କନକ ବ୍ୟୁରୋ: ୨୭ ଦିନ ପରେ ଘରକୁ ଫେରିବେ ଆରୟନ ଖାନ୍ । ବମ୍ବେ ହାଇକୋର୍ଟ ଶୁଣାଣି କରି ଆରୟନ ଖାନଙ୍କ ସମେତ ଅରବାଜ ମର୍ଚ୍ଚାଣ୍ଟ ଓ ମୁନମୁନ ଧମେଚାଙ୍କୁ ଜାମିନ୍ ପ୍ରଦାନ କରିଛନ୍ତି । ଲଗାତାର ୩ ଦିନ ଧରି ଉଭୟ ପକ୍ଷଙ୍କ ଯୁକ୍ତି ଶୁଣିବା ପରେ ରାୟ ଦେଇଛନ୍ତି ବମ୍ବେ ହାଇକୋର୍ଟ । ଗୁରୁବାର କୋର୍ଟରେ ଆରୟନଙ୍କୁ ଜାମିନ ନ ଦେବା ପାଇଁ ଯୁକ୍ତି କରିଥିଲା ଏନସିବି । କୋର୍ଟରେ ଏନସିବି ତରଫରୁ ଓକିଲ ଅନୀଲ ସିଂହ କହିଥିଲେ…
Kanak News is now on WhatsApp
Join and get latest news updates delivered to you via WhatsApp
ଆରୟନ ଖାନ୍ ପ୍ରଥମ ଥର ଡ୍ରଗ୍ସ ନେଉ ନଥିଲେ, ଆରୟନ ଓ ଅରବାଜ ଅନେକ ବର୍ଷରୁ ଡ୍ରଗ୍ସ ନେଇ ଆସୁଛନ୍ତି
- ଡ୍ରଗ୍ସ ପେଡଲରଙ୍କ ସହ ମଧ୍ୟ ତାଙ୍କ ସମ୍ପର୍କ ରହିଛି
- ଚାର୍ଟସରୁ ସ୍ପଷ୍ଟ ହେଉଛି ଯେ, ଆରୟନ ଡ୍ରଗ୍ସ କାରବାର କରୁଥିଲେ
- କ୍ରୁଜରେ ଡ୍ରଗ୍ସ ପାର୍ଟି ନେଇ ଆରୟନ ଖାନ୍ ଆଗରୁ ଜାଣିଥିଲେ
- ଗାନ୍ଧୀ ଜୟନ୍ତୀରେ ଆରୟନ ଏଭଳି କରିବାର ନଥିଲା
ଏନସିବି ପକ୍ଷରୁ ଓକିଲ ଅନୀଲ ସିଂହଙ୍କ ଯୁକ୍ତି ଶୁଣିବା ପରେ ଆରୟନ ଖାନଙ୍କ ତରଫରୁ ପକ୍ଷ ରଖିଥିବା ଓକିଲ ମୁକୁଲ ରୋହତୋଗୀଙ୍କ ଯୁକ୍ତି…
- ଆରୟନ, ଅରବାଜ ଏକାଠି ଥିଲେ ମାତ୍ର ଆରୟନଙ୍କୁ ଜଣା ନଥିଲା ଯେ, ଅରବାଜଙ୍କ ପାଖରେ ଡ୍ରଗ୍ସ ଅଛି
- ଆରୟନ ଖାନ୍ କୌଣସି ଷଡଯନ୍ତ୍ର କରି ନାହାଁନ୍ତି
- ଷଡଯନ୍ତ୍ର ହୋଇଛି କି ନାହିଁ ସେଥିପାଇଁ ପ୍ରମାଣ ଆବଶ୍ୟକ
- ଆରୟନ ଖାନଙ୍କ ବିରୋଧରେ ସେଭଳି କିଛି ପ୍ରମାଣ ନାହିଁ
- ମାନବ ଓ ଗାବାଙ୍କୁ ଆରୟନ ଜାଣିଥିଲେ ସେମାନଙ୍କୁ କାହିଁକି ଗିରଫ କରାଯାଇ ନାହିଁ
- ମାମଲାରେ ସମ୍ପୃକ୍ତ ଅନ୍ୟ ୨ ଜଣଙ୍କୁ ପୂର୍ବରୁ କିଭଳି ଜାମିନ୍ ମିଳିଲା
ବମ୍ବେ ହାଇକୋର୍ଟଙ୍କ ଶୁଣାଣୀ ପରେ ଶୁକ୍ରବାର ଜେଲରୁ ମୁକୁଳି ପାରନ୍ତି ଆରୟନ ଖାନ୍ । ଅକ୍ଟୋବର ୨ ଶାହରୁଖ ଖାନଙ୍କ ଜନ୍ମଦିନ ପୂର୍ବରୁ ଆରୟନ ଖାନଙ୍କୁ ଜାମିନ୍ ମିଳିବା ନିଶ୍ଚିତ ଭାବେ ତାଙ୍କ ପରିବାର ପାଇଁ ଏକ ଖୁସିର ଖବର । ନଭେମ୍ବର ୨ ତାରିଖରେ କ୍ରୁଜରେ ଡ୍ରଗ୍ସ ପାର୍ଟି ଚାଲିଥିବାବେଳେ ନାର୍କୋଟିକ୍ସ କଂଟ୍ରୋଲ ବ୍ୟୁରୋ ଚଢାଉ କରି ଆରୟନ ଖାନ ସମେତ ୩ ଜଣଙ୍କୁ ଗିରଫ କରିଥିଲା । ଏହି ମାମଲାରେ ପ୍ରଥମେ ଏନଡିପିସି କୋର୍ଟ ଶୁଣାଣୀ କରି ଅକ୍ଟୋବର ୨୦ ତାରିଖରେ ଆରୟନଙ୍କ ଜାମିନ୍ ଖାରଜ କରିଦେଇଥିଲେ । ପରେ ବମ୍ବେ ହାଇକୋର୍ଟକୁ ଯାଇଥିଲା ମାମଲା । ଶେଷରେ ହାଇକୋର୍ଟ ଆରୟନଙ୍କୁ ଜାମିନ ପ୍ରଦାନ କରିଛନ୍ତି ।