ବାପା କଥା ହେଉଥିଲେ ଫୋନରେ ! ଚଳନ୍ତା କାରର ଛାତ ଉପରେ କୁନି ଝିଅ କରୁଥିଲା ହୋମୱାର୍କ, ଭିଡିଓ ହେଲା ଭାଇରାଲ ।
ସମସ୍ତେ ଜୀବନରେ କିଛି କିଛି ନା କାରଣକୁ ନେଇ ଚିନ୍ତାରେ ରହିଥାନ୍ତି । କିନ୍ତୁ ଆମେ ଭାବିଥାଉ ଛୋଟ ଛୋଟ ପିଲାମାନଙ୍କର ଜୀବନରେ କୌଣସି ଟେନସନ ନଥାଏ । ଯଦି ସେମାନଙ୍କୁ ପଚରାଯାଏ ତେବେ ଜଣାପଡିବ ସେମାନଙ୍କ ଜୀବନରେ ଏକ ବଡ ଟେନସନ ରହିଛି ଏବଂ ତାହା ହେଉଛି ହୋମୱାର୍କ । ସ୍କୁଲରେ ଦିଆଯାଇଥିବା ହୋମୱାର୍କ ଛୋଟ ପିଲାମାନଙ୍କ ପାଇଁ ସବୁଠାରୁ ବଡ ଟେନସନ ହୋଇଥାଏ । ସେମାନଙ୍କ ମଧ୍ୟରେ କିଛି ଏମିତି ମଧ୍ୟ ପିଲା ଥାଆନ୍ତି ଯେଉଁମାନଙ୍କୁ ସ୍କୁଲ ଯିବାର ଶେଷ ମୂହୁର୍ତ୍ତରେ ହୋମୱାର୍କ ପୁରା କରିବା ପାଇଁ ମନେ ପଡିଥାଏ । ଏମିତିରେ ସେମାନେ କିଛି ବି କରିବାକୁ ପ୍ରସ୍ତୁତ ଥାଆନ୍ତି କିନ୍ତୁ କିନ୍ତୁ ବିନା ହୋମୱାର୍କରେ ସ୍କୁଲକୁ ଯିବା ପାଇଁ ସେମାନେ ରାଜି ହୋଇନଥାନ୍ତି । ସମୟରେ ହୋମୱାର୍କ ପୁରା କରିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ହୋଇଥାଏ । କିନ୍ତୁ ଏହାକୁ ପୂରଣ କରିବା ପାଇଁ ଜଣେ କେତେ ବିପଦପୂର୍ଣ୍ଣ ରାସ୍ତା ଅବଲମ୍ବନ କରିପାରେ ତାହା ଏକ ଆଶ୍ଚର୍ଯ୍ୟର କଥା ।
Kanak News is now on WhatsApp
Join and get latest news updates delivered to you via WhatsApp
ଚୀନର ଜଣେ ଝିଅ ହୋମୱାର୍କ ପୁରା କରିବା ପାଇଁ ଏଭଳି ଏକ ବିପଦପୂର୍ଣ୍ଣ ରାସ୍ତା ଆପଣେଇଛି ଯାହା ବିଷୟରେ ଜାଣିଲେ ଆପଣଙ୍କ ହୋସ ଉଡିଯିବ । ଏହି ଝିଅଟି ସ୍କୁଲ ଯିବା ସମୟରେ ନିଜ ହୋମୱାର୍କ ପୁରା କରୁଛି କିନ୍ତୁ ଏହି ପ୍ରକ୍ରିୟା ଅତ୍ୟନ୍ତ ବିପଦପୂର୍ଣ୍ଣ ଅଟେ । ଝିଅଟି ଏକ ଚଳନ୍ତା କାରର ଛାତକୁ ହିଁ ନିଜ ଷ୍ଟଡି ଟେବୁଲ ଭାବରେ ବ୍ୟବହାର କରି ହୋମୱାର୍କ ପୁରା କରୁଛି । ଏହି ଘଟଣା ଚୀନରେ ମେ ମାସ ୧୪ ତାରିଖର ଅଟେ କିନ୍ତୁ ଏବେ ଏହା ସୋସିଆଲ ମିଡିଆରେ ଦ୍ରୁତ ଗତିରେ ଭାଇରାଲ ହେବାରେ ଲାଗିଛି । ଏହି ଭିଡିଓରେ ଝିଅଟି କାରର ଝରକା ପଟୁ ବାହାରକୁ ବାହାରି କାରର ଛାତ ଉପରେ ହୋମୱାର୍କ ପୁରା କରୁଥିବାର ଦେଖିବାକୁ ମିଳିଛି ।
ଝିଅଟି ହୋମୱାର୍କକୁ ନେଇ ଏତେ ଚିନ୍ତିତ ଥିଲା ଯେ, ଝିଅଟି ବୁଝିପାରୁନଥିଲା ସେ କେତେ ବଡ ବିପଦ ନିଜ ମୁଣ୍ଡକୁ ନେଇଛି । ଏହି ଭିଡିଓ ଦେଖିବା ପରେ ଲୋକମାନେ ଝିଅଠୁ ଅଧିକ ଅଭିଭାବକଙ୍କୁ ଦୋଷ ଦେଉଛନ୍ତି ଏବଂ ତାଙ୍କୁ ଦାୟିତ୍ୱହୀନ ବୋଲି କହୁଛନ୍ତି । ଏହି ଭିଡିଓ ବାବଦରେ ଆଉ ଏକ କଥା ଜାଣିବାକୁ ମିଳିଛି ଯେ, ଝିଅଟିର ବାପା କାର ଚଳାଉଥିବା ସମୟରେ ଫୋନରେ କଥା ହେଉଥିଲେ ଏବଂ ଝିଅର ଏଭଳି କାର୍ଯ୍ୟକଳାପକୁ ସେ ଧ୍ୟାନ ଦେଇନଥିଲେ ।