କ୍ରିକେଟ ପଡିଆରୁ ବଲିଉଡ ଏଣ୍ଟ୍ରି , ହୁମା କ୍ୟୁରେସୀ ଓ ସୋନାକ୍ଷୀଙ୍କ ସହ ଏହି ସିନେମାରେ ନଜର ଆସିବେ ଶିଖର ଧାୱନ

କନକ ବ୍ୟୁରୋ : ଭାରତୀୟ କ୍ରିକେଟ ଟିମର ବ୍ୟାଟ୍ସମ୍ୟାନ ଶିଖର ଧାୱନ ଏବେ କ୍ରିକେଟ ପଡିଆରୁ ବଲିଉଡ ସିନେମାରେ ଏଣ୍ଟ୍ରି କରିଛନ୍ତି । ବଲିଉଡର ଅଭିନେତ୍ରୀ ସୋନାକ୍ଷୀ ସିହ୍ନା ଓ ହୁମା କ୍ୟୁରେସୀଙ୍କ ଅଭିନିତ ସିନେମା ଡବଲ ଏକ୍ସଏଲ ମାଧ୍ୟମରେ ଶିଖର ଧାୱାନ ବଲିଉଡରେ ଡେବ୍ୟୁ କରିବାକୁ ଯାଉଛନ୍ତି । ହେଲେ କ୍ରିକେଟରେ ଗବ୍ୱର କୁହାଯାଉଥିବା ଶିଖର ଧାୱନ କାହିଁକି ସିନେମାରେ ଅଭିନୟ କରିବାକୁ ରାଜି ହେଲେ ତାହା ନେଇ ସେ ଖୋଲାସା କରିଛନ୍ତି ।

ସିନେମା ଡବଲ ଏକ୍ସଏଲରେ ଅଭିନୟ କରିବାକୁ ଶିଖର କାହିଁକି ରାଜି ହେଲେ ତା ପଛରେ ଏକ ବଡ କାରଣ ରହିଛି । ଏକ ଜାତୀୟ ଗଣମାଧ୍ୟମ ମୁତାବକ ଶିଖର କହିଛନ୍ତି କି ‘ମୋତେ ସିନେମାର କାହାଣୀଟି ବହୁତ ଭଲ ଲାଗିଥିଲା । ଏହି ସିନେମାରେ ଶାରିରୀକ ସଂପର୍କକୁ ନେଇ କିଛି ନୂଆ କଥା ଚିତ୍ରଣ କରାଯାଇଛି ଯାହାକି ସମାଜର ସୁନ୍ଦରତା ଧାରଣାର ମୁଖ୍ୟ କାରଣ । ଏହି ସିନେମା ମାଧ୍ୟମରେ ଲୋକଙ୍କ ପାଖରେ ଏକ ସ୍ୱତନ୍ତ୍ର ବାର୍ତ୍ତା ପହଂଚିବ’ । ଏହି କାରଣରୁ ସେ ସିନେମାରେ ଅଭିନୟ କରିବାକୁ ରାଜି ହୋଇଥିବା କଥା କହିଛନ୍ତି ।

ସେପଟେ ସିନେମାର ସୁଟିଂ ସେଟକୁ ନେଇ ମଧ୍ୟ ନିଜର ଅନୁଭବ ବାଣ୍ଟିଛନ୍ତି ଧାୱନ । ସେ କହିଛନ୍ତି କି ଏହି ସିନେମାର ସୁଟିଂ ବେଳେ ସେ ନୂଆ ଅନୁଭୂତି ସାଉଣ୍ଟିଛନ୍ତି । ଏହି ନୂଆ ଭୂମିକାରେ ଲୋକେ ତାଙ୍କୁ ବେଶ୍ ପସନ୍ଦ କରିବେ ବୋଲି ସେ ଆଶାବାଦୀ ଅଛନ୍ତି ।