ସଙ୍କଟରେ ମହାରାଷ୍ଟ୍ରର ମେଣ୍ଟ ସରକାର । ଗୌହାଟୀରେ ପହଞ୍ଚିଲେ ବିଦ୍ରୋହୀ ବିଧାୟକ । ୪୦ ବିଧାୟକଙ୍କ ସମର୍ଥନ ଥିବା ଦାବି କଲେ ଏକନାଥ ସିନ୍ଦେ
କନକ ବ୍ୟୁରୋ : ମହାରାଷ୍ଟ ସରକାରରେ ଯାହା ଆଶା କରାଯାଉଥିଲା ତାହା ଏବେ ସତ ହେବାକୁ ଯାଉଛି । ଶିବସେନା, କଂଗ୍ରେସ ଏବଂ ଏନସିପି ମିଳିତ ଏମଭିଏ ମେଣ୍ଟ ସରକାର ଭାଙ୍ଗିବାର ଆଶଙ୍କା ଦେଖାଦେଇଛି । ଯେଉଁଥି ପାଇଁ ୨୦୧୯ରେ ବିଜେପି ସରକାର ଭାଙ୍ଗିଥିଲା ସେହି କାରଣ ପାଇଁ ଏବେ ଏମଭିଏ ସକରାର ଭାଙ୍ଗିବାକୁ ଯାଉଛି । ବିଧାନ ପରିଷଦ ନିର୍ବାଚନ ବିଜୟ ପରେ ରାଜ୍ୟରେ ଶାସକ ଦଳର ପ୍ରମୁଖ ନେତା ଏକନାଥ ସିନ୍ଦେ ୨୧ ବିଧାୟକଙ୍କ ସହ ସୁରଟରେ ଥିଲେ ।
Kanak News is now on WhatsApp
Join and get latest news updates delivered to you via WhatsApp
ଗତକାଲି ବିଳମ୍ବିତ ରାତିରେ ଏମଭିଏ ସରକାରଙ୍କ ଆଉ ବିଧାୟକ ସେମାନଙ୍କ ସହ ଯୋଗ ଦେଇଥିବା ବେଳେ ସବୁ ବିଧାୟକ ବିଜେପି ଶାସିତ ଆସାମ ଗସ୍ତ କରିଥିବା ସୂଚନା ମିଳିଛି । ଆଉ ଏହି ବିଧାୟକ ସରକାର ଭାଙ୍ଗିବାରେ ଗୋଟିଏ ପ୍ରମୁଖ ଭୂମିକା ଗ୍ରହଣ କରି ପାରନ୍ତି । ମହାରାଷ୍ଟ୍ର ବିଜେପି ସଭାପତି ଚନ୍ଦ୍ରକାନ୍ତ ପାଟିଲ ଶୀ ସିନ୍ଦେଙ୍କ ସହ ମିଶି ସରକାର ଗଢିବାକୁ ପ୍ରସ୍ତୁତ ଅଛି । ଏହି ବିଧାୟକଙ୍କ ଉପରେ କାର୍ଯ୍ୟାନୁଷ୍ଠାନ ନେବାକୁ ଶିବସେନା ଚିନ୍ତା କରୁଥିବା କୁହାଯାଉଛି । ଅନ୍ୟପଟେ ଦିଲ୍ଲୀରେ ଡେରା ପକାଇଛନ୍ତି ବିରୋଧ ଦଳ ନେତା ଦେବେନ୍ଦ୍ର ଫଡନବୀସ । ବିବାଦ ଭିତରେ ଏକାନାଥ ସିନ୍ଦେଙ୍କୁ ଭେଟି ଆଲୋଚନା କରିଛନ୍ତି ମୁଖ୍ୟମନ୍ତ୍ରୀ ଉଦ୍ଧବ ଠାକରେ ।
ତେବେ ବଡ କଥା ହେଉଛି ସୁରଟରେ ଥାଇ ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କ ସହ କଥା ହୋଇଛନ୍ତି ବିଦ୍ରୋହୀ ନେତା ଏକନାଥ ସିନ୍ଦେ । ଉଦ୍ଧବଙ୍କ ସହ ସେ ୧୫ରୁ ୨୦ ମିନିଟ କଥା ହୋଇଥିବା ସୂଚନା ମିଳିଛି । ଉଦ୍ଧବ ଠାକରେଙ୍କୁ ସିନ୍ଦେ ବିଜେପି ସହ ମେଂଟ କରିବାକୁ ପ୍ରସ୍ତାବ ଦେଇଛନ୍ତି ଓ ତାଙ୍କ ପାଖରେ ୩୦ ବିଧାୟକ ରହିଥିବା କହିଛନ୍ତି । ତେବେ ମହାରାଷ୍ଟ୍ର ଆସି କଥାବାର୍ତା କରିବାକୁ ଉଦ୍ଧବ ସିନ୍ଦେକୁ କହିଛନ୍ତି । କିନ୍ତୁ ବିଜେପି ସହ ମିଶି ପୂର୍ବରୁ ସରକାର ଗଢିବାରେ ବହୁ ଅସୁବିଧା ଭୋଗିଥିବା କହିଛନ୍ତି ଉଦ୍ଧବ । ପୁଣି କାହିଁକି ବିଜେପି ସହ ମିଶିବେ ବୋଲି ସେ ପ୍ରଶ୍ନ କରିଛନ୍ତି ।