କନକ ବ୍ୟୁରୋ: ବଲିଉଡ୍ ଅଭିନେତ୍ରୀ ଶ୍ରଦ୍ଧା କୁପରଙ୍କ ଭାଇ ସିଦ୍ଧାନ୍ତ କପୁରଙ୍କୁ ଗିରଫ କରିଛି ବେଙ୍ଗାଳୁରୁ ପୋଲିସ । ବେଙ୍ଗାଳୁରୁର ଏକ ହୋଟେଲରେ ପାର୍ଟି ଚାଲୁଥିବାବେଳେ ରେଡ୍ ହୋଇଥିଲା । ପାର୍ଟିରେ ସିଦ୍ଧାନ୍ତ ତାଙ୍କ ସାଙ୍ଗ ମାନଙ୍କ ସହ ମିଶି ଡ୍ରଗ୍ସ ସେବନ କରୁଥିବା ଅଭିଯୋଗରେ ତାଙ୍କୁ ଗିରଫ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ପୋଲିସର ସୂଚନା ମୁତାବକ, ଶ୍ରଦ୍ଧା କପୁରଙ୍କ ଭାଇ ସିଦ୍ଧାନ୍ତ କପୁରଙ୍କ ସମେତ ୬ଜଣଙ୍କ ଠାରେ ଡ୍ରଗ୍ସ ଟେଷ୍ଟରେ ପଜିଟିଭ ରିପୋର୍ଟ ମିଳିଛି । ଏମାନେ ସମସ୍ତେ ବେଙ୍ଗାଳୁରୁ ଏମଜି ରୋଡ ସ୍ଥିତ ହୋଟେଲରେ ପାର୍ଟି କରୁଥିଲେ । ସେଠାରେ ପୋଲିସ ଅଚାନକ୍ ରେଡ କରିଥିଲା ।
ପୂର୍ବରୁ ଏହି ମାମଲାରେ ସିଦ୍ଧାନ୍ତଙ୍କ ଭଉଣୀ ତଥା ବଲିଉଡ ଅଭିନେତୀ ଶ୍ରଦ୍ଧା କପୁର ଏନସିବିର ରାଡାରରେ ଥିଲେ । ଅଭିନେତା ସୁଶାନ୍ତ ସିଂହଙ୍କ ମୃତ୍ୟୁ ପରେ ଯେଉଁ ତଦନ୍ତ ହୋଇଥିଲା, ସେଥିରେ ଡ୍ରଗ୍ସ କେସରେ ଫଶିଥିଲେ ଅଭିନେତ୍ରୀ ଶ୍ରଦ୍ଧା କପୁର । ଡ୍ରଗ୍ସ ମାମଲାରେ ଏନସିବି ତାଙ୍କୁ ଜେରା କରିଥିଲା । ତେବେ ସୁଶାନ୍ତ ସିଂଙ୍କ ଘରେ ଆୟୋଜିତ ପାର୍ଟିରେ ସେ ଏକାଧିକ ଥର ଯୋଗ ଦେଇଥିଲେ ବି ଡ୍ରଗ୍ସ ସେବନ କରିନାହାଁନ୍ତି ବୋଲି କହିଥିଲେ ଶ୍ରଦ୍ଧା ।