ଷ୍ଟାର ପ୍ରଚାରକ ତାଲିକାରେ ସ୍ଥାନ ପାଇଲେନି ଷ୍ଟାର । ବାଦ୍ ପଡିଲେ ସିଦ୍ଧାନ୍ତ, ଅରିନ୍ଦମ ଏବଂ ଆକାଶ ।
କନକ ବ୍ୟୁରୋ: ବିଜେପି ଷ୍ଟାର ପ୍ରଚାରକ ତାଲିକାରେ ସ୍ଥାନ ପାଇଲେନି ଓଲିଉଡ୍ ଷ୍ଟାର । ନିକଟରେ ବିଜେଡି ଛାଡି ବିଜେପିରେ ସାମିଲ ହେଇଥିବା ଓଲିଉଡ୍ ଷ୍ଟାରଙ୍କୁ ଦଳ ଷ୍ଟାର ପ୍ରଚାରକ ତାଲିକାରେ ସାମିଲ କରିନି । ସିଦ୍ଧାନ୍ତ ମହାପାତ୍ର, ଆକାଶ ଦାସ ନାୟକ ଏବଂ ଅରିନ୍ଦମ ରାୟଙ୍କ ଭଳି ଓଲିଉଡ୍ ଷ୍ଟାରଙ୍କୁ ବିଜେପି ଆଗାମୀ ସାଧାରଣ ନିର୍ବାଚନ ପାଇଁ ଷ୍ଟାର ପ୍ରଚାରକ ତାଲିକାରେ ସାମିଲ କରିନି, ଯାହାକୁ ନେଇ ଏବେ ରାଜନୈତିକ ମହଲରେ ଚର୍ଚ୍ଚା ଆରମ୍ଭ ହେଇଛି ।
Kanak News is now on WhatsApp
Join and get latest news updates delivered to you via WhatsApp
ଏଥର ଦିଗପହଣ୍ଡିରୁ ବିଜେପି ବିଧାୟକ ପ୍ରାର୍ଥୀ ହେଇଛନ୍ତି ଲୋକପ୍ରିୟ ଓଡିଆ ହିରୋ ସିଦ୍ଧାନ୍ତ ମହାପାତ୍ର, ସେହିପରି କୋରେଇରୁ ବିଧାୟକ ପ୍ରାର୍ଥୀ ହେଇଛନ୍ତି ଆକାଶ ଦାସ ନାୟକ । ଏହି ଦୁଇ ନେତା ନିକଟରେ ବିଜେଡିକୁ ବାଏ ବାଏ କହିବା ସହିତ ପଦ୍ମ ଶିବିରରେ ସାମିଲ ହେଇଥିଲେ । ଆଉ ଦଳ ତାଙ୍କୁ ନିର୍ବାଚନ ପାଇଁ ଟିକେଟ୍ ବି ଦେଇଥିଲା । ହେଲେ ଏହାପରେ ବି, ଦଳ ଏମାନଙ୍କୁ କିନ୍ତୁ ଷ୍ଟାର ପ୍ରଚାରକ ତାଲିକାରେ ସାମିଲ କରିନି ।
ସେହିପରି ଓଲିଉଡ୍ ଷ୍ଟାର ଅରିନ୍ଦମ ରାୟଙ୍କୁ ମଧ୍ୟ ଦଳ ଷ୍ଟାର ପ୍ରଚାରକ ତାଲିକାରେ ସାମିଲ କରନ୍ତି । ଖାଲି ସେତିକି ନୁହେଁ, ତାଙ୍କୁ କୌଣସି ଆସନରୁ ନିର୍ବାଚନ ଟିକେଟ୍ ମଧ୍ୟ ଦେଇନି ବିଜେପି । ଏବେ ବି ବିଜେପିରେ ଅରିନ୍ଦମଙ୍କ ଟିକେଟ୍ ଆଶା, ଆଶଙ୍କାରେ ରହିଥିବାବେଳେ, ତାଙ୍କୁ ଷ୍ଟାର ପ୍ରଚାରକ ତାଲିକାରେ ସାମିଲ ନକରାଯିବା ଚର୍ଚ୍ଚା ବଢାଇଛି । କେବଳ ଅନୁଭବ ମହାନ୍ତି, ପିଙ୍କି ପ୍ରଧାନ, ଶ୍ରୀତମ ଦାସ ଏବଂ ହରିହର ମହାପାତ୍ରଙ୍କୁ ଦଳ ଷ୍ଟାର ପ୍ରଚାରକ ତାଲିକାରେ ସାମିଲ କରିଛି ।