ସ୍ୱାଭିମାନ ଦିବସରେ ସାହସୀଙ୍କୁ ସମ୍ମାନ : ବାପାଙ୍କ ସହ ଚାଷ କରି ଚର୍ଚ୍ଚାକୁ ଆସିଥିବା ଗଂଜାମ ଝିଅ ଶିବାନୀ ଜାନି ସମ୍ମାନିତ
କନକ ବ୍ୟୁରୋ : ମଣିଷ ବଂଚିବ ସ୍ୱାଭିମାନ ସହ, ତାକୁ ସମସ୍ତେ ଗ୍ରହଣ କରନ୍ତି । ଏମିତି ଏକ ବାର୍ତା ଦେଇଛନ୍ତି ଗଂଜାମର ଶିବାନୀ ଜାନି । କଲେଜ ପଢୁଆ ଏହି ଝିଅ ବାପାଙ୍କୁ ସହଯୋଗ କରିବା ପାଇଁ ଜମିରେ ହଳ କରିଛି । ଏପରି ଏକ ସ୍ୱାଭିମାନୀ ଝିଅକୁ ଆଜ୍ ସ୍ୱାଭିମାନ ଦିବସରେ କରା ଯାଇଛି ସମ୍ମାନିତ ।
Kanak News is now on WhatsApp
Join and get latest news updates delivered to you via WhatsApp
ହାତରେ ଲଙ୍ଗଳ ଧରି ସାରା ଓଡିଶାକୁ ଚମକାଇ ଦେଇଥିବା କଲେଜ ପଢୁଆ ଝିଅ ଶିବାନୀ ଜାନିଙ୍କୁ ସ୍ୱାଭିମାନ ଦିବସରେ ସମ୍ମାନିତ କରାଯାଇଛି । ଏହି ଅବସରରେ ଏହି ସ୍ୱାଭିମାନୀ ଝିଅକୁ ସମ୍ମାନିତ କରିଛନ୍ତି ସମ୍ବାଦର ମୁଖ୍ୟ ସମ୍ପାଦକ ସୌମ୍ୟରଂଜନ ପଟ୍ଟନାୟକ । ପରିବାର ଲୋକଙ୍କୁ ସହଯୋଗ କରିବା ପାଇଁ ଶିବାନୀ ଦେଖାଇଥିବା ସ୍ୱାଭିମାନ ଆଜି ଅନ୍ୟମାନଙ୍କ ପାଇଁ ପ୍ରେରଣା ସାଜିଛି ।
ଯୁକ୍ତ ୨ରେ ପଢୁଥିବା ଶିବାନୀ ଘରର ଆବଶ୍ୟକତାକୁ ଅନୁଭବ କରି ପାଦକାଢିଲେ । ବାପାଙ୍କ ସହ ମିଶି ଜମିର ମାଟି କାଦୁଅରେ ପଶି ଚାଷକାମ କରିଛନ୍ତି । ସାଧାରଣରେ ଆଜିକାଲିର ପିଲାଏ ପାଠ ପଢିଲେ ଜମି ହିଡ ମାଡୁ ନଥିବା ବେଳେ ସ୍ୱାଭିମାନର ସହ ବଂଚିବାକୁ ଶିଖାଇଛନ୍ତି ଶିବାନୀ । ପାଠ ପଢା ସହ ବାପାଙ୍କ ଚାଷ କାମରେ ବି ସହାୟତା କରିଛନ୍ତି । ତାଙ୍କର ଏହି କାମ ପାଇଁ ଝିଅ ଯେତେବେଳେ ସମ୍ମାନିତ ହେଉଥିଲେ ମଂଚ ଉପରେ ଭାବବିହ୍ୱଳ ହୋଇପଡୁଥିଲେ ତାଙ୍କ ବାପା । ଶିବାନୀର ପ୍ରଶଂସାରେ ସମସ୍ତେ ଶତମୁଖ ।
ଝିଅଟିକୁ ଜନ୍ମହେବା ମାତ୍ରେ କେତେକ ବାପାମାଆ ରାସ୍ତାକଡରେ ଫୋପାଡି ଦେଉଥିବା ନଜିର ଓଡିଶାରେ ବିରଳ ନୁହେଁ । ସେପରି ସ୍ଥାନରେ ଆଜି ଜଣେ ଝିଅ ନିଜ କାମ ପାଇଁ ଅନ୍ୟମାନଙ୍କ ଲାଗି ଉଦାହରଣ ସାଜିଛି ।