ଆମେରିକାର ପ୍ରମୁଖ ପତ୍ରିକା ଟାଇମ ମାଗାଜିନରେ ସାହିନବାଗର ଦାଦି ମା’ । ବିଶ୍ୱର ୧୦୦ ଜଣ ପ୍ରଭାବଶାଳୀ ବ୍ୟକ୍ତି ତାଲିକାରେ ସ୍ଥାନ ପାଇଲେ ବିଲକିସ୍ ।
କନକ ବ୍ୟୁରୋ: ନାଗରିକତା ସଂଶୋଧନ ଆଇନ ବିରୋଧରେ ଦିଲ୍ଲୀର ସାହିନବାଗରେ ଚାଲିଥିବା ଆନ୍ଦୋଳନରେ ସବୁଠାରୁ ବଡ ଚେହେରା ଭାବେ ଉଭା ହୋଇଥିବା ବିଲକିସ୍ ଦାଦି ମା’ ଏବେ ଟାଇମ୍ ପତ୍ରିକା ଦ୍ୱାରା ୧୦୦ ଜଣ ପ୍ରଭାବଶାଳୀ ସେଲିବ୍ରେଟିଙ୍କ ତାଲିକାରେ ଗଣତି ହୋଇଛନ୍ତି । ଏହି ଅବସରରେ ଦାଦି ମା’ ବେଲକିସ୍ ଖୁସି ବ୍ୟକ୍ତ କରି କହିଛନ୍ତି କି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମୋ ପୁଅ ଭଳି ଏବଂ ସେ ଯଦି ମୋତେ ଡାକନ୍ତି ତେବେ ମୁଁ ତାଙ୍କୁ ଭେଟି ଖୁସି ହେବି ।
Kanak News is now on WhatsApp
Join and get latest news updates delivered to you via WhatsApp
ଗତବର୍ଷ ସଂସଦରେ ନାଗରିକ ଆଇନ ପାସ ହେବା ପରେ ଦେଶର ବିଭିନ୍ନ ସ୍ଥାନରେ ଏହି ଆଇନ ବିରୋଧରେ ଆନ୍ଦୋଳନ ଆରମ୍ଭ ହୋଇଥିଲା । ତାହା ମଧ୍ୟରୁ ସାହିନବାଗ ଥିଲା ପ୍ରମୁଖ ବିରୋଧ ସ୍ଥଳୀ । ସାହିନବାଗର ବିରୋଧ ପ୍ରଦର୍ଶନ ଉପରେ ସାରା ବିଶ୍ୱ ନଜର ରଖିଥିଲା । ପ୍ରଦର୍ଶନ ସ୍ଥଳୀର ମୁଖ୍ୟ ଆକର୍ଶଣ ଥିଲା ଯେ ପ୍ରଦର୍ଶନକାରୀଙ୍କ ମଧ୍ୟରୁ ଅଧିକାଂଶ ମହିଳା ଥିଲେ । ଏହି ଆନ୍ଦୋଳନର ସ୍ମୃତି ଉଚାରଣ କରି ବିଲକିସ୍ ଦାଦି ମା’ କହିଛନ୍ତି କି ପାରଦ ପତନ, ତାପମାତ୍ରା ବୃଦ୍ଧି ଓ ବର୍ଷା ସମୟରେ ମଧ୍ୟ ଆମେ ପ୍ରଦର୍ଶନ ଜାରି ରଖିଥିଲୁ । ଯେତେବେଳେ ଆମ ପିଲା ମାନଙ୍କୁ ଜାମିଆ ବିଶ୍ୱବିଦ୍ୟାଳୟରେ ପିଟା ଗଲା ସେତେବେଳେ ଆମେ ଆହୁରି ଦୃଢ ହୋଇଯାଇଥିଲୁ । ଆମ ଉପରେ ବି ଗୁଳି ଚଳାଗଲା ହେଲେ ଆମେ ଆନ୍ଦୋଳନରୁ ଉହୁରି ନଥିଲୁ ।
ତାଙ୍କୁ ଯେତେବେଳେ ପଚରା ଗଲା କି ଯଦି ପ୍ରଧାନମନ୍ତ୍ରୀ ତୁମକୁ ନିମନ୍ତ୍ରଣ କରନ୍ତି ତେବେ । ଏହାର ଉତ୍ତର ଦେଇ ସେ କହିଥିଲେ କି ମୋଦୀଜୀ ମୋ ପୁଅ ଭଳି ଓ ମୁଁ ତାଙ୍କ ମା’ ଭଳି , ସେ ଯଦି ନିମନ୍ତ୍ରଣ କରିବେ ତେବେ ତାଙ୍କୁ ଦେଖା କରିବାର କିଛି ଭୟ ମୋର ନାହିଁ । ଟାଇମ ପତ୍ରିକାରେ ମୋ ନାଁ ଥିବାରୁ ଏଥିପାଇଁ ମୁଁ ତାଙ୍କୁ ଅଭିନନ୍ଦନ ଜଣାଉଛି । କହିରଖୁ କି ଏହି ତାଲିକାରେ ଭାରତୀୟ ମାନଙ୍କ ମଧ୍ୟରେ ଚଳଚିତ୍ର ଅଭିନେତା ଆୟୁଷ୍ମାନ ଖୁରାନା, ଗୁଗୁଲ ସିଇଓ ସୁନ୍ଦର ପିଚାଇ, ଏଚଆଇଭି ଓ ସାହିନବାଗ ଉପରେ ଗବେଷଣା କରୁଥିବା ରବିନ୍ଦ୍ର ଗୁପ୍ତାଙ୍କ ନାଁ ବି ରହିଛି ।