ମୋଦି ସରକାରଙ୍କ ଉପରେ ଶିବସେନାର ଷ୍ଟ୍ରାଇକ୍ ! କହିଲା, ଦେଶ ଜାଣିବା ଦରକାର, ଏୟାରଷ୍ଟ୍ରାଇକରେ ପାକିସ୍ତାନର କ’ଣ ହୋଇଛି କ୍ଷତି ।
କନକ ବ୍ୟୁରୋ : ଦୀର୍ଘଦିନର ଶତ୍ରୁତା ପରେ ବିଜେପି ଏବଂ ଶିବସେନା ମଧ୍ୟରେ ମେଣ୍ଟ ହୋଇଥିଲା । ଶିବସେନା ବିଜେପିର ସାଥୀ ବୋଲି କୁହାଯାଉଥିବା ବେଳେ ବିଜେପିକୁ ଶିବସେନାର ଏହି ପ୍ରଶ୍ନ ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଛି । ପୁଲୱାମା ଆତଙ୍କବାଦୀ ଆକ୍ରମଣର ପ୍ରତିଶୋଧ ନେବା ପାଇଁ ପାକିସ୍ତାନରେ ମାଟିରେ ପଶି କରାଯାଇଥିବା ଏୟାରଷ୍ଟ୍ରାଇକକୁ ନେଇ ରାଜନୈତିକ ବିବାଦ ଜାରି ରହିଛି । କଂଗ୍ରେସ ସମେତ ଅନେକ ବିପକ୍ଷ ଦଳ ଗୁଡିକ ପକ୍ଷରୁ ଏୟାରଷ୍ଟ୍ରାଇକକୁ ନେଇ ସରକାରଙ୍କୁ ପ୍ରମାଣ ମାଗୁଛନ୍ତି । ଆଉ ପ୍ରମାଣ ମାଗୁଥିବା ଏହି ରାଜନୈତିକ ଦଳ ଗୁଡିକ ମଧ୍ୟରେ ଭାରତୀୟ ଜନତା ପାର୍ଟିର ସାଥୀ ଶିବସେନାର ନାଁ ମଧ୍ୟ ସାମିଲ ହୋଇଛି । ଶିବସେନା କହିଛି ଯେ, ଦେଶବାସୀଙ୍କୁ ଏୟାରଷ୍ଟ୍ରାଇକର ସତ ଜାଣିବାର ଅଧିକାର ରହିଛି ।
Kanak News is now on WhatsApp
Join and get latest news updates delivered to you via WhatsApp
ଶିବସେନା ପକ୍ଷରୁ ଜାରି କରାଯାଇଥିବା ବୟାନରେ କୁହାଯାଇଛି ଯେ, ଦେଶବାସୀଙ୍କୁ ଏହା ଜାଣିବାର ଅଧିକାର ରହିଛି ଯେ, ଆମେ ଶତ୍ରୁ ରାଷ୍ଟ୍ରରେ କେତେ କ୍ଷତି ପହଞ୍ଚାଇଛୁ । ଏବଂ ଏଭଳି ପ୍ରଶ୍ନ ପଚାରିଲେ, ସେନାର ଯବାନଙ୍କ ମନୋବଳ ଦୁର୍ବଳ ହେବାର ସମ୍ଭାବନା ନାହିଁ ବୋଲି ଶିବସେନା କହିଛି । ଦଳ ପକ୍ଷରୁ କୁହାଯାଇଛି ଯେ, ଅନେକ ପ୍ରସଙ୍ଗରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଇମୋସନାଲ୍ ହୋଇଯାଇଥାନ୍ତି । କିନ୍ତୁ ଏଥର ପ୍ରଧାନମନ୍ତ୍ରୀଙ୍କ ଆଖିରେ ଲୁହ ଦେଖିବାକୁ ମିଳିନି । ଏଥର ମୋଦି ଅଧିକ ଖୁସି ଥିବା ନଜର ଆସିଛନ୍ତି । ଗୋଟିଏ ପଟେ ଯେତେବେଳେ ପାକିସ୍ତାନ ସହ ଯୁଦ୍ଧର ମାହୋଲ ଥିଲା, ଅନ୍ୟପଟେ ନରେନ୍ଦ୍ର ମୋଦି ରାଲିକୁ ସମ୍ବୋଧିତ କରୁଥିଲେ ।
ଶିବସେନା ପକ୍ଷରୁ କୁହାଯାଇଛି ଯେ, ପୁଲୱାମା ଆତଙ୍କବାଦୀ ଆକ୍ରମଣ ପୂର୍ବରୁ ବିରୋଧୀଙ୍କ ପାଖରେ ଦରଦାମ୍ ବୃଦ୍ଧି, ବେରୋଜଗାରୀ, ରାଫେଲ ଡିଲ୍ ସମେତ ଅନେକ ପ୍ରସଙ୍ଗ । କିନ୍ତୁ ଏବେ ଏମିତି ଲାଗୁଛି ଯେ, ଏୟାରଷ୍ଟ୍ରାଇକ୍ ପରେ ସମସ୍ତ ମୁଦ୍ଦା ଶେଷ ହୋଇଯାଇଛି । ଏବଂ ସମସ୍ତେ ଏବେ ଏୟାରଷ୍ଟ୍ରାଇକକୁ ପ୍ରସଙ୍ଗ କରିଛନ୍ତି । ତେବେ ଏୟାରଷ୍ଟ୍ରାଇକ ପ୍ରସଙ୍ଗରେ ବିରୋଧୀ ବାରମ୍ବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ବିଜେପିକୁ ଟାର୍ଗେଟ୍ କରୁଥିବା ବେଳେ, ଏହାର ଉତ୍ତର ମଧ୍ୟ ରଖୁଛି ବିଜେପି । ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହା କ୍ରମାଗତ ଭାବେ କହୁଛନ୍ତି ଯେ, ଯେଉଁମାନେ ଏୟାରଷ୍ଟ୍ରାଇକକୁ ନେଇ ପ୍ରଶ୍ନ ଉଠାଉଛନ୍ତି, ସେମାନେ ଭାରତୀୟ ସେନାର ମନୋବଳ ଦୁର୍ବଳ କରୁଛନ୍ତି ।