ଆଖଡା ପରିଷଦର ମୁଖ୍ୟ ମହନ୍ତ ନରେନ୍ଦ୍ର ଗିରିଙ୍କ ଆତ୍ମହତ୍ୟା ଘଟଣା: ଶିଷ୍ୟ ଆନନ୍ଦ ଗିରିଙ୍କ ସମେତ ୩ ଗିରଫ
କନକ ବ୍ୟୁରୋ: ଆଖଡା ପରିଷଦର ମୁଖ୍ୟ ମହନ୍ତ ନରେନ୍ଦ୍ର ଗିରିଙ୍କ ମୃତ୍ୟୁ ପରେ ସାରା ଦେଶରେ ହଇଚଇ ସୃଷ୍ଟି ହୋଇଛି । ୭୧ ବର୍ଷୀୟ ମହନ୍ତ ନରେନ୍ଦ୍ର ଗିରି ଆତ୍ମହତ୍ୟା କରିଥିବା ନେଇ ପୋଲିସ ପକ୍ଷରୁ ସ୍ପଷ୍ଟ କରାଯାଇଛି । ଆଉ ଏହି ଘଟଣାରେ ନରେନ୍ଦ୍ର ଗିରିଙ୍କ ଶିଷ୍ୟ ଆନନ୍ଦ ଗିରିଙ୍କୁ ଗିରଫ କରିଛି ପୋଲିସ । କାରଣ ଆତ୍ମହତ୍ୟା ପୂର୍ବରୁ ମହନ୍ତ ନରେନ୍ଦ୍ର ଗିରି ନିଜ ସୁଇସାଇଡ୍ ନୋଟ୍ରେ ଆନନ୍ଦ ଗିରିଙ୍କ ନାମ ଉଲ୍ଲେଖ କରିଛନ୍ତି । ଆନନ୍ଦ ଗିରି ତାଙ୍କୁ ମାନସିକ ନିର୍ଯାତନା ଦେଉଥିବା କଥା ସୁଇସାଇଡ୍ ନୋଟ୍ରେ ଲେଖାଅଛି ।
Kanak News is now on WhatsApp
Join and get latest news updates delivered to you via WhatsApp
ଆଖଡା ପରିଷଦର ସଭାପତି ମହନ୍ତ ନରେନ୍ଦ୍ର ଗିରିଙ୍କ ଆତ୍ମହତ୍ୟା ମାମଲାରେ ଶିଷ୍ୟ ଆନନ୍ଦ ଗିରିକୁ ଗିରଫ କରିଛି ଉତରପ୍ରଦେଶ ପୋଲିସ । ତାଙ୍କ ବିରୋଧରେ ଏଫଆଇର ରୁଜୁ କରିବା ସହ ତାଙ୍କୁ ଆଖଡା ପରିଷଦରୁ ବହିଷ୍କାର କରାଯାଇଛି । ମୃତ୍ୟୁ ପୂର୍ବରୁ ମହନ୍ତ ନରେନ୍ଦ୍ର ଗିରି ୮ ପେଜ୍ର ଏକ ସୁଇସାଇଡ୍ ନୋଟ୍ ଛାଡିଯାଇଛନ୍ତି । ଏହି ସୁସାଇଡ ନୋଟରେ ମହନ୍ତ ତାଙ୍କ ବିବାଦୀୟ ଶିଷ୍ୟ ଆନନ୍ଦ ଗିରିଙ୍କ ନାଁ ନେଇଛନ୍ତି । ଆନନ୍ଦ ଗିରି, ମହନ୍ତ ନରେନ୍ଦ୍ର ଗିରିଙ୍କୁ ମାନସିକ ଭାବେ ନିର୍ଯାତନା ଦେଉଥିବା କଥା ସୁସାଇଡ୍ ନୋଟ୍ରେ ଉଲ୍ଲେଖ ଅଛି । କିଛି ଦିନ ପୂର୍ବରୁ ଶିଶ୍ୟ ଆନନ୍ଦ ଗିରିଙ୍କୁ ଟଙ୍କା ହେରଫେର ନେଇ ମଠରୁ ବିତାଡିତ କରାଯାଇଥିଲା । ମାତ୍ର ସେ ମହନ୍ତ ନରେନ୍ଦ୍ର ଗିରିଙ୍କ ଗୋଡ ଧରି ଭୁଲ ମାଗିଥିଲେ । ଏହି ସମୟର ଏକ ଭିଡିଓ ମଧ୍ୟ ପୋଲିସ ହାତରେ ଲାଗିଛି । ସେପଟେ ଆନନ୍ଦ ଗିରି କହିଛନ୍ତି, ସେ ସବୁପ୍ରକାରର ତଦନ୍ତର ସାମ୍ନା କରିବାକୁ ପ୍ରସ୍ତୁତ ଅଛନ୍ତି । ତାଙ୍କ ବିରୋଧରେ ଷଡଯନ୍ତ୍ର କରାଯାଉଛି ବୋଲି ସେ କହିଛନ୍ତି ।
ସୋମବାର ଉତରପ୍ରଦେଶ ପ୍ରୟାଗରାଜ ସ୍ଥିତ ବାଘମ୍ବରି ମଠରେ ମିଳିଥିଲା ନରେନ୍ଦ୍ର ଗିରିଙ୍କ ମୃତଦେହ । ପ୍ରୟାଗରାଜର ନିଜ ମଠର ଯେଉଁ ଘରେ ନରେନ୍ଦ୍ର ଗିରିଙ୍କ ମୃତଦେହ ମିଳିଛି, ସେହି ଘର ଚାରିଆଡୁ ବନ୍ଦ ଥିଲା । ମୁଖ୍ୟ ଦ୍ୱାର ବି ବନ୍ଦ ରହିଥିଲା । ପ୍ରାଥମିକ ତଦନ୍ତ ପରେ ପୁଲିସ ଏହାକୁ ଏକ ଆତ୍ମହତ୍ୟା ବୋଲି କହିଛି ।(୧୩) ସେପଟେ ମଠରେ ମହନ୍ତ ନରେନ୍ଦ୍ର ଗିରିଙ୍କ ଶେଷ ଦର୍ଶନ ପାଇଁ ସାଧୁ ସନ୍ଥଙ୍କ ଗହଳି ଦେଖିବାକୁ ମିଳିଛି । ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ମଧ୍ୟ ମହନ୍ତଙ୍କୁ ଶ୍ରଦ୍ଧାଂଜଳୀ ଜଣାଇଛନ୍ତି ।ଆଖଡା ପରିଷଦର ମୁଖ୍ୟଙ୍କ ମୃତ୍ୟୁ ସମାଜ ପାଇଁ ଅପୁରଣୀୟ କ୍ଷତି ବୋଲି ସେ କହିଛନ୍ତି । ଏହି ଘଟଣାରେ ଦୋଷୀଙ୍କୁ କଠୋର ଦଣ୍ଡ ମିଳିବ ବୋଲି କହିଛନ୍ତି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ । ବୁଧବାର ମହନ୍ତ ନରେନ୍ଦ୍ର ଗିରିଙ୍କ ଶବ ବ୍ୟବଚ୍ଛେଦ ହେବା ପରେ ବାଘମ୍ବରୀ ମଠରେ ତାଙ୍କୁ ସମାଧି ଦିଆଯିବାର କାର୍ଯ୍ୟକ୍ରମ ରହିଛି ।