କିଏ ଏହି ଆୟେଶା ମୁଖାର୍ଜୀ? ଯାହାଙ୍କୁ ଫେସବୁକରେ ଦେଖିବା ପରେ ବିବାହ କରିଥିଲେ ଶିଖର ଧୱନ?
କନକ ବ୍ୟୁରୋ : କ୍ରିକେଟର ଶିଖର ଧୱନ-ଆୟେଶାଙ୍କ ଛାଡପତ୍ର ଏବେ କ୍ରିକେଟ ପ୍ରଂଶସକଙ୍କ ପାଇଁ ହଟ ଟପିକ ପାଲଟିଛି । ହଠାତ୍ ଆୟେଶାଙ୍କ ସହ ଶିଖରଙ୍କ ବିବାହ ବିଚ୍ଛେଦ ଖବରକୁ ସହଜରେ ଗ୍ରହଣ କରିପାରୁନାହାନ୍ତି କ୍ରିକେଟ ପ୍ରଂଶସକ । ହସଖୁସିରେ ଶିଖର-ଆୟେଶାଙ୍କ ସଂସାର ଆଗକୁ ବଢୁଥିବା ବେଳେ ହଠାତ୍ କାହିଁକି ଏଭଳି ନିଷ୍ପତ୍ତି ନେଲେ ତାହା ସମସ୍ତଙ୍କୁ ଚକିତ କରିଦେଇଛି । ତେବେ ଏନେଇ ଶିଖରଙ୍କୁ ପକ୍ଷରୁ କୌଣସି ପ୍ରତିକ୍ରିୟା ମିଳିନାହିଁ । ୨୦୧୨ରେ ବେଶ ଧୂମଧାମରେ ଆୟେଶାଙ୍କୁ ବିବାହ କରିଥିଲେ ଶିଖର । କିନ୍ତୁ ମାତ୍ର ୯ ବର୍ଷ ମଧ୍ୟରେ ଶିଖର-ଆୟେଶାଙ୍କ ବୈବାହିକ ପାର୍ଟନରସିପରେ ପୂର୍ଣ୍ଣଚ୍ଛେଦ ପଡିଛି । ତେବେ କିଏ ଏହି ଆୟେଶା ଯାହାଙ୍କ ହାତ ଧରିଥିଲେ ଶିଖର ଧୱନ?
Kanak News is now on WhatsApp
Join and get latest news updates delivered to you via WhatsApp
୨୦୦୯ ଯାଏଁ ଆୟେଶା ମୁଖାର୍ଜୀ ଶିଖରଙ୍କ ପାଇଁ ଅଜଣା ଥିଲେ । କାରଣ ଆୟେଶା ଅଷ୍ଟ୍ରେଲିଆରେ ପରିବାର ସହ ରହୁଥିଲେ । ପେଶାରେ କିକ୍ ବକ୍ସର ଥିବା ଆୟେଶାଙ୍କ ଜନ୍ମ ପଶ୍ଚିମବଙ୍ଗରେ ହୋଇଥିଲା । ତେବେ ମାତ୍ର ୮ ବର୍ଷ ବୟସରେ ପରିବାର ସହ ଅଷ୍ଟ୍ରେଲିଆ ଚାଲି ଯାଇଥିଲେ ଆୟେଶା । ତାଙ୍କ ମା’ ଭାରତୀୟ ହୋଇଥିବା ବେଳେ ବାପା ବ୍ରିଟିଶ ବଂଶୋଦ୍ଭବ । ଅଷ୍ଟ୍ରେଲିଆ ଚାଲି ଯିବା ପରେ କ୍ରିକେଟ ଓ ଫୁଟବଲ ପ୍ରତି ଆୟେଶାଙ୍କର ରୁଚି ରହିଥିଲେ ମଧ୍ୟ କିକ୍ ବକ୍ସିଂକୁ ଅଧିକ ପସନ୍ଦ କରିଥିଲେ ଆୟେଶା । ସେଠାରେ ଜଣେ ସଫଳ ବ୍ୟବସାୟୀଙ୍କୁ ବିବାହ କରିଥିଲେ ଆୟେଶା । ଦୁଇଟି ଝିଅ ଜନ୍ମ ହେବା ପରେ କୌଣସି କାରଣବସତଃ ପ୍ରଥମ ସ୍ୱାମୀଙ୍କ ସହ ଛାଡପତ୍ର ହୋଇଥିଲା । ଆଉ ଏହାପରେ ଆୟେଶାଙ୍କ ଜୀବନରେ ଧୱନଙ୍କ ଏଣ୍ଟ୍ରି ହୋଇଥିଲା ।
ଶିଖର-ଆୟେଶାଙ୍କ ସମ୍ପର୍କ ସୋସିଆଲ ମିଡ଼ିଆରୁ ହିଁ ଆରମ୍ଭ ହୋଇଥିଲା । ସାଥୀ କ୍ରିକେଟର ହରଭଜନ ସିଂଙ୍କ ଆକାଉଣ୍ଟରେ ଆୟେଶାଙ୍କ ଫଟୋ ଦେଖିଥିଲେ ଶିଖର । ସଙ୍ଗେ ସଙ୍ଗେ ଫ୍ରେଣ୍ଡ ରିକ୍ୟୁଏଷ୍ଟ ପଠାଇ ବନ୍ଧୁ ସାଜିଥିଲେ ଶିଖର । ପରେ ଫୋନରେ କଥା ହେଉ ହେଉ ପରସ୍ପରକୁ ଭଲପାଇ ବସିଥିଲେ ଆୟେଶା-ଶିଖର । ଏହାର କିଛି ଦିନ ପରେ ଶିଖର ଆୟେଶାଙ୍କୁ ବିବାହ ପାଇଁ ପ୍ରସ୍ତାବ ଦେଇଥିଲେ, ଆୟେଶା ମଧ୍ୟ ରାଜି ହୋଇ ଯାଇଥିଲେ । ତେବେ ଶିଖରଙ୍କ ପରିବାର ଏହି ପ୍ରସ୍ତାବରେ ପ୍ରଥମରୁ ରାଜି ନଥିଲେ । କାରଣ ଶିଖରଙ୍କ ଠାରୁ ଆୟେଶା ବୟସରେ ୧୦ ବର୍ଷ ବଡ ଥିବାବେଳେ ପ୍ରଥମ ସ୍ୱାମୀଙ୍କ ସହ ବିବାହ ବିଚ୍ଛେଦ କରିଥିଲେ । ଏପରିକି ପ୍ରଥମ ସ୍ୱାମୀଙ୍କ ଠାରୁ ତାଙ୍କର ୨ଟି ଝିଅ ମଧ୍ୟ ଥିଲେ । ଏହାସତ୍ତେ୍ୱ ମଧ୍ୟ ଶିଖର ନିଜ ପରିବାରକୁ ମନାଇବା ସହ ୨୦୧୨ରେ ଆୟେଶାଙ୍କ ହାତ ଧରିଥିଲେ । ଏପରିକି ଦୁଇ ଝିଅକୁ ମଧ୍ୟ ନିଜର କରି ନେଇଥିଲେ ଶିଖର । ପରେ ୨୦୧୪ରେ ଶିଖର-ଆୟେଶା ଏକ ପୁତ୍ର ସନ୍ତାନକୁ ଜନ୍ମ ଦେଇଥିଲେ ।
ଶିଖରଙ୍କ ସହ ବିବାହ ପରେ ଆୟେଶା ନିଜର ସରନେମ ମଧ୍ୟ ବଦଳାଇ ଧୱନ କରିଥିଲେ । ପୂର୍ବରୁ ଅଷ୍ଟ୍ରେଲିଆରେ ପରିବାର ସହ ବାସ କରୁଥିବା ଆୟେଶା ବିବାହ ପରେ ପ୍ରାୟତଃ ଭାରତରେ ରହୁଥିଲେ । ଆଇପିଏଲର ବିଭିନ୍ନ ମ୍ୟାଚରେ ଶିଖର ଧୱନଙ୍କୁ ଚିୟରଅପ୍ କରିବାକୁ ଷ୍ଟାଡିୟମରେ ପହଞ୍ଚୁଥିଲେ ଆୟେଶା । ଏପରିକି ନିଜ କ୍ରିକେଟ କ୍ୟାରିୟରର ଯେଉଁ ସଫଳତା ମିଳିଥିଲା ତାହାର ଶ୍ରେୟ ଆୟେଶାଙ୍କୁ ଦିଅନ୍ତି ଶିଖର । ବିବାହ ପରେ ଶିଖର ଭାରତୀୟ ଦଳରେ ସ୍ଥାନ ପାଇବା ହେଉ କି ଦମଦାର ପ୍ରଦର୍ଶନ ସବୁର ଶ୍ରେୟ ଆୟେଶାଙ୍କୁ ଦିଅନ୍ତି ଶିଖର ।