖିଛନ୍ତି । ସୋରୋସଙ୍କ ଦ୍ୱାରା ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଉପରେ ଦିଆଯାଇଥିବା ଟିପ୍ପଣୀକୁ ନେଇ ସ୍ମୃତି ଇରାନୀ କହିଛନ୍ତି କି ଭାରତୀୟ ଲୋକତନ୍ତ୍ର ଢାଞ୍ଚାକୁ କ୍ଷତି ପହଂଚାଇବାକୁ ବିଦେଶ ମାଟିରେ ଷଡଯନ୍ତ୍ର କରାଯାଉଛି । ଜର୍ଜ ସୋରୋସ ଭାରତୀୟ ଲୋକତନ୍ତ୍ର ଉପରେ ଦଖଲ ଦେବାକୁ ଚେଷ୍ଟା କରିଛନ୍ତି ଓ ପ୍ରଧାନମନ୍ତ୍ରୀ ମୋଦୀ ତାଙ୍କ ଟାର୍ଗେଟରେ ବୋଲି ସ୍ମୃତି ଇରାନୀ କହିଛନ୍ତି । ଏହାସହ ସେ ଦେଶର ନାଗରିକଙ୍କୁ ବିଦେଶୀ ଶକ୍ତି ବିରୋଧରେ ଜବାବ ଦେବାକୁ ଆହ୍ୱାନ କରିଛନ୍ତି । ସେପଟେ କଂଗ୍ରେସ ମଧ୍ୟ ଜର୍ଜ ସୋରୋସଙ୍କ ବୟାନକୁ କଡା ନିନ୍ଦା କରିଛି ।
ସୂଚନା ଥାଉକି ଆମେରିକାର ଅରବପତି ଜର୍ଜ ସୋରୋସ ଆଦାନୀ ପ୍ରସଙ୍ଗରେ ପ୍ରଧାନମନ୍ତ୍ରୀ ମୋଦୀଙ୍କୁ ଟାର୍ଗେଟ କରିଥିଲେ । ସେ କହିଥିଲେ କି ଆଦାନୀ ମାମଲାରେ ମୋଦୀ ଚୁପ୍ ରହିଛନ୍ତି , ହେଲେ ତାଙ୍କୁ ବିଦେଶୀ ନିବେଶକ ଓ ସଂସଦରେ ପଚରା ଯାଉଥିବା ପ୍ରଶ୍ନର ଉତର ଦେବାକୁ ପଡିବ । ସେ ଆହୁରି କହିଥିଲେ କି, ପ୍ରଧାନମନ୍ତ୍ରୀ ମୋଦୀ ଏଭଳି ଚୁପ ରହିବା ଫଳରେ ଭାରତର ସଂଘୀୟ ସରକାର ଉପରେ ମୋଦୀଙ୍କ ଦଖଲକୁ ଦୁର୍ବଳ କରିଦେବ । ଏହାସହ ଭାରତରେ ଲୋକତାନ୍ତ୍ରିକ ବ୍ୟବସ୍ଥାର ପରିବର୍ତନ ହେବାକୁ ଯାଉଥିବା କଥା ସେ କହିଛନ୍ତି ।
ଏହା ଉପରେ କେନ୍ଦ୍ରମନ୍ତ୍ରୀ ସ୍ମୃତି ଇରାନୀ କହିଛନ୍ତି କି ଜର୍ଜ ସୋରୋସ ସେହି ଲୋକ ଯେ କି ଇଂଲଣ୍ଡର ବ୍ୟାଙ୍କକୁ ଭାଙ୍ଗି ଦେଇଥିଲେ । ତାଙ୍କୁ ଜଣେ ଆର୍ଥିକ ଯୁଦ୍ଧ ଅପରାଧୀ ଭାବେ ନାମିତ କରାଯାଇଛି । ସେହିଭଳି ଜଣେ ଲୋକ ଭାରତର ଲୋକତନ୍ତ୍ରକୁ ଭାଙ୍ଗିବାକୁ ଚେଷ୍ଟା କରୁଥିବା କଥା କେନ୍ଦ୍ରମନ୍ତ୍ରୀ କହିଛନ୍ତି ।
एक विदेशी ताकत जिसके केंद्र में जॉर्ज सोरोस हैं, उन्होंने ऐलान किया है कि वे भारत के लोकतांत्रिक ढांचे पर वार करेंगे। उन्होंने ऐलान किया है कि वे PM मोदी को अपने वार का मुख्य बिन्दु बनाएंगे: केंद्रीय मंत्री स्मृति ईरानी pic.twitter.com/AX2zGUwoA5
— ANI_HindiNews (@AHindinews) February 17, 2023
ସେପଟେ ଜର୍ଜ ସୋରୋସଙ୍କ ବୟାନକୁ କଂଗ୍ରେସ ମଧ୍ୟ କଡା ନିନ୍ଦା କରିଛି । କଂଗ୍ରେସ ନେତା ଜୟରାମ ରମେଶ କହିଛନ୍ତି କି ପ୍ରଧାନମନ୍ତ୍ରୀଙ୍କ ସହିତ ଜଡିତ ଆଦାନୀ ମାମଲା ଭାରତର ଲୋକତାନ୍ତ୍ରିକ ବ୍ୟବସ୍ଥା ଉପରେ କଣ ପ୍ରଭାବ ପାକଇବ ଏହା ବିରୋଧୀଦଳ ଓ ଆମର ନିର୍ବାଚନ ପ୍ରକ୍ରିୟା ଉପରେ ସମ୍ପୂର୍ଣ୍ଣ ନିର୍ଭର କରେ । ଏହା ଉପରେ ଜର୍ଜ ସୋରୋସଙ୍କର କୌଣସି ଦେଣନେଣ ନାହିଁ ବୋଲି ଜୟରାମ ରମେଶ କହିଛନ୍ତି ।