ନିଜକୁ ଗଧ କହିବା ଶହ ଶୁଭେନ୍ଦୁ ଅଧିକାରୀଙ୍କୁ ଗଦ୍ଦାର କହିଲେ ମମତା । କହିଲେ ଲୁଟିଛନ୍ତି ୫ ହଜାର କୋଟି । ମେଦିନାପୁରବାସୀଙ୍କ ସହ କରିଛନ୍ତି ପ୍ରତାରଣା
କନକ ବ୍ୟୁରୋ : ପଶ୍ଚିମବଙ୍ଗରେ ନିର୍ବାଚନୀ ପ୍ରଚାର ଜୋର ଧରିଥିବା ବେଳେ ମୁଖ୍ୟମନ୍ତ୍ରୀ ମମତା ବାନାର୍ଜୀ ଏକ ଜନସଭାକୁ ସମ୍ବୋଧିତ କରି ନିଜକୁ ଗଧ କହିବା ସହ ଶୁଭେନ୍ଦୁ ଅଧିକାରୀଙ୍କ ଗଦ୍ଦାର କହିଛନ୍ତି । ସେ କହିଥିଲେ କି ମୁ ଗୋଟିଏ ଗଧ । ମୁଁ ଜାଣିପାରିଲି ନାହିଁ ପଶ୍ଚିମବଙ୍ଗରେ ବିଜେପି କେମିତି ଏତେ ଆଗକୁ ଚାଲିଗଲା । ସେପଟେ ତୃଣମୂଳ ଛାଡି ବିଜେପିରୁ ପ୍ରାର୍ଥୀ ହୋଇଥିବା ମମତା ସରକାରର ମନ୍ତ୍ରୀ ଥିବା ଶୁଭେନ୍ଦୁ ଅଧିକାରୀଙ୍କୁ ଟାର୍ଗେଟ କରିଛନ୍ତି ଦିଦି । ସେ କହିଛନ୍ତି କି ଶୁଭେନ୍ଦୁ ଜଣେ ଗଦ୍ଦାର, ସେ ସରକାରୀ ବ୍ୟାଙ୍କ ଓ ରାଜକୋଷରୁ ପାଖା ପାଖି ୫ ହଜାର କୋଟି ଟଙ୍କା ଲୁଟି ନେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ପୂର୍ବ ମେଦିନାପୁରର ଦକ୍ଷିଣ କୋଟାଇ ଠାର ଏକ ନିର୍ବାଚନୀ ସଭାକୁ ଉଦବୋଧନ ଦେଇ ମମତା ବାନାର୍ଜୀ କହିଥିଲେ କି ମୁଁ ନିଜକୁ ଗଧ ବୋଲି ଭାବୁଛି । ଏହାର କାରଣ ଦର୍ଶାଇବାକୁ ଯାଇ ସେ କହିଥିଲେ କି ବିଜେପି ରାଜ୍ୟରେ ଏତେ ଆଗକୁ ଚାଲିଗଲା ଓ କ୍ଷମତାରେ ଥିବା ବେଳେ ଶୁଭେନ୍ଦୁ ଅଧିକାରୀ ସରାକରୀ ବ୍ୟାଙ୍କ ଓ ରାଜ୍ୟ ରାଜକୋଷରୁ ୫ ହଜାର କୋଟି ଟଙ୍କା ଲୁଟି ନେଲେ ତାହା ମୁଁ ଜାଣିପାରିଲି ନାହିଁ ।
ଏବେ ସମୟ ଆସିଛି ଶୁଭେନ୍ଦୁ ଅଧିକାରୀ ଭଳି ଜଣେ ଶୋଷଣକାରୀ କବଳରୁ ମେଦିନାପୁରର ଲୋକଙ୍କୁ ମୁକ୍ତି ଦେବାର । ‘ମୁଁ ମେଦିନାପୁର ଲୋକଙ୍କ ପାଇଁ ଅନେକ କାମ କରିଛି ହେଲେ ଗଦ୍ଦାର ଶୁଭେନ୍ଦୁ ତା’ର ଶ୍ରେୟ ନେଇଗଲା’ ବୋଲି ମମତା କହିଛନ୍ତି । ଅନ୍ୟପଟେ ଦୀଘା ଗେଟ୍ ରୁ ମମତାଙ୍କ ନାମ ହଟାଇ ଶୁଭେନ୍ଦୁ ନିଜ ନାମ ଲେଖିଥିବା କଥା ମମତା ଅଭିଯୋଗ କରିବା ସହ ଏବେ ସମୟ ଆସିଛି ମେଦିନାପୁରର ଲୋକେ ତାହାର ସଠିକ୍ ଜବାବ୍ ଦେବେ ବୋଲି ସେ କହିଛନ୍ତି ।
ସେପଟେ ଆଜି ବାଙ୍କୁଡା ଠାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏକ ନିର୍ବାଚନୀ ରାଲିକୁ ସମ୍ବୋଧି୍ତ କରି ମମତାଙ୍କ ଉପରେ ଖୁବ୍ ବର୍ଷିଛନ୍ତି । ସେ କହିଛନ୍ତି କି ୧୦ ବର୍ଷ ହେବ ଦିଦି ପଶ୍ଚିମବଙ୍ଗ ଲୋକଙ୍କ ଜୀବନ ଜୀବୀକା ସହ ଖେଳିଛନ୍ତି ହେଲେ ଏବେ ସେ ଖେଳ ଶେଷ ହେବ ।
କହିରଖୁ କି ଆଜି ଗୃହମନ୍ତ୍ରୀ ଅମିତ ଶାହା ବି ପଶ୍ଚିମବଙ୍ଗ ଗସ୍ତରେ ଅଛନ୍ତି । ସଂନ୍ଧ୍ୟାରେ ଏକ ସାମ୍ବାଦିକ ସମ୍ମିଳନୀରେ ବିଜେପି ତା’ର ନିର୍ବାଚନୀ ଇସ୍ତାହାର ପ୍ରକାଶ କରିବ ବୋଲି ସୂଚନା ମିଳିଛି ।