ସଂସଦରେ ପ୍ରତିରକ୍ଷା ମନ୍ତ୍ରୀଙ୍କ ରାଫେଲ ଜବାବ । କହିଲେ ଯାହାକୁ ୧୦ ବର୍ଷ ଧରି ଝୁଲାଇ ରଖିଥିଲା ୟୁପିଏ ସରକାର, ତାକୁ ମାତ୍ର ୧୪ ମାସରେ ପୂରଣ କରି ଦେଖାଇଲା ଏନଡିଏ
ଚଳିତ ବର୍ଷ ଆସିବ ପ୍ରଥମ ଲଢ଼ୁଆ ବିମାନ
କନକ ବ୍ୟୁରୋ: ରାଫେଲ ଲଢୁଆ ବିମାନ ଡିଲକୁ ନେଇ ସରଗରମ ପାର୍ଲାମେଂଟ୍ । ଲୋକସଭାରେ ଆଜି ବିବୃତି ରଖିଛନ୍ତି ପ୍ରତିରକ୍ଷା ମନ୍ତ୍ରୀ ନିର୍ମଳା ସୀତାରମଣ । ଗୃହରେ ମନ୍ତ୍ରୀ କହିଛନ୍ତି, ଯେଉଁ ଚୁକ୍ତିକୁ କଂଗ୍ରେସ ସରକାର ୧୦ବର୍ଷ ଧରି ଝୁଲାଇ ରଖିଥିଲା ସେହି ଚୁକ୍ତିକୁ ମାତ୍ର ୧୪ ମାସରେ ପୂରଣ କରିଛି ମୋଦି ସରକାର । ଏବର୍ଷ ରାଫେଲର ପ୍ରଥମ ବିମାନ ଦେଶରେ ପହଁଚିବ । ହାଲକୁ ଡିଲ୍ ଦେବା ନେଇ କୁମ୍ଭୀର କାନ୍ଦଣା କାନ୍ଦୁଥିବା କଂଗ୍ରେସ, ତା ଅମଳରେ ହାଲକୁ କେତେ କଂଟ୍ରାକ୍ଟ ଦେଇଥିଲା ବୋଲି ପ୍ରଶ୍ନ କରିଛନ୍ତି ପ୍ରତିରକ୍ଷା ମନ୍ତ୍ରୀ ।
Kanak News is now on WhatsApp
Join and get latest news updates delivered to you via WhatsApp
ରାଫେଲ ଡିଲ ନେଇ ସଂସଦରେ ବିବୃତି ରଖି ପ୍ରତିରକ୍ଷା ମନ୍ତ୍ରୀ ନିର୍ମଳା ସୀତାରମଣ କହିଛନ୍ତି, ଯେଉଁ ଚୁକ୍ତିକୁ କଂଗ୍ରେସ ସରକାର ୧୦ବର୍ଷ ଝୁଲାଇ ରଖିଥିଲା ସେହି ଚୁକ୍ତିକୁ ମାତ୍ର ୧୪ ମାସ ଭିତରେ ପୂରଣ କରିଛି ମୋଦି ସରକାର । ୨୦୧୯ ସୁଧା ରାଫେଲ ବିମାନ ଭାରତକୁ ଆସିବ । ଏବଂ ଆସନ୍ତା ୨୦୨୨ ସୁଧା ଦେଶରେ ପହଁଚିବ ଚୁକ୍ତି ହୋଇଥିବା ସମସ୍ତ ଲଢୁଆ ବିମାନ ।
ତେବେ ଲୋକସଭାରେ ମନ୍ତ୍ରୀ ବିବୃତି ରଖିବା ବେଳେ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧି ବାରମ୍ବାର ପ୍ରଶ୍ନ କରିଥିଲେ , ବିମାନର ମୂଲ୍ୟ ୫୨୬ରୁ ୧୬୦୦କୋଟି କଲା କିଏ? ଦେଶକୁ ଦରକାର ଥିଲା ୧୨୬ବିମାନ , ୩୬ ବିମାନ ହେଲା କେମିତି? ହାଲକୁ ନଦେଇ ଅନୀଲ ଅମ୍ବାନୀଙ୍କୁ କଂଟ୍ରାକ୍ଟ ଦେଲା କିଏ? ସୀତାରମଣ ପାଲଟା ପ୍ରଶ୍ନ କରିଥିଲେ, ସରକାରରେ ଥିବା ବେଳେ ହାଲକୁ କେତେ ଟଙ୍କାର କଂଟ୍ରାକ୍ଟ ଦେଇଥିଲା ୟୁପିଏ ।
ସଂସଦରେ ରାଫେଲ ଆଲୋଚନା ବେଳେ ରାହୁଲ, ମୋଦି ସରକାରକୁ ଘେରୁଥିବା ବେଳେ, ପ୍ରତିରକ୍ଷା ମନ୍ତ୍ରୀ ୟୁପିଏ ସରକାର ସମେତ ରବର୍ଟ ଭଦ୍ରାଙ୍କୁ ବି ଭିତରକୁ ଟାଣିଥିଲେ । ଫଳରେ ସରଗରମ ହୋଇଥିଲା ରାଫେଲ ଆଲୋଚନା ।