ସୋସିଆଲ୍ ମିଡିଆରେ ଘୁରିବୁଲୁଥିବା ଏହି ଭିଡିଓର ସତ କ’ଣ? ଜାଣିବା ପାଇଁ ପଢନ୍ତୁ ସମ୍ପୁର୍ଣ୍ଣ ରିପୋର୍ଟ ।
ସୋସିଆଲ୍ ମିଡିଆରେ ଏବେ ଗୋଟିଏ ଭିଡିଓ ଘୁରିବୁଲୁଛି । ଯେଉଁଥିରେ ଜଣେ ଶିଖ୍ ପୋଲିସ୍ ଅଫିସର୍ ଜଣେ ଯୁବକଙ୍କୁ ଲୋକଙ୍କ ଭିଡ ଏବଂ ମାରପିଟରୁ ବଞ୍ଚାଉଥିବାର ଦୃଶ୍ୟ ରହିଛି । ତେବେ ଆପଣ ଭାବୁଥିବେ ଏହି ଲୋକମାନେ କାହିଁକି ଏହି ଯୁବକକୁ ପିଟିବା ପାଇଁ ଯାଉଛନ୍ତି ତେବେ ଆପଣଙ୍କୁ ଆମେ ଆଜି ଏହି ସମ୍ପୁର୍ଣ୍ଣ ଘଟଣାରେ ଅବଗତ କରିବାକୁ ଯାଉଛୁ । 
ଉତ୍ତରାଖଣ୍ଡର ନେନିତାଲରେ ରାମନଗର ନାମକ ଏକ ସ୍ଥାନ ରହିଛି । ଏଠାରେ ଗିରିଜା ଦେବୀଙ୍କ ଏକ ପ୍ରସିଦ୍ଧ ମନ୍ଦିର ମଧ୍ୟ ରହିଅଛି । ଏହି ସ୍ଥାନଟି ଜିମ୍ କାର୍ବେଟ୍ ନ୍ୟାସନାଲ୍ ପାର୍କରେ ଅବସ୍ଥିତ । ଏହି ମନ୍ଦିର ପାଖରେ ଗୋଟିଏ ନଦୀ ମଧ୍ୟ ବୋହି ଯାଇଛି । ତେବେ ଏଭଳି ପ୍ରାକୃତିକ ବାତାବରଣ ଯୋଗୁଁ ସ୍ୱାମୀ ସ୍ତ୍ରୀ ଏବଂ ପ୍ରେମୀଯୁଗଳ ଏଠାକୁ ବୁଲିବା ପାଇଁ ଆସିଥାନ୍ତି । ଏଭଳି କିଛି ଆଶା ନେଇ ଏକ ପ୍ରେମୀଯୁଗଳ ଏଠାକୁ ବୁଲିବାକୁ ଆସିଥିଲେ । ତେବେ ସେଠାକାର କିଛି ଲୋକମାନେ ମିଶି ଦୁହିଁଙ୍କୁ ପଚରାଉଚରା କରିଥିଲେ । ଯେତେବେଳେ ଜଣାପଡିଲା ପ୍ରେମିକ ଜଣକ ମୁସଲମାନ୍ ବୋଲି ଉତ୍ତ୍ୟକ୍ତ ଲୋକେ ଯୁବକକୁ ମାରପିଟ କରିବା ଆରମ୍ଭ କରିଦେଲେ । ଉକ୍ତ ପ୍ରେମିକା କାହିଁକି ମାରୁଛ କହି ପ୍ରଶ୍ନ କରିବାରୁ ଭିଡ ଭିତରୁ ଜଣେ ବୟସ୍କ ବ୍ୟକ୍ତି ଆମେ ତାକୁ କାଟିଦେବୁ କହିଥିଲେ । ଭୟରେ ଥିବା ପ୍ରେମୀଯୁଗଳଙ୍କ ସହାୟତା ପାଇଁ ସେତେବେଳେ ଉତ୍ତରାଖଣ୍ଡ ପୋଲିସ୍ ସେଠାରେ ପହଞ୍ଚିଥିଲା ।
Kanak News is now on WhatsApp
Join and get latest news updates delivered to you via WhatsApp
ସବ୍ ଇନ୍ସପେକ୍ଟର ଗଗନଦୀପ୍ ସିଂହ ଏହି ଘଟଣାର ସମସ୍ୟା କରିବାକୁ ଚାହୁଁଥିବା ବେଳେ ଉତ୍ତ୍ୟକ୍ତ ଲୋକେ ଯୁବକକୁ ପିଟିବାକୁ ଚାହୁଁଥିଲେ । କିନ୍ତୁ ସେ ନିଜ ଜୀବନକୁ ସଂକଟରେ ପକାଇ ଭିଡ ଭିତରୁ ଉକ୍ତ ଯୁବକକୁ ବଞ୍ଚାଇବା ପାଇଁ ତାକୁ ଛାତିରେ ଜାବୁଡି ଧରିଥିଲେ । ତେବେ ଏହି ଭିଡିଓକୁ କେହି ଜଣେ ସୋସିଆଲ୍ ମିଡିଆରେ ପୋଷ୍ଟ କରିବା ପରେ ସମସ୍ତେ ସବ୍ ଇନ୍ସପେକ୍ଟର ଗଗନଦୀପ୍ ସିଂହଙ୍କ ପ୍ରଶଂସା କରିବାରେ ଲାଗି ପଡିଛନ୍ତି ।