ଆତଙ୍କବାଦୀ ୟାସୀନ ମଲ୍ଲିକଙ୍କ ସମର୍ଥନରେ ପାକ୍ କ୍ରିକେଟର ସାହିଦ ଆଫ୍ରିଦି, ଜାଣନ୍ତୁ କେମିତି ମୁହଁ ବନ୍ଦ କରିଦେଲେ ଅମିତ୍ ମିଶ୍ରା
କନକ ବ୍ୟୁରୋ : ପାକିସ୍ତାନ କ୍ରିକେଟ ଟିମର ପୂର୍ବତନ କ୍ୟାପଟେନ ସାହିଦ ଆଫ୍ରିଦ ସବୁବେଳେ ଭାରତ ବିରୋଧରେ ମତ ଦେଇ ଚର୍ଚ୍ଚାରେ ରହିଥାନ୍ତି । କିଛିଦିନ ତଳେ ଭାରତକୁ ପାକିସ୍ତାନର ଶତ୍ରୁ ବୋଲି କହିଥିଲେ ଆଫ୍ରିଦ୍ । ଏବେ ଆତଙ୍କବାଦୀ ୟାସୀନ ମଲ୍ଲିକଙ୍କ ସମର୍ଥନରେ ଏକ ଟ୍ୱିଟ୍ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଆଫ୍ରିଦ ତାଙ୍କ ଟ୍ୱିଟରରେ ଲେଖିଛନ୍ତି କି, ଭାରତ ଯେଭଳି ଭାବେ ମାନବାଧିକାର ଶୋଷଣ ବିରୋଧରେ ସ୍ୱର ଉଠାଉଥିବା ବ୍ୟକ୍ତିଙ୍କୁ ଚୁପ କରିବାକୁ ଚେଷ୍ଟା କରୁଛି ତାହା ସଫଳ ହେବ ନାହିଁ । ୟାସୀନ ମଲ୍ଲିକଙ୍କ ଉପରେ ଭାରତ ସରକାର ଯେଭଳି ମନଗଢା ଅଭିଯୋଗ ଆଣୁଛନ୍ତି ତାହା କାଶ୍ମୀରକୁ ସ୍ୱାଧୀନ କରିବା ପାଇଁ ଚାଲିଥିବା ସଂଘର୍ଷକୁ ଅଟକାଇ ପାରିବ ନାହିଁ । ଏହାସହ ସେ ତାଙ୍କ ଟ୍ୱିଟ୍ ମାଧ୍ୟମରେ ସଂଯୁକ୍ତ ରାଷ୍ଟ୍ରକୁ ଅନୁରୋଧ କରି କାଶ୍ମୀର ନେତାଙ୍କ ଉପରେ ଭାରତ ସରକାର ଯେଉଁ ଅନ୍ୟାୟ କରୁଛନ୍ତି ତାହା ଉପରେ ନଜର ରଖିବାକୁ ଆଫ୍ରିଦ ଅନୁରୋଧ କରିଛନ୍ତି ।
India’s continued attempts to silence critical voices against its blatant human right abuses are futile. Fabricated charges against #YasinMalik will not put a hold to #Kashmir‘s struggle to freedom. Urging the #UN to take notice of unfair & illegal trails against Kashmir leaders. pic.twitter.com/EEJV5jyzmN
— Shahid Afridi (@SAfridiOfficial) May 25, 2022
ସେପଟେ ଆଫ୍ରିଦଙ୍କ ଏଭଳି ଟ୍ୱିଟ ଉପରେ ଭାରତୀୟ କ୍ରିକେଟ ଟିମର ବୋଲର ଅମିତ୍ ମିଶ୍ରା କଡା ଜବାବ ଦେଇଛନ୍ତି । ଆଫ୍ରିଦଙ୍କ ଟ୍ୱିଟର ଯବାବ ଦେଇ ମିଶ୍ରା ଲେଖିଛନ୍ତି କି, ୟାସୀନ ମଲ୍ଲିକ କୋର୍ଟରୁମରେ ନିଜ ଦୋଷ ସ୍ୱୀକାର କରିସାରିଛନ୍ତି । ସିଧା ସଳଖ ଆଫ୍ରିଦଙ୍କୁ ଟାର୍ଗେଟ କରି ମିଶ୍ରା ଲେଖିଛନ୍ତି କି ‘ତୁମ ଜନ୍ମଦିନ ଭଳି ସବୁକିଛି ବିଭ୍ରାନ୍ତିକର ହୋଇପାରିବ ନାହିଁ’
Dear @safridiofficial he himself has pleaded guilty in court on record. Not everything is misleading like your birthdate. 🇮🇳🙏https://t.co/eSnFLiEd0z
— Amit Mishra (@MishiAmit) May 25, 2022
କହିରଖୁ କି ଏବେ ବି ସାହିଦ ଆଫ୍ରିଦ ନିଜ ବୟସକୁ ନେଇ ବିବାଦରେ ରହିଛନ୍ତି । ଅର୍ନ୍ତରାଷ୍ଟ୍ରୀୟ କ୍ରିକେଟ ପରିଷଦ ମୁତାବକ ଆଫ୍ରିଦଙ୍କ ଜନ୍ମ ୧୯୮୦ ମାର୍ଚ୍ଚ ୧ ତାରିଖ । ଅର୍ଥାତ ଏବେ ତାଙ୍କର ବୟସ ୪୨ ବର୍ଷ । ହେଲେ ୨୦୧୯ ମସିହାରେ ଆଫ୍ରିଦ ଖୋଲାସା କରିଥିଲେ କି ୧୯୯୬ ମସିହାରେ ନୌରୋବୀ ଠାରେ ଶ୍ରୀଲଙ୍କା ବିରୋଧରେ ସେ ୩୭ ବଲରେ ରେକର୍ଡ ଶତକ ମାରିବ ବେଳେ ତାଙ୍କୁ ୧୬ ବର୍ଷ ହୋଇ ନଥିଲା ।