ଇମ୍ରାନ ଖାନ୍ ମୋ ବଡ଼ ଭାଇ, ସେ ମୋତେ ବହୁତ ଭଲ ପାଆନ୍ତି : ସିଦ୍ଧୁ
କନକ ବ୍ୟୁରୋ : କଂଗ୍ରେସ ନେତା ନବଜୋତ ସିଂ ସିଦ୍ଧୁଙ୍କ ପାକିସ୍ତାନ ପ୍ରେମ । ପୁଣିଥରେ ସିଦ୍ଧୁ ଏମିତି କିଛି ବୟାନ ଦେଇଛନ୍ତି ଯାହା କଂଗ୍ରେସକୁ ଅଡୁଆରେ ପକାଇବ ନିଶ୍ଚୟ । ପାକିସ୍ତାନର କରତାରପୁର କରିଡରରେ ପହଞ୍ଚିବା ପରେ ପାକିସ୍ତାନର ପ୍ରଧାନମନ୍ତ୍ରୀ ଇମ୍ରାନ ଖାନଙ୍କୁ ବଡ ଭାଇ ବୋଲି କହିଛନ୍ତି । ଆଉ ସିଦ୍ଧୁଙ୍କ ଏହି ପଦିଏ କଥାକୁ ନେଇ ଟାର୍ଗେଟ ରାଡାରକୁ ଆସିଛି କଂଗ୍ରେସ ।
Kanak News is now on WhatsApp
Join and get latest news updates delivered to you via WhatsApp
କରତାରପୁର କରିଡରରେ ପହଞ୍ଚିବା ପରେ ସିଦ୍ଧୁଙ୍କୁ ଜୋରଦାର ସ୍ୱାଗତ କରାଯାଇଥିଲା । ଏହି ସମୟରେ ପାକିସ୍ତାନ ପିଏମୟୁର ସିଇଓ ମହମ୍ମଦ ଲତିଫ ତାଙ୍କୁ ସ୍ୱାଗତ କରିବା ସହ ଇମ୍ରାନଙ୍କ ତରଫରୁ ଶୁଭେଚ୍ଛା ଜଣାଇଥିଲେ ।ଆଉ ଏହାପରେ ସିଦ୍ଧୁ ଇମ୍ରାନଙ୍କୁ ନିଜର ବଡ ଭାଇ କହିବା ସହ ମୋତେ ବହୁତ ଭଲ ପାଆନ୍ତି ବୋଲି କହିଥିଲେ । ଆଉ ଏହି ପିଦଏ କଥାକୁ ନେଇ କଂଗ୍ରେସ ଓ ସିଦ୍ଧୁଙ୍କୁ ଟାର୍ଗେଟ କରିଲାଣି ବିଜେପି ।
#KartarpurCorridor: #ImranKhan is like my big brother, says @INCPunjab
chief #NavjotSinghSidhu whole interacting with Muhammad Latif CEO, PMU, #Kartarpur project. pic.twitter.com/JTlgGy7xAy— Ravinder Singh Robin ਰਵਿੰਦਰ ਸਿੰਘ رویندرسنگھ روبن (@rsrobin1) November 20, 2021
ପାକିସ୍ତାନ ସପକ୍ଷରେ ମନ୍ତବ୍ୟ ଦେବା ସିଦ୍ଧୁଙ୍କ ପାଇଁ ନୂଆ ନୁହେଁ । ଏହାପୂର୍ବରୁ ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କ ଶପଥଗ୍ରହଣ ଉତ୍ସବରେ ସାମିଲ ହୋଇଥିଲେ ସିଦ୍ଧୁ । ସେତେବେଳେ ସିଦ୍ଧୁଙ୍କ ବାହାନାରେ କଂଗ୍ରେସକୁ ଟାର୍ଗେଟ କରାଯାଇଥିଲା । ଏହାସହ ଯେତେବେଳେ ପଞ୍ଜାବର ମୁଖ୍ୟମନ୍ତ୍ରୀ ଭାବେ ସିଦ୍ଧୁଙ୍କ ନାଁକୁ ନେଇ ଚର୍ଚ୍ଚା ହୋଇଥିଲା ସେତେବେଳେ ପୂର୍ବ ମୁଖ୍ୟମନ୍ତ୍ରୀ ଅମରିନ୍ଦର ସିଂ ସିଦ୍ଧୁଙ୍କ ପାକିସ୍ତାନ ଲିଙ୍କ୍ କଥା ଉଠାଇଥିଲେ ।ଅମରିନ୍ଦର କହିଥିଲେ, ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନ୍ ଓ ପାକିସ୍ତାନ ସେନାମୁଖ୍ୟ ବାଜୱାଙ୍କ ସହ ସିଦ୍ଧୁଙ୍କ ଉତ୍ତମ ସମ୍ପର୍କ ରହିଛି । ତେଣୁ ସିଦ୍ଧୁ ମୁଖ୍ୟମନ୍ତ୍ରୀ ହେଲେ ଭୟଙ୍କର ପରିଣାମ ଭୋଗିବାକୁ ପଡିବ ।
ଏହାପୂର୍ବରୁ କଂଗ୍ରେସ ଦଳ ତରଫରୁ କେନ୍ଦ୍ର ସରକାରଙ୍କୁ ୫୦ ଜଣିଆ ତାଲିକା ଦିଆଯାଇଥିଲା । ଯେଉଁମାନେ କରତାରପୁର କରିଡରକୁ ଯିବେ । ତେବେ କେନ୍ଦ୍ର ସରକାର ଏହି ୫୦ ଜଣିଆ ତାଲିକାକୁ ୩ଟି ଭାଗରେ ବିଭକ୍ତ କରି କରତାରପୁର ଯିବାକୁ ଅନୁମତି ଦେଇଥିଲେ । ଏହାପୂର୍ବରୁ ପଞ୍ଜାବ ମୁଖ୍ୟମନ୍ତ୍ରୀ ଚରଣଜିତ ସିଂ ଚନ୍ନି କରତାରପୁର ସାହିବ ଗୁରୁଦ୍ୱାରକୁ ଯାଇଥିଲେ । ଆଉ ଏହାପରେ ଆଜି ନବଜୋତ ସିଂ ସିଦ୍ଧୁ କରତାରପୁର କରିଡର ଯାଇଛନ୍ତି । ଏହାପୂର୍ବରୁ କରତାରପୁର କରିଡର ଖୋଲିବା ନିଷ୍ପତ୍ତିକୁ ନେଇ ଇମ୍ରାନଙ୍କୁ ପ୍ରଂଶସା କରିଥିଲେ ସିଦ୍ଧୁ ।