ରାଜସ୍ଥାନରେ କଂଗ୍ରେସର ୩ଦିନିଆ ଚିନ୍ତନ ଶିବିର । ଲକ୍ଷ୍ମଣରେଖା ଟାଣିଲେ ଅନ୍ତରୀଣ ଅଧ୍ୟକ୍ଷା ସୋନିଆ ଗାନ୍ଧି । ବିଜେପିକୁ କଲେ ଟାର୍ଗେଟ
କନକ ବ୍ୟୁରୋ: ରାଜସ୍ଥାନ ଉଦୟପୁରରେ କଂଗ୍ରେସର ୩ଦିନିଆ ଚିନ୍ତନ ଶିବିର ଆରମ୍ଭ ହୋଇଛି । ଶିବିରରେ ଦଳର ବହୁ ବରିଷ୍ଠ ନେତା ଯୋଗ ଦେଇଛନ୍ତି ।ଶିବିରରେ ପ୍ରଥମ ଦିନରେ ଦଳୀୟନେତାଙ୍କୁ ସମ୍ବୋଧିତ କରି ପ୍ରତିବଦ୍ଧତାର ପାଠ ପଢାଇଛନ୍ତି ଦଳର ଅନ୍ତରୀଣ ଅଧ୍ୟକ୍ଷା ସୋନିଆ ଗାନ୍ଧୀ । ଏଥିସହ ବିଜେପି ଓ ଆରଏଏସକୁ ମଧ୍ୟ ସେ ଟାର୍ଗେଟ କରିଛନ୍ତି । ସୋନିଆ କହିଛନ୍ତି ବିଜେପି ସରକାର ଦେଶକୁ ଧ୍ରୁବୀକରଣ କରିବା ସହ ଭୟର ପରିବେଶ ସୃଷ୍ଟି କରୁଛି ।
Kanak News is now on WhatsApp
Join and get latest news updates delivered to you via WhatsApp
ନିଜ କଥା ଖୋଲାଖୋଲି ରଖିବାର ସ୍ୱାଧୀନତା ଆପଣଙ୍କ ପାଖରେ ରହିଛି ମାତ୍ର ବାହାରକୁ ଏହି ବାର୍ତା ଯିବା ଉଚିତ ଯେ ସଂଗଠନ ଏକ ଓ ଦଳୀୟନେତାଙ୍କ ମଧ୍ୟରେ ଏକତା ରହିଛି । କଂଗ୍ରେସର ଚିନ୍ତନ ଶିବିରର ଉଦଘାଟନୀ ଭାଷଣରେ ଦଳର ଅନ୍ତରୀଣ ଅଧ୍ୟକ୍ଷା ସୋନିଆ ଗାନ୍ଧି ଦଳୀୟନେତାଙ୍କ ପାଇଁ ଅନୁଶାସନ ଲକ୍ଷ୍ମଣରେଖା ଟାଣି ଏଭଳି କିଛି କଥା କହିଛନ୍ତି । ନେତାଙ୍କୁ ଦଳର ଋଣ ପରିଶୋଧ କରିବାକୁ ଅପିଲ କରିଛନ୍ତି ସୋନିଆ । ବୈଠକରେ ସୋନିଆ କହିଛନ୍ତି ଯେ କଂଗ୍ରେସ ଆମ ସମସ୍ତଙ୍କୁ ବହୁତ କିଛି ଦେଇଛି । ସେହିପରି ଦରବୃଦ୍ଦି ପ୍ରସଙ୍ଗକୁ ନେଇ କେନ୍ଦ୍ର ଉପରେ ବର୍ଷିଛନ୍ତି ସୋନିଆ ଗାନ୍ଧୀ ।
ବୈଠକରେ ଦଳୀୟନେତାଙ୍କୁ ବିଜୟମନ୍ତ୍ର ଦେବା ସହ ମୋଦି ସରକାରଙ୍କୁ ଶାଣିତ ସ୍ୱରରେ ଟାର୍ଗେଟ କରିଛନ୍ତି ସୋନିଆ ଗାନ୍ଧି । ସୋନିଆ କହିଛନ୍ତି, ଦେଶରେ ବର୍ତମାନ ସଂଖ୍ୟାଲଘୁଙ୍କ ଉପରେ ଅତ୍ୟାଚାର ହେଉଛି, ଦୁର୍ବଳ ବର୍ଗର ଲୋକ ଉତ୍ପୀଡନୀ ଶିକାର ହେଉଛନ୍ତି ଓ ଦଳିତଙ୍କୁ ନିର୍ଦ୍ଦୋଷରେ ଦଣ୍ଡ ଦିଆଯାଉଛି । ମୋଦି ସରକାରଙ୍କ ଶାସନ ସମୟରେ ଦେଶର ଅର୍ଥବ୍ୟବସ୍ଥା ଭୁଷୁଡି ପଡିଥିବା ଅଭିଯୋଗ କରିଛନ୍ତି ସୋନିଆ । ସେହିପରି ମୋଦୀ ସରକାର କେନ୍ଦ୍ରିୟ ଏଜେନ୍ସିର ଅପବ୍ୟବହାର କରାଯାଉଥିବା ମଧ୍ୟ କହଛନ୍ତି ସୋନିଆ ଗାନ୍ଧୀ