ଜଳୁଛି ଶିମିଳିପାଳ : ଲିଭିବାର ନାଁ ଧରୁନି ; ନିଆଁକୁ ଆୟତ୍ତ କରିବାକୁ ଚେଷ୍ଟା କଲେ ମୟୁରଭଞ୍ଜ ମହାରାଣୀ ଓ ରାଜକୁମାରୀ
କନକ ବ୍ୟୁରୋ : ଏବେ ବି ଜଳୁଛି ଶିମିଳିପାଳ । ଲିଭିବାର ନାଁ ଧରୁନି । ନିଆଁକୁ ଆୟତ କରିବାକୁ ନାକେଦମ ହେଲାଣି ବନବିଭାଗ । ବିଭାଗର ହଜାରେରୁ ଅଧିକ କର୍ମଚାରୀ ଓ ୨ ଶହରୁ ଅଧିକ ଅଗ୍ନିଶମ ବିଭାଗ କର୍ମଚାରୀ ନିଆଁଲିଭା କାମରେ ନିୟୋଜିତ ଅଛନ୍ତି । ଗୋଟିଏ ସ୍ଥାନରେ ନିଆଁ ଲିଭିବାବେଳକୁ ଅନ୍ୟ ଜାଗାରେ ନିଆଁ ଲାଗୁଛି । ଏହି ସମୟରେ ଶିମିଳିପାଳ ପାଦଦେଶରେ ଥିବା ବାଙ୍ଗିରିପୋଷି ରେଞ୍ଜ ଅଂଚଳକୁ ଯାଇ ମୟୁୁରଭଞ୍ଜ ମହାରାଣୀ ରଶ୍ମୀ ରାଜ୍ୟଲକ୍ଷ୍ମୀ ଭଞ୍ଜଦେଓ ନିଆଁ ଲିଭାଇ ଲୋକଙ୍କ ନିକଟରେ ସଚେତନତାର ବାର୍ତ୍ତା ଦେଇଛନ୍ତି । ହାତରେ ଛାଟମୁଠା ଧରି ନିଆଁକୁ ଆୟତ୍ତ କରିବାକୁ ଚେଷ୍ଟା କରିଛନ୍ତି ମୟୁରଭଞ୍ଜ ମହାରାଣୀ ଓ ରାଜକୁମାରୀ ।
Kanak News is now on WhatsApp
Join and get latest news updates delivered to you via WhatsApp
ଏଥି ସହିତ ସ୍ଥାନୀୟ ଜନସାଧାରଣଙ୍କ ସହିତ ନିଆଁ ଲାଗିବାର କାରଣ ସମ୍ବନ୍ଧରେ ଆଲୋଚନା କରି ସବିଶେଷ ତଥ୍ୟ ସଂଗ୍ରହ କରିଥିଲେ । ଏହି ସମୟରେ ପ୍ରାୟ ୩/୪ ବର୍ଷ ହେବ ବନ ବିଭାଗ କମ୍ୟୁନିଟିକୁ ବିଶ୍ୱାସକୁ ନ ନେବା ଏବଂ ନିଆଁ ନ ଲାଇଗିବା ନିମନ୍ତେ ଅଥବା ନିଆଁକୁ ଲିଭାଇବା ନିମନ୍ତେ କୌଣସି ଯୋଜନା ହାତକୁ ନେଇ ନ ଥିବାକୁ ସ୍ଥାନୀୟ ଜନସାଧାରଣ ଉତ୍ତରଦାୟୀ କରିଛନ୍ତି । ତେବେ ଜଙ୍ଗଲରେ ଏହି ନିଆଁ କ୍ରମଶଃ ଅଣଆୟତ୍ତ ପରିସ୍ଥିତି ଦିଗକୁ ଗତି କରୁଥିବା ବିଷୟକୁ ନେଇ ସରକାରଙ୍କ ଦୃଷ୍ଟି ଆକର୍ଷଣ କରାଇବେ ବୋଲି ରଶ୍ମୀ ରାଜ୍ୟଲକ୍ଷ୍ମୀ ଭଞ୍ଜଦେଓ ପ୍ରକାଶ କହିଛନ୍ତି ।