ବିଶ୍ୱର ସବୁଠୁ ଛୋଟ ଯୁଦ୍ଧ । ମାତ୍ର ୩୮ ମିନିଟରେ ମୁଣ୍ଡ ନୁଆଁଇଥିଲା ଶତ୍ରୁ । ଜାଣନ୍ତୁ କେଉଁଠି ଓ କାହା ମଧ୍ୟରେ ହୋଇଥିଲା ଏହି ଯୁଦ୍ଧ ।
କନକ ବ୍ୟୁରୋ : ସମୟ ଦୃଷ୍ଟିରୁ ବିଶ୍ୱର ସବୁଠାରୁ ସଂକ୍ଷିପ୍ତ ଯୁଦ୍ଧ । ୨୭ ଅଗଷ୍ଟ ୧୮୯୬ରେ, ୟୁନାଇଟେଡ୍ କିଙ୍ଗଡମ ଏବ˚ ଜାଞ୍ଜିବର୍ଶ ମଧ୍ୟରେ ହୋଇଥିଲା ଯୁଦ୍ଧ । ଆଂଲୋ-ଜାଞ୍ଜିବର୍ ଭାବେ ପ୍ରଖ୍ୟାତ ସେହି ଯୁଦ୍ଧ ଆରମ୍ଭ ହୋଇଥିଲା, ସକାଳ ୯ ଘଣ୍ଟା ୨ ମିନିଟରେ ଏବ˚ ଶେଷ ହେଇଥିଲା ମାତ୍ର ୩୮ ମିନିଟ୍ ପରେ; ଅର୍ଥାତ୍, ୯ ଘଣ୍ଟା ୪୦ ମିନିଟରେ।
Kanak News is now on WhatsApp
Join and get latest news updates delivered to you via WhatsApp
ଯୁଦ୍ଧର କାରଣଟି ଥିଲା ଏହି ପରି। ସେଠାକାର ବ୍ରିଟିସ୍ ସମର୍ଥକ ରାଜା ସୁଲତାନ ହମାଦ ବିନ ଥୁୱାଇନି ୨୫ ଅଗଷ୍ଟ ୧୮୯୬ରେ ମୃତ୍ୟୁବରଣ କରିବା ପରେ ତାଙ୍କର ଉତ୍ତରାଧିକାରୀ ଭାବେ ସି˚ହାସନ ଆରୋହଣ କରିଥିଲେ ସୁଲତାନ ଖାଲିଦ ବିନ ବରଘାସ। କିନ୍ତୁ, ବ୍ରିଟେନ୍ର ସ୍ବାର୍ଥ ପାଇଁ ସେ କାମ କରିବାର ସମ୍ଭାବନା ନ ଥିବାରୁ ବ୍ରିଟିସ୍ ସରକାର ତାଙ୍କୁ ବିରୋଧ କରିଥିଲେ। ବ୍ରିଟିସ୍ ସରକାର ହାମୁଦ ବିନ ମୁହମ୍ମଦଙ୍କୁ ସୁଲତାନ ଭାବେ ଅଭିଷିକ୍ତ କରିବା ପାଇଁ ସ୍ଥିର କରି, ତୁରନ୍ତ ଗାଦି ଓ ରାଜ-ପ୍ରାସାଦ ଛାଡ଼ିବାକୁ ଖାଲିଦଙ୍କୁ ନିର୍ଦେଶ ଦେଇଥିଲେ।
ତେବେ, ବ୍ରିଟିସ୍ ସରକାରଙ୍କ ନିର୍ଦେଶକୁ ଖାତର ନ କରି ଖାଲିଦ ନିଜର କ୍ଷୁଦ୍ର ସେନାକୁ ସଜାଗ ରହିବା ଓ ଦରକାର ପଡ଼ିଲେ ଯୁଦ୍ଧ କରିବା ପାଇଁ କହିଥିଲେ। ପ୍ରାସାଦ ଖାଲିକରିବା ଲାଗି ଦିଆଯାଇଥିବା ସମୟସୀମା ପୂରିବା ପରେ ଘଟଣା ଦିନ ତିନିଟି ବ୍ରିଟିସ୍ କ୍ରୁଜର୍ଥ, ଦୁଇଟି ଗନ୍-ସିପ୍, ୧୫୦ ଜଣ ମରିନ୍ସ ଓ ନାବିକ ଏବ˚ ୯୦୦ ଜାଞ୍ଜିବରିଜ୍ ଯୋଦ୍ଧା, ସେଠାକାର ପୋତାଶ୍ରୟକୁ ଘେରିଯାଇଥିଲେ। ରାଜ-ପ୍ରାସାଦଟି ଥିଲା ପୋତାଶ୍ରୟ ନିକଟରେ। ବ୍ରିଟିସ୍ ପକ୍ଷରୁ ଗୋଳା ବର୍ଷଣ କରାଗଲା। ଖାଲିଦଙ୍କ ପ୍ରସାଦ ଧ୍ବସ୍ତ-ବିଧ୍ବସ୍ତ ହୋଇଗଲା। ତାଙ୍କ ସେନା ପ୍ରତି-ଆକ୍ରମଣରେ ବିଫଳ ହୋଇ ଆତ୍ମସମର୍ପଣ କଲା।
୩୮ ମିନିଟର ଯୁଦ୍ଧରେ ଖାଲିଦଙ୍କ ପକ୍ଷର ବ୍ୟାପକ କ୍ଷୟକ୍ଷତି ହୋଇଥିଲା। ସାଧାରଣ ଲୋକଙ୍କ ସହ ତାଙ୍କର ୫୦୦ ସୈନିକ ଆହତ ଓ ନିହତ ହେଇଥିଲେ। ଅପରପକ୍ଷେ ଜଣେ ମାତ୍ର ବ୍ରିଟିସ୍ ସୈନିକ ଆହତ ହୋଇଥିଲେ। ସେହି ସ˚କ୍ଷିପ୍ତ ଯୁଦ୍ଧର ପରିଣାମ ସ୍ବରୂପ ଜାଞ୍ଜିବର ହରାଇଥିଲା ନିଜର ସାର୍ବଭୌମତ୍ବ। ଖାଲିଦ ରାଜନୈତିକ ଆଶ୍ରୟ ଗ୍ରହଣ କରିଥିଲେ ଜର୍ମାନ୍ ଦୂତାବାସରେ ଏବ˚ ହାମୁଦଙ୍କ ହାତକୁ ଆସିଥିଲା ସି˚ହାସନ।