ପାଟନାଗଡରେ ଗୋଟିଏ ପରିବାରର ୬ ଜଣଙ୍କ ମୃତ୍ୟୁ ଘଟଣା : ଏବେ ବି ପୋଲିସ ହାତ ଖାଲି ; ପଂହଚିଲେ ମୃତକଙ୍କ ୩ ସମ୍ପର୍କୀୟ
କାରଣ ଏବେ ବି ଅସ୍ପଷ୍ଟ, ବଢୁଛି ରହସ୍ୟ
କନକ ବ୍ୟୁରୋ : ବଲାଙ୍ଗୀର ପାଟଣାଗଡ ସଅଁରାରେ ଗୋଟିଏ ପରିବାର ୬ଜଣଙ୍କ ମୃତ୍ୟୁ ଘଟଣା ଏବେ ବି ରହସ୍ୟ ଘେରରେ ଅଛି । ୨୪ ଘଂଟା ପରେ ବି ପୁଲିସ କୌଣସି ଟେର ପାଉନାହିଁ । ସେପଟେ ପଟଣାଗଡରେ ପଂହଚିଛନ୍ତି ମୃତକଙ୍କ ୩ ସମ୍ପର୍କୀୟ । ଥାନାରେ ସେମାନଙ୍କୁ ପୁଲିସ ପଚରାଉଚରା କରୁଛନ୍ତି । ଗତକାଲି ପାଟଣାଗଡରେ ଗୋଟିଏ ପରିବାରର ୬ ଜଣଙ୍କ ମୃତଦେହ ମିଳିଥିଲା । ଏମାନଙ୍କ ମଧ୍ୟରେ ୪ ନାବାଳକ ଥିଲେ । କମ୍ବଳ ଘୋଡା ଅବସ୍ଥାରେ ଘରର ସବୁ ସଦସ୍ୟ ପଡିଥିଲେ । କମ୍ବଳରେ ରକ୍ତ ଛିଟା ଲାଗିଥିଲା । ବର୍ତମାନ ସୁଦ୍ଧା ମୃତ୍ୟୁ କାରଣ ଜଣାପଡିନଥିବାରୁ ମୃତ୍ୟୁକୁ ନେଇ ବଢୁଛି ରହସ୍ୟ ।
Kanak News is now on WhatsApp
Join and get latest news updates delivered to you via WhatsApp
ବଲାଙ୍ଗୀର ପୁଲିସ ଘଟଣାକୁ ଗୁରୁତର ସହ ନେଇ ତଦନ୍ତ କରୁଥିଲେ ବି କୌଣସି ଟେର ପାଇନାହିଁ । ଦୁର୍ବୃତଙ୍କୁ ଧରିବାକୁ ଅତିରିକ୍ତ ଏସପିଙ୍କ ନେତୃତ୍ୱରେ ଏକ ଟିମ ଗଠନ କରାଯାଇଛି । ବାହାରୁ ଆସି ଏହି ଗାଁରେ ମୃତ ବୁଲୁ ଜାନିଙ୍କ ପରିବାର ରହୁଥିଲେ । ଘଟଣାସ୍ଥଳରୁ ବ୍ୟବହୃତ ଗଇଁତି ଜବତ ହୋଇଛି । ପାଟଣାଗଡର ଏହି ଅଂଚଳରେ ହିଁ କିଛି ବର୍ଷ ତଳେ ହୋଇଥିଲା ବହୁଚର୍ଚ୍ଚିତ ପାର୍ସଲ ବୋମା ବିସ୍ଫୋରଣ ଘଟଣା । ଏବେ ଏହି ଘଟଣା ସାରା ରାଜ୍ୟରେ ଚାଂଚଲ୍ୟ ସୃଷ୍ଟି କରିଛି । ଏଥର ବୁଲ ଜାନୀ, ତାଙ୍କ ସ୍ତ୍ରୀ , ଦୁଇପୁଅ ଓ ଦୁଇ ଝିଅ ମୃତ୍ୟୁକୁ ନେଇ ସବୁଆଡେ ଚର୍ଚ୍ଚା ।