କନକ ବ୍ୟୁରୋ : ମହଙ୍ଗା ପଡିଲା ଠକ ସଂସ୍ଥା ପାଇଁ ପ୍ରଚାର ପ୍ରସାର । ବଲିଉଡ ଅଭିନେତା ରଣବୀର କପୁର ଓ ଅଭିନେତ୍ରୀ ଶ୍ରଦ୍ଧା କପୁରଙ୍କ ପରେ ଅନ୍ୟ କିଛି ସେଲିବ୍ରିଟିଙ୍କୁ ମଧ୍ୟ ନୋଟିସ୍ କରିଛି ପ୍ରବର୍ତନ ନିର୍ଦ୍ଦେଶାଳୟ । କମେଡି କିଙ୍ଗ୍ କପିଲ ଶର୍ମା, ଅଭିନେତ୍ରୀ ହୁମା କୁରେଶି ଏବଂ ହିନା ଖାନଙ୍କୁ ଇଡି ନୋଟିସ୍ ଜାରି କରିଛି । ମହାଦେବ ଅନଲାଇନ ବେଟିଂ ଆପ୍ ମାମଲାରେ ଏହି ବଲିଉଷ୍ଟ ସେଲିବ୍ରିଟିଙ୍କୁ ଡାକରା ପରେ ବଲିଉଡରେ ଆତଙ୍କ ଖେଳିଯାଇଛି ।

ଏମାନଙ୍କର ଭୂମିକା କ’ଣ, ଠକେଇରେ ଏମାନଙ୍କର କଣ ସମ୍ପୃକ୍ତି ରହିଛି ତାକୁ ନେଇ ଚର୍ଚ୍ଚା ଜୋର ଧରିଛି । କପିଲ ଶର୍ମା, ହୁମା କୁରେଶି ଓ ହୀନା ଖାନଙ୍କ ଭିନ୍ନ ଭିନ୍ନ ତାରିଖରେ ହାଜର ହେବା ପାଇଁ ପ୍ରବର୍ତନ ନିର୍ଦ୍ଦେଶାଳୟ ନୋଟିସ୍ କରିଥିବା ଜଣାପଡିଛି । ବଡ଼଼ କଥା ହେଉଛି ମହାଦେବ ଅନଲାଇନ ବେଟିଂ ଆପ୍ ମାମଲାରେ ୧୫ରୁ ଅଧିକ ବଲିଉଡ ସେଲିବ୍ରିଟି ପ୍ରବର୍ତନ ନିର୍ଦ୍ଦେଶାଳୟ ରାଡାରରେ ଥିବା ସୂଚନା ମିଳିଛି ।

କେମିତି ଠକେଇ ହୋଇଥିଲା ଓ ପୂରା ଘଟଣା ସାମ୍ନାକୁ ଆସିଥିଲା ।

କେମିତି ହୋଇଥିଲା ଠକେଇ ?

– ଗତ ମାସ ଫେବୃଆରୀରେ ଦୁବାଇର ସୌରଭଙ୍କ ବିବାହ ଉତ୍ସବ ଅନୁଷ୍ଠିତ ହୋଇଥିଲା
– ଏହି ବିବାହ ଉତ୍ସବ ପାଇଁ ପାଖାପାଖି ୨୦୦ କୋଟି ଟଙ୍କା ଖୁର୍ଚ୍ଚ ହୋଇଥିଲା
– ଖର୍ଚ୍ଚ ବାବଦକୁ ୨୦୦ କୋଟି ଟଙ୍କା ନଗଦ ଆକାରରେ ଦିଆଯାଇଥିଲା
– ହୋଟେଲ ଖର୍ଚ୍ଚ ବାବଦକୁ ପ୍ରାୟ ୪୨କୋଟି ଟଙ୍କା ନଗଦ ଦିଆଯାଇଥିଲା
– ଏହି କାର୍ଯ୍ୟକ୍ରମରେ ବଲିଉଡ ତାରକା ଯୋଗଦେଇଥିଲେ
– ସମସ୍ତଙ୍କୁ ନଗଦ ଆକାରରେ ଟଙ୍କା ଦିଆଯାଇଥିଲା
– ସୌରଭ ନିଜ ସହଯୋଗୀ ରବି ଉପ୍ପଲଙ୍କ ସହ ମିଶି ମହାଦେବ ବେଟିଂ ଆପ ଖୋଲିଥିଲେ
– ଏପରି ଅନ୍ୟ ୪ରୁ ୫ଟି ଆପ୍ ଜରିଆରେ ଠକେଇ କରୁଥିଲେ
– ଅନଲାଇନରେ କ୍ରିକେଟ, ଫୁଟବଲ, ଟେନିସ୍, ବ୍ୟାଡମିଂଟନ, କାର୍ଡ ଗେମ୍ସ ଆଦି ଖେଳ ଖେଳି ରୋଜଗାର କରିବାକୁ ପ୍ରଲୋଭିତ କରୁଥିଲେ
– ଅନଲାଇନ ବେଟିଂରେ ସଂସ୍ଥା ଦିନକୁ ୨୦୦ କୋଟିରୁ ଅଧିକ ଆୟ କରୁଥିଲା
– ମୋଟ ୫୦୦୦ କୋଟି ଠକେଇ ହୋଇଥିବା ସନ୍ଦେହ