ପିଟିଆଇର ପୂର୍ବତନ ସଂପାଦକ ରାଜେଶ ମହାପାତ୍ରଙ୍କ ବଡ ପ୍ରୟାସ, ଖୁବଶୀଘ୍ର ଖୋଲିବାକୁ ଯାଉଛି ଏସଏମଏଲ ଡିଜିଟାଲ ମିଡିଆର ନୂଆ ପ୍ଲାଟଫର୍ମ

କନକ ବ୍ୟୁରୋ : ଏସଏମଏଲ ଡିଜିଟାଲ ମିଡିଆ ତରଫରୁ ଖୁବଶୀଘ୍ର ‘ସଚିବାଳୟ’ ନାମରେ ଏକ ପୋର୍ଟାଲ ଆରମ୍ଭ କରିବାକୁ ଯାଉଛି । ଯାହା କି, ବିଶ୍ୱର ପଞ୍ଚମ ବୃହତ୍ତମ ଅର୍ଥନୀତି ଭାରତରେ ଦ୍ରୁତ ପରିବର୍ତ୍ତନକୁ ବୁଝିବା ପାଇଁ ଗୁରୁତ୍ୱପୂର୍ଣ୍ଣ ଶାସନ ଏବଂ ସରକାରୀ ନୀତିକୁ ସୁଦୃୃଢ କରିବା କରିବା ଦିଗରେ ଗୁରୁତ୍ୱ ଦେବ ।

ବରିଷ୍ଠ ସାମ୍ବାଦିକ ତଥା ପ୍ରେସ୍ ଟ୍ରଷ୍ଟ ଅଫ୍ ଇଣ୍ଡିଆର ପୂର୍ବତନ ସଂପାଦକ ରାଜେଶ ମହାପାତ୍ର ଏହାର ମୁଖ୍ୟ ସଂପାଦକ ଭାବେ ଦାୟିତ୍ୱ ତୁଲାଇବେ । ନଭେମ୍ବର ୧ରୁ ଏହି ପୋର୍ଟାଲ ଲାଇଭ ହେବ ବୋଲି ଆଶା କରାଯାଉଛି ।

‘ସଚିବାଳୟ ’ ହେଉଛି ଏକ ନିରପେକ୍ଷ ପ୍ଲାଟଫର୍ମ । ଯାହା ବିଭିନ୍ନ ଅର୍ଥନୈତିକଳ ସାମାଜିକ, ପରିବେଶ ଏବଂ ଡିଜିଟାଲ କ୍ଷେତ୍ରକୁ ପ୍ରଭାବିତ କରୁଥିବା ନୀତିଗୁଡିକୁ ଟ୍ରାକ୍ ଏବଂ ବର୍ଣ୍ଣନା କରିବ । ଏହା ନୀତି ଏବଂ ନୀତି ନିର୍ଦ୍ଧାରଣକୁ ଅଧ୍ୟୟନ କରିବା ପାଇଁ ଏକ ଗଭୀର ଆଭିମୁଖ୍ୟ ଗ୍ରହଣ କରେ ଏବଂ ଅଂଶୀଦାରମାନଙ୍କୁ ଏକ ଅର୍ଥପୂର୍ଣ୍ଣ ସମାଧାନ ଖୋଜିବା ପାଇଁ ଏକ ପ୍ଲାଟଫର୍ମ ପ୍ରଦାନ କରିବାକୁ ଲକ୍ଷ୍ୟ ରଖିଛି ।

ନୂଆ ଯୁଗର ମିଡିଆ କମ୍ପାନୀ ଏସଏମଏଲ ଡିଜିଟାଲ ମିଡିଆ ପ୍ରାଇଭେଟ ଲିମିଟେଡର ନିର୍ଦ୍ଦେଶିକା କାଜଲ ବଡୋଦରିଆ କହିଛନ୍ତି, ଆମେ ୫ଟି ପ୍ରମୁଖ ବିଷୟବସ୍ତୁ ଉପରେ ଧ୍ୟାନ ଦେବୁ । ଯାହା ମଧ୍ୟରେ ଡିଜିଟାଲାଇଜିଂ ଅର୍ଥନୀତି, ସ୍ଥାୟୀତା, କାର୍ଯ୍ୟର ଭବିଷ୍ୟତ, ସହରୀକରଣ ଭାରତ ଏବଂ ଭୂ- ଅର୍ଥନୀତି ଅର୍ନ୍ତଭୁକ୍ତ ହେବ । ଏହାସହ କେନ୍ଦ୍ର ଓ ରାଜ୍ୟରେ ସରକାର ଓ ଅମଲାତନ୍ତ୍ରର କାର୍ଯ୍ୟକଳାପ ମଧ୍ୟ ଆମ କଭରେଜର କେନ୍ଦ୍ରବିନ୍ଦୁ ହେବା ସହ ନୀତି ନିର୍ଦ୍ଧାରଣ ଉପରେ ନଜର ରହିବ ବୋଲି ସେ କହିଛନ୍ତି ।

ସାର୍ବଜନୀନ ନୀତି ଉପରେ ଆଲୋଚନାକୁ ଗଭୀର ଏବଂ ଗଣତାନ୍ତ୍ରିକ କରିବା ପାଇଁ ସଚିବାଳୟ ଗବେଷଣା ଆନୁଷ୍ଠାନଗୁଡିକ ସହ ସହଯୋଗ କରିବ ଏବଂ ସେମାନଙ୍କ ଗବେଷଣାର ଫଳାଫଳକୁ ବ୍ୟାପକ ଦର୍ଶକଙ୍କ ନିକଟରେ ପହଂଚାଇବ ବୋଲି ଲକ୍ଷ୍ୟ ରଖାଯାଇଛି ।

ବିଗତ ୩ ଦଶନ୍ଧି ମଧ୍ୟରେ ଭାରତର ଅର୍ଥନୈତିକ ପରିବର୍ତ୍ତନ ଉପରେ ବିସ୍ତୃତ ଭାବେ ଲେଖିଥିବା ଓ ରିପୋର୍ଟିଂ କରିଥିବା ରାଜେଶ ମହାପାତ୍ର କହିଛନ୍ତି, ସଚିବାଳୟ କେବଳ ସୂଚନାପ୍ରଦ ନୁହେଁ ବରଂ ଗଭୀର ଭାବରେ ବୁଦ୍ଧିଶୀଳ ଏବଂ ଦୃଢ ବୁଦ୍ଧିମାନ ବିଷୟବସ୍ତୁ ପ୍ରଦାନ କରିବ । ଯାହାଦ୍ୱାରା ଆମର ଉପଭୋକ୍ତାମାନେ ଓ ସେ ଜ୍ଞାନ ଖୋଜୁଥିବା କିମ୍ବା ଭାରତକୁ ବୁଝିବାକୁ ଚାହୁଁଥିବା ନିବେଶକମାନେ ସଚେତନ ଚୟନ କରିପାରିବେ ।

ଏବେ ଦର୍ଶକମାନେ ଡିଜିଟାଲକୁ ବେଶ୍ ଗ୍ରହଣ କରୁଛନ୍ତି । ସ୍ୱତନ୍ତ୍ର ବିଷୟବସ୍ତୁର ଚାହିଦା ବୃଦ୍ଧି ପାଉଛି । ଏହି ବଢୁଥିବା ଆବଶ୍ୟକତାକୁ ସଚିବାଳୟ ପୂରଣ କରିବାକୁ ଚାହୁଁଛି ବୋଲି ହିନ୍ଦୁସ୍ତାନ ଟାଇମ୍ସରେ ଡିଜିଟାଲ ରୂପାନ୍ତରଣ ପ୍ରୟାସକୁ ମୁଖ୍ୟ ବିଷୟବସ୍ତୁ ଅଧିକାରୀ ଭାବେ ପରିଚାଳନା କରିଥିବା ରାଜେଶ ମହାପାତ୍ର କହିଛନ୍ତି ।

ରାଜେଶ ମହାପାତ୍ର କହିଛନ୍ତି କି, ବିସୟବସ୍ତୁ ଉପରେ ଆମେ କମ୍ ଆଭିମୁଖ୍ୟ ଗ୍ରହଣ କରିବୁ । ଆମ କାହାଣୀଗୁଡିକୁ ହାଇ ଇମ୍ପେକ୍ଟ, ଆନାଲିସସ୍, ବିସ୍ତୃତ ରିପୋର୍ଟ ଏବଂ ସ୍ୱତନ୍ତ୍ର ଦୃଷ୍ଟିକୋଣ ପାଇଁ ସ୍ୱତନ୍ତ୍ର କରିବା ।