ଘର କାନ୍ଥରେ ପୋଷ୍ଟର: ବସ୍ତିବାସିନ୍ଦାଙ୍କ ଅନୁରୋଧ, ଆମକୁ ଦରକାର ନାହିଁ ମଦ ମାଂସ, ଆମକୁ ପ୍ରତିଶ୍ରୁତି ଦେଲେ ଆମେ ଦେବୁ ଭୋଟ
କନକ ବ୍ୟୁରୋ: ପଞ୍ଚାୟତ ନିର୍ବାଚନ ପାଇଁ ଆଜି ନାମାଙ୍କନ ଦାଖଲର ଶେଷ ଦିନ । ନାମାଙ୍କନ ଦାଖଲ ସହ ଘରକୁ ଘର ଯାଇ ଭୋଟ ମାଗୁଛନ୍ତି ପ୍ରାର୍ଥୀ । ହେଲେ ପୁରୀ ଜିଲ୍ଲା ପିପିଲି ବ୍ଲକ ଅନ୍ତର୍ଗତ ଫୁବାଶାସନ ପଞ୍ଚାୟତର ୮ ନମ୍ବର ୱାର୍ଡରେ ଥିବା ବସ୍ତିବାସିନ୍ଦାମାନେ କିନ୍ତୁ ଏକ ଅଭିନବ ଉପାୟରେ ଅଭିନବ ଜଣାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ନେତାମାନେ ଭୋଟ ମାଗିବା ପାଇଁ ଆସିବାକୁ ହେଲେ ବସ୍ତି ଭିତରେ ସମସ୍ତ କାନ୍ଥବାଡ଼ରେ ଲାଗିଥିବା ପୋଷ୍ଟରକୁ ପଢିବାକୁ ହେବ ସ୍ପଷ୍ଟ ଭାବରେ ଲେଖାହୋଇଛି । ମଦ ମାସଂ ଆମର ଦରକାର ନାହିଁ, ଟଙ୍କାର ଲାଳସା ଆମକୁ ଦରକାର ନାହିଁ । ପ୍ରତିଶ୍ରୁତି ଦେଇ ପ୍ରତାରଣା କରନି । ଆମ ସରଳତା ସହ ନିର୍ବାଚନୀ ଖେଳ ଖେଳନାହିଁ । ଭୂମି ହୀନ ଆମେ, ନାହିଁ ଜମି ପଟ୍ଟା, ମିଳୁନି ଆମକୁ ଆବାସ କି ପକ୍କା ଘରଟା । ବସ୍ତିବାସିନ୍ଦା ଆମେ ହେଉଛୁ ହଟହଟା । ପ୍ରତିଶ୍ରୁତି ଦିଅ ଆମ ବସ୍ତିବାସିନ୍ଦାଙ୍କ ଭୋଟ ନିଅ ।
ତେବେ ପଞ୍ଚାୟତ ନିର୍ବାଚନ ପାଇଁ ଏବେଠୁ ପ୍ରାର୍ଥୀ ମାନେ ପ୍ରସ୍ତୁତ ହୋଇସାରିଲେଣି । ତେବେ ଏହାକୁ ନଜରରେ ଭୋଟରମାନେ ମଧ୍ୟ ନିଜ ଦାବି ଜଣାଉଛନ୍ତି ।