ପୋଲିସ୍ ବାବୁଙ୍କୁ ଶହେ ସଲାମ୍ : ବ୍ୟସ୍ତବହୁଳ ରାସ୍ତା ପାର୍ ହେବାକୁ ବୃଦ୍ଧାଙ୍କୁ ହେଉଥିଲା କଷ୍ଟ , କୋଳରେ ଉଠାଇ ରାସ୍ତା ପାର୍ କଲେ ପୋଲିସ୍ ବାବୁ ।
ବର୍ତ୍ତମାନ ସମୟରେ ଦେଶର ପରିସ୍ଥିତିକୁ ନଜରରେ ରଖି ପୋଲିସକର୍ମୀଙ୍କ ଉପରେ ଏଭଳି ଖବର ଆସୁଛି ଯାହା ତାଙ୍କ କାର୍ଯ୍ୟ କୁଶଳତା ଏବଂ ସମ୍ବେଦନଶୀଳତାକୁ ଦର୍ଶାଉଛି । ପ୍ରତିଦିନ ଖବରକାଗଜର ମୁଖ୍ୟ ପୃଷ୍ଠାରେ ଭ୍ରଷ୍ଟାଚାର ତଥା ନିଜେ ନିୟମ ନମାନିବାକୁ ନେଇ ପୋଲିସ୍ କର୍ମୀଙ୍କୁ ଟାର୍ଗେଟ୍ କରାଯାଉଛି । ଏହି ସବୁ ଭିତରେ କିଛି ଖାକି ପିନ୍ଧା ହିରୋ ସମସ୍ତଙ୍କ ମନକୁ ଜିିତିବାରେ ସଫଳ ହୋଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ମଙ୍ଗଳବାର ଲକ୍ଷ୍ନୌର ଗୋମତୀନଗର ବ୍ୟସ୍ତବହୁଳ ଜାତୀୟ ରାଜପଥ ଭିତରେ ଜଣେ ବୃଦ୍ଧାଙ୍କୁ ରାସ୍ତା ପାର୍ ହେବାକୁ କଷ୍ଟକର ହୋଇପଡୁଥିଲା । ସେତେବେଳେ ବ୍ୟାରିକେଡ୍ ରେ ଡ୍ୟୁଟି କରୁଥିବା ପୋଲିସ୍ କର୍ମୀ ଇସରାର୍ ଙ୍କ ନଜର ଉକ୍ତ ବୃଦ୍ଧାଙ୍କ ଉପରେ ପଡିଥିଲା । ସେ ଦୌଡି ଯାଇ ବୃଦ୍ଧାଙ୍କ ବ୍ୟାଗ୍ ନିଜେ ଧରିବା ସହ ତାଙ୍କୁ ଉଠାଇ ରାସ୍ତା ପାର୍ କରାଇଥିଲେ । ରାସ୍ତା ପାର୍ ହେବା ପରେ ବୃଦ୍ଧା ଜଣକ ପୋଲିସ୍ କର୍ମୀଙ୍କୁ ଧନ୍ୟବାଦ ଦେଇଥିବାର ମଧ୍ୟ ଦେଖାଯାଇଥିଲା ।