ଶାହିନ୍ ବାଗ୍ କୁ ସୈତାନ ବାଗ୍ କହି ଅଡୁଆରେ ବିଜେପି ରାଷ୍ଟ୍ରୀୟ ସଚିବ : କହିଲେ , ଆଇଏସଆଇଏସ୍ ସଂଗଠନ ମହିଳା ଏବଂ ପିଲାଙ୍କୁ ବ୍ୟବହାର କଲା ଭଳି ଶାହିନ୍ ବାଗ୍ ର ଅବସ୍ଥା
ସିଏଏ ବିରୋଧକୁ ନେଇ ଦିଲ୍ଲୀର ଶାହିନ୍ ବାଗ୍ ରେ ମହିଳାଙ୍କ ପ୍ରଦର୍ଶନ ଚାଲୁ ରହିଛି । ଏଥିମଧ୍ୟରେ ଭାରତୀୟ ଜନତା ପାର୍ଟିର ରାଷ୍ଟ୍ରୀୟ ସଚିବ ବିବାଦୀୟ ମନ୍ତବ୍ୟ ଦେଇ ଚର୍ଚ୍ଚାର ଘେରକୁ ଆସିଛି । ବିଜେପି ରାଷ୍ଟ୍ରୀୟ ସଚିବ ତରୁଣ ଚୁଘ୍ ଶାହିନ୍ ବାଗ୍ ର ଅର୍ଥ ସୈତାନ ବାଗ୍ କହିବା ସହ ଆଇଏସଆଇଏସ୍ ସଂଗଠନ ଯେଭଳି ମହିଳା ଏବଂ ଛୋଟପିଲାଙ୍କୁ ବ୍ୟବହାର କରନ୍ତି ସେଭଳି ଶାହିନ୍ ବାଗ୍ ରେ ବ୍ୟବହାର କରିଥିବା କଥା କହିଛନ୍ତିି । ଭାରତରେ ହାଫିଜ୍ ସଇଦ୍ ର ବିଚାର ଆଦୌ ବରଦାସ୍ତ କରାଯାଇପାରିବ ନାହିଁ ବୋଲି ସେ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଦିଲ୍ଳୀରେ ବର୍ତ୍ତମାନ ବିଧାନସଭା ନିର୍ବାଚନ ପ୍ରଚାର ଚାଲିଥିବା ବେଳେ ବିଭିନ୍ନ ରାଜନୈତିକ ଦଳର ପ୍ରାର୍ଥୀ ମତଦାତାଙ୍କୁ ଆକୃଷ୍ଟ କରିବାକୁ ଚେଷ୍ଟା କରିବାରେ ଲାଗି ପଡିଛନ୍ତି । ଏକ ସପ୍ତାହ ଭିତରେ ନିର୍ବାଚନ ଥିବାରୁ ବିଜେପି ନେତା ସିଏଏ ବିରୋଧୀଙ୍କ ବିରୋଧରେ ବୟାନ ଦେଇଥିବା କଥା କୁହାଯାଉଛି । ତରୁଣ୍ ଚୁଘ୍ ନିଜ ଟ୍ୱିଟର ଆକାଉଣ୍ଟରେ କହିଛନ୍ତି ଯେ ଶାହିନ୍ ବାଗ୍ ର ପ୍ରଦର୍ଶନକାରୀ ଦିଲ୍ଲୀ ଜନତାଙ୍କ ମନରେ ରାସ୍ତା ଅବରୋଧ କରି ଭୟ ସୃଷ୍ଟି କରାଇବା ପାଇଁ ଚେଷ୍ଟା କରୁଛନ୍ତି ।