ଦୁଷ୍କର୍ମ ଅପରାଧୀ ରାମ ରହିମ ଚଳିତ ବର୍ଷ ତୃତୀୟ ଥର ପାଇଁ ଜେଲରୁ ବାହାରିଲେ । ୨୧ ଦିନିଆ ପାରୋଲ ଅନୁମତି ଦେଲେ ହରିଆଣା ସରକାର
କନକ ବ୍ୟୁରୋ : ଦୁଷ୍କର୍ମ ଓ ହତ୍ୟା ଅପରାଧରେ ହରିଆଣାର ରୋହତକ ଜେଲରେ ସଜା କାଟୁଥିବା ଡେରା ସଚ୍ଚା ସୌଦା ମୁଖ୍ୟ ଗୁରମିତ ରାମ ରହିମକୁ ପୁଣିଥରେ ଜେଲରୁ ବାହାରିଛନ୍ତି । ଗୋଟିଏ ଦିନ ପୂର୍ବରୁ ହରିଆଣା ସରକାର ରାମ୍ ରହିମଙ୍କ ୨୧ ଦିନିଆ ପାରୋଲକୁ ଅନୁମତି ଦେଇଥିଲେ । ଆଜି ସେ ଜେଲରୁ ବାହାରୁଛନ୍ତି । ଚଳିତ ବର୍ଷ ତୃତୀୟ ଥର ପାଇଁ ହରିଆଣା ସରକାର ରାମ୍ ରହିମଙ୍କ ପାରୋଲକୁ ଅନୁମତି ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସୋମବାର ସନ୍ଧ୍ୟାରେ ହରିଆଣା ସରକାର ରାମ ରହିମର ପାରୋଲକୁ ଅନୁମତି ଦେବା ପରେ ଜେଲ ତରଫରୁ ପୋଲିସ ଫୋର୍ସ ମୁତୟନ କରାଯାଇଥିଲା । ଏବେ ସେ ଜେଲରୁ ଆସି ଉତ୍ତର ପ୍ରଦେଶର ବାଗପତ ଆଶ୍ରମରେ ରହିବେ । ଏପର୍ଯ୍ୟନ୍ତ ସେ ମୋଟ ୭ ଥର ଜେଲରୁ ବାହାରକୁ ଆସିସାରିଲେଣି ।
କହିରଖୁ କି ସଜା କାଟୁଥିବା କୌଣସି ଅପରାଧୀକୁ ପାରୋଲ ଦେବା ରାଜ୍ୟ ସରକାରଙ୍କ ଅଧିକାର ଅଟେ । ଏହା ଜେଲରେ ଅପରାଧୀର ଭଲ ବ୍ୟବହାର ଅଧାରରେ ପ୍ରଦାନ କରାଯାଇଥାଏ । ୨୦୧୭ ରେ ଦଣ୍ଡିତ ହୋଇ ଜେଲ ଯିବା ପରେ ଏପର୍ଯ୍ୟନ୍ତ ରାମ୍ ରହିମକୁ ୭ ଥର ଜେଲରୁ ପାରୋଲ ମିଳିଛି । ରାମ୍ ରହିମ ନିଜର ଦୁଇଜଣ ଶିଷ୍ୟଙ୍କ ସହ ଦୁଷ୍କର୍ମ କରିବା ଅପରାଧରେ ୨୦ ବର୍ଷ ଜେଲଦଣ୍ଡ ଓ ହତ୍ୟା ମାମଲାରେ ଆଜୀବନ କାରାଦଣ୍ଡରେ ଦଣ୍ଡିତ ହୋଇଛନ୍ତି ।