ଦିନଥିଲା ଜେଏନୟୁ ଛାତ୍ରସଙ୍ଘର ପୂର୍ବତନ ଉପସଭାପତି  ସିଲା ରଶିଦ୍ କାଶ୍ମୀରରୁ ଧାରା ୩୭୦ର ଉଚ୍ଛେଦକୁ ତୀବ୍ର ବିରୋଧ କରୁଥିଲେ । ଏବେ କିନ୍ତୁ ସେ ମୋଦିଙ୍କ କାଶ୍ମୀର ନୀତିକୁ ଖୁବ ପ୍ରଶଂସା କରୁଛନ୍ତି । ଆଗରୁ ବହୁ ସଭାରେ ସେ ମୋଦିଙ୍କ ନୀତିକୁ ଖୁଲମ୍ଖୁଲା ସମାଲୋଚନା କରୁଥିଲେ । ସମୟକ୍ରମେ ତାଙ୍କର ମୋଦି ବିରୋଧ ସ୍ବର ଧୀରେଧୀରେ କ୍ଷୀଣ ହେବାରେ ଲାଗିଛି । ତାଙ୍କ କହିବା ଅନୁସାରେ ଏବେ କାଶ୍ମୀରରେ ମାନବାଧିକାର ସମସ୍ୟାରେ ବହୁତ ସୁଧାର ହେଉଛି ।

Advertisment

ନରେନ୍ଦ୍ର ମୋଦିଙ୍କ ନେତୃତ୍ବରେ ଭାଜପା ସରକାର ଅଗଷ୍ଟ ୫, ୨୦୧୯ରେ କାଶ୍ମୀରରୁ ଧାରା ୩୭୦କୁ ଉଚ୍ଛେଦ କରି ଦେଇଥିଲେ । ଯାହାକୁ ନେଇ ଦେଶ ଏବଂ ବିଦେଶରେ ବହୁତ ବିରୋଧ ପ୍ରଦର୍ଶନ ହୋଇଥିଲା । ଏହି ଧାରା ଉଚ୍ଛେଦ ହେବାର ପ୍ରାୟ ଚାରି ବର୍ଷ ପରେ ଏବେ କାଶ୍ମୀରରେ ଧୀରେ ଧୀରେ ଶାନ୍ତି ଓ ସୋହାର୍ଦର ବାତାବରଣ ଫେରି ଆସିଲାଣି । ମୋଦି ସପକ୍ଷବାଦୀ ତ ସବୁବେଳେ  ତାଙ୍କର ଜୟଗାନ କରୁଥାନ୍ତି କିନ୍ତୁ ଏବେ ମୋଦି ବିରୋଧୀମାନେ ମଧ୍ୟ ତାଙ୍କର ପ୍ରଶଂସା କରିବା  ଆରମ୍ଭ କଲେଣି ।

ଜେଏନୟୁ ଛାତ୍ରସଙ୍ଘର ପୂର୍ବତନ ଉପସଭାପତି  ସିଲା ରଶିଦ୍ ସ୍ବାଧୀନତା ଦିବସ ଅବସରରେ ଟୁଇଟ(X)କରି କହିଛନ୍ତି ଯେ “ଯଦିଓ ଏହା ସ୍ଵୀକାର କରିବାକୁ ଆଶ୍ଚର୍ଯ୍ୟଜନକ ଲାଗୁଛି କିନ୍ତୁ ଏହା ସତ୍ୟ ଯେ କାଶ୍ମୀରରେ ଏବେ ମାନବାଧିକାର ମାମଲାରେ ରେକର୍ଡ ସଂଖ୍ୟକ ସୁଧାର ହେଇଛି । ମୋଦି ସରକାର ଏବଂ ଜାମୁ କାଶ୍ମୀର ପ୍ରଶାସନ କାଶ୍ମୀର ଘାଟିରେ ଲୋକଙ୍କ ଜୀବନ ଧାରଣ ପାଇଁ ସହାୟକ ହେଇଛି । ଏହା ମୋର ଦୃଷ୍ଟିକୋଣ ଅଟେ । ଏହାପୂର୍ବରୁ ଅଗଷ୍ଟ ୧୪ ତାରିଖରେ ସେ ମୋଦି ସରକାରକୁ ପ୍ରଶଂସା କରି କହିଥିଲେ ଯେ ‘ବର୍ତ୍ତମାନର ସରକାର ଗୋଟେ ଝଟକାରେ ଦୀର୍ଘ ଦଶନ୍ଧି ଧରି ଚାଲି ଆସିଥିବା କାଶ୍ମୀରବାସୀଙ୍କ ପରିଚୟ ସଂକଟ ଦୂର କରିବାରେ ସଫଳ ହୋଇଛନ୍ତି । ଧାରା ୩୭୦କୁ ଉଚ୍ଛେଦ କରିବାର ଏହା ଏକ ସକରାତ୍ମକ ଫଳ କି ? ବୋଧହୁଏ ଆଗାମୀ ପିଢି ଏହି ବିବାଦୀୟ ପରିଚୟ ସଂକଟ ସହିତ ବଡ଼ ହେବନାହିଁ କି  ଆଉ ରକ୍ତପାତ ହେବନାହିଁ  । ଜଳବାୟୁ ସୁରକ୍ଷା  ମାମଲାରେ ପ୍ରଧାନମନ୍ତ୍ରୀ ମୋଦିଙ୍କୁ ତାରିଫ କଲେ ସିଲା ରଶିଦ୍ ଜଳବାୟୁ ସୁରକ୍ଷା  ବିଷୟରେ ତାଙ୍କର ପ୍ରତିବଦ୍ଧତା ପାଇଁ  ପ୍ରଧାନମନ୍ତ୍ରୀ ମୋଦିଙ୍କୁ ମଧ୍ୟ ତାରିଫ କରିଛନ୍ତି  । ଏକ ଅନୁସନ୍ଧାନ ରିପୋର୍ଟର ତଥ୍ୟକୁ ନେଇ ଟୁଇଟ କରି ସିଲା କହିଛନ୍ତି ଯେ ପ୍ରଧାନମନ୍ତ୍ରୀ ତାଙ୍କ ଅଭିଭାଷଣରେ ଭାରତ ଶକ୍ତି ପରିବର୍ତ୍ତନରେ ଏକ ପ୍ରମୁଖ ଭୂମିକା ଗ୍ରହଣ କରୁଛି  ବୋଲି କହିଛନ୍ତି । ଏହି ତଥ୍ୟ ଅନୁସାରେ ସେ ଆହୁରି କହିଛନ୍ତି ଯେ ଭାରତ ଆଉ ପ୍ରଦୂଷଣ କରୁଥିବା ଦେଶ ତାଲିକାରେ ନାହିଁ, ଏଥିରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସକ୍ରିୟ ଆଭିମୁଖ୍ୟ ପ୍ରଶଂସନୀୟ ।