ଲଖିମପୁର ହିଂସା: ଆଶିଷଙ୍କୁ ଏସଆଇଟିର ପ୍ରଶ୍ନବାଣ, ପଚାରିଲା ୧୦ ପ୍ରଶ୍ନ
କନକ ବ୍ୟୁରୋ: ଲଖିମପୁର ହିଂସାକାଣ୍ଡର ମୁଖ୍ୟ ଅଭିଯୁକ୍ତ କେନ୍ଦ୍ର ଗୃହ ରାଜ୍ୟ ମନ୍ତ୍ରୀ ଅଜୟ ମିଶ୍ରଙ୍କ ପୁଅ ଆଶିଷ୍ ମିଶ୍ରଙ୍କ ହାତରେ ପଡିଛି ହାତକଡି । ଆଶିଷ ମିଶ୍ରଙ୍କୁ ୧୨ ଘଣ୍ଟା ଧରି ପଚରାଉଚରା ପରେ ଶେଷରେ ଗିରଫ କରାଯାଇଛି । ଜେରା ବେଳେ ଅନେକ ପ୍ରଶ୍ନ ପଚରା ଯାଇଥିଲା । ଏହା ମଧ୍ୟରୁ ଅନେକ ପ୍ରଶ୍ନର ସେ ଉତ୍ତର ଦେଇପାରିନଥିଲେ । ଯାହା ଫଳରେ ତାଙ୍କୁ ଗିରଫ କରାଯାଇଛି । ତେବେ ନଜର ପକାନ୍ତୁ ଆଶିଷ ମିଶ୍ରଙ୍କୁ କ’ଣ ପ୍ରଶ୍ନ ପଚାରିଥିଲା ଏସଆଇଟି?
Kanak News is now on WhatsApp
Join and get latest news updates delivered to you via WhatsApp
ଏସଆଇଟିର ପ୍ରଶ୍ନ
(୧) କାର୍ଯ୍ୟକ୍ରମକୁ ଆସୁଥିବା ଭିଭିଆଇପିଙ୍କ ରୁଟ୍ ପରିବର୍ତ୍ତନ କରାଯାଇଛି । ଏନେଇ ଆପଣଙ୍କ ପାଖରେ ଖବର ଥିଲା କି?
ଆଶିଷ ମିଶ୍ରଙ୍କ ଉତ୍ତର
-ପ୍ରଥମେ ଯାଉଥିବା ଭିଭିଆଇପିଙ୍କ ରୁଟ୍ ସଂପର୍କରେ ତଥ୍ୟ ଥିଲା । ରୁଟ୍ ପରିବର୍ତ୍ତନ ନେଇ କିଛି ସମୟ ପୂର୍ବରୁ ଜଣାପଡ଼ିଥିଲା ।
ଏସଆଇଟିର ପ୍ରଶ୍ନ
(୨) ଯେତେବେଳେ ଘଟଣା ଘଟିଥିଲା, ସେତେବେଳେ ଆପଣ କେଉଁଠି ଥିଲେ?
ଆଶିଷ ମିଶ୍ରଙ୍କ ଉତ୍ତର
-ଯେଉଁ ସମୟରେ ଅଘଟଣ ଘଟିଥିଲା, ସେତେବେଳେ ମୁଁ କାର୍ଯ୍ୟକ୍ରମ ସ୍ଥଳରେ ଥିଲି । ଦଙ୍ଗଲର ଆୟୋଜନ କରୁଥିଲି । ଭିଭିଆଇପିଙ୍କ ଆସିବାକୁ ଅପେକ୍ଷା କରିଥିଲି ।
ଏସଆଇଟିର ପ୍ରଶ୍ନ
(୩) ଅପରାହ୍ନ ୨ଟା ୩୬ରୁ ୩ଟା ୩୦ ମଧ୍ୟରେ କେଉଁଠି ଥିଲେ?
ଆଶିଷ ମିଶ୍ରଙ୍କ ଉତ୍ତର
() ଏହି ସମୟରେ କାର୍ଯ୍ୟକ୍ରମ ସ୍ଥଳରେ ଉପସ୍ଥିତ ଥିଲି, କେଉଁଆଡେ ଯାଇନଥିଲି ।
ଏସଆଇଟିର ପ୍ରଶ୍ନ
(୪) ଲୋକେ କହୁଛନ୍ତି ଆପଣ ସେହି ସମୟରେ କାର୍ଯ୍ୟକ୍ରମରେ ନଥିଲେ?
ଆଶିଷ ମିଶ୍ରଙ୍କ ଉତ୍ତର
-ନାଁ, ମୁଁ କାର୍ଯ୍ୟକ୍ରମ ସ୍ଥଳରେ ହିଁ ଥିଲି । ବେଳେବେଳେ କିଛି ସୟମ ପାଇଁ ନିକଟରେ ଥିବା ଏକ ରାଇସ୍ ମିଲ ପର୍ଯ୍ୟନ୍ତ ଯାଉଥିଲି ପୁଣି ପଳାଇ ଆସୁଥିଲି ।
ଏସଆଇଟିର ପ୍ରଶ୍ନ
(୫) ଯେଉଁ ଜିପକୁ ଜାଳି ଦିଆଯାଇଛି, ତାକୁ କିଏ ଚଲାଉଥିଲେ? ସେଥିରେ କିଏ କିଏ ବସିଥିଲେ? ପଛରେ ଆସୁଥିବା ଫର୍ଚୁନର କାହାର ଥିଲା?
ଆଶିଷ ମିଶ୍ରଙ୍କ ଉତର
-ଜିପ୍ ମୋର ଥିଲା । ଆମ ଡ୍ରାଇଭର ହରିଓମ୍ ମିଶ୍ର ଚଲାଉ ଥିଲା । ଫର୍ଚୁନର ଗାଡି ବିଜେପି କାର୍ଯ୍ୟକର୍ତା ଅଙ୍କିତ ଦାସଙ୍କର । ଘଟଣା ପରଠୁ ସେ ମୋ ଯୋଗାଯୋଗରେ ନାହାନ୍ତି ।
ଏସଆଇଟିର ପ୍ରଶ୍ନ
(୬) ତିନିଟି ଗାଡିରୁ ଆପଣ କେଉଁ ଗାଡିରେ ଥିଲେ?
ଆଶିଷ ମିଶ୍ରଙ୍କ ଉତ୍ତର
-ମୁଁ ପୂର୍ବରୁ କହି ସାରିଛି କି ମୁଁ କାର୍ଯ୍ୟକ୍ରମ ସ୍ଥଳରେ ଥିଲି । ମୁଁ କାର୍ଯ୍ୟକ୍ରମ ଛାଡି କେଉଁଆଡେ ଯାଇନାହିଁ ।
ଏସଆଇଟିର ପ୍ରଶ୍ନ
(୭) ପ୍ରଦର୍ଶନକାରୀ କହୁଛନ୍ତି ଜିପ୍ ଆପଣ ଚଲାଉଥିଲେ?
ଆଶିଷ ମିଶ୍ରଙ୍କ ଉତ୍ତର
-ନାଁ, ଜିପରେ ମୁଁ ନଥିଲି । ମୁଁ କୌଣସି ଗାଡିରେ ନଥିଲି । ଭିଭିଆଇପିଙ୍କୁ ଆଣିବା ପାଇଁ ମୁଁ ଗାଡିକୁ ପଠାଇଥିଲି ।
ଏସଆଇଟିର ପ୍ରଶ୍ନ
(୮) ଯଦି ଘଟଣାସ୍ଥଳରେ ନଥିଲେ ତେବେ ମାମଲା ରୁଜୁ ପରେ କାହିଁକି ଫେରାର ହୋଇଯାଇଥିଲେ? ଗତ ୪୮ ମଧ୍ୟରେ କେଉଁଠି କେଉଁଠି ଥିଲେ?
ଆଶିଷ ମିଶ୍ରଙ୍କ ଉତ୍ତର
-ମୁଁ ଫେରାର ହୋଇନଥିଲି, ମୁଁ ଜିଲ୍ଲାରେ ହିଁ ଥିଲି । ମୁଁ ମୋ ଗାଁ ବଲବୀରପୁରରେ ହିଁ ଥିଲି । ଦେହ ଖରାପ ଥିବାରୁ ବିଶ୍ରାମ ନେଉଥିଲି ।
ଏସଆଇଟିର ପ୍ରଶ୍ନ
(୯) କାର୍ଯ୍ୟକ୍ରମସ୍ଥଳ ପାଖରେ ଥିବା ନେଇ କୌଣସି ପ୍ରମାଣ କାହିଁକି ନାହିଁ?
ଆଶିଷ ମିଶ୍ରଙ୍କ ଉତ୍ତର
-ମୋତେ ଜଣାନଥିଲା କି ହିଂସାରେ ମୋ ନାଁ ଆସିବ । ପୂରା କାର୍ଯ୍ୟକ୍ରମର ଭିଡିଓ ଯାହା ମୋତେ ମିଳିଛି, ମୁଁ ଆପଣଙ୍କୁ ଦେଇଛି ।
ଏସଆଇଟିର ପ୍ରଶ୍ନ
(୧୦) ଗାଡିରୁ ଜବତ ହୋଇଥିବା ଗୁଳିଗୋଳା କାହାର?
ଆଶିଷ ମିଶ୍ରଙ୍କ ଉତର
-ଗାଡିରେ ଗଲାବେଳେ ନିଜର ସୁରକ୍ଷା ପାଇଁ ରଖିଥାଏ ।
ଆଶିଷଙ୍କୁ ଏମିତି ଗୁଡେଇ ତୁଡେଇ ପ୍ରଶ୍ନ କରିବା ପରେ ଶେଷରେ ଗିରଫ କରାଯାଇଛି ।